Why should people have turmeric and ghee together: இந்திய சமையலறையில் நாம் பயன்படுத்தும் பல்வேறு உணவுப்பொருள்கள் உடல் ஆரோக்கியத்திற்கு மிகவும் இன்றியமையாதவை. அவ்வாறு, அன்றாட உணவில் சேர்க்கப்படும் சிறந்த மசாலா வகைகளில் ஒன்றான மஞ்சள் உணவிற்கு நிறம் மற்றும் சுவையைக் கூட்டுவதுடன் பல்வேறு ஆரோக்கிய நன்மைகளை வழங்குகிறது. அவ்வாறே, பாரம்பரியமாக இனிப்பு வகைகள் மற்றும் பல்வேறு உணவுகளில் நறுமணம் மற்றும் சுவையைக் கூட்டும் வகையில் நெய் சேர்க்கப்படுகிறது.
எனவே தான் பல சமையலறைகளில், நெய் மற்றும் மஞ்சள் அவற்றின் மதிப்பை ஒருபோதும் இழந்ததில்லை. ஆனால், இதை அன்றாட உணவில் மட்டுமல்லாமல், தினமும் வெறும் வயிற்றில் காலையில் நெய் மற்றும் மஞ்சளை ஒன்றாக எடுத்துக் கொள்வது உடல் ஆரோக்கியத்திற்கு நன்மை தருவதாக அமைகிறது. இது சிறந்த நச்சு நீக்கும் மருந்து அல்லது ஆயுர்வேத பானமாக அமைகிறது. இதில் தினமும் வெறும் வயிற்றில் மஞ்சள் மற்றும் நெய் எடுத்துக் கொள்வதால் கிடைக்கும் ஆரோக்கிய நன்மைகளைக் காணலாம்.
இந்த பதிவும் உதவலாம்: Garlic roasted with ghee: பூண்டை நெய்யில் வறுத்து சாப்பிட்ருக்கீங்களா? இது தெரிஞ்சா நீங்களும் சாப்பிடுவீங்க
வெறும் வயிற்றில் நெய் மற்றும் மஞ்சளை உட்கொள்வதால் கிடைக்கும் நன்மைகள்
செரிமானத்தை மேம்படுத்துவதற்கு
ஒரு ஸ்பூன் நாட்டு நெய் மற்றும் சிறிது ஆர்கானிக் பச்சை மஞ்சளுடன் நாளைத் தொடங்குவது உடல்நலப் பிரச்சினைகளை வெல்வதற்கான சிறந்த இயற்கை மற்றும் ஆயுர்வேத வழியாகக் கருதப்படுகிறது. வீக்கம் மற்றும் வாயு போன்ற செரிமான பிரச்சனைகளை நீக்க உதவுகிறது. இதில் நெய் உட்கொள்வது செரிமானப் பாதையை மூடி, வயிற்றின் உட்புறப் புறணி எரிச்சலிலிருந்து பாதுகாக்கிறது. மேலும், இது செரிமான அமைப்புக்கு அவசியமான பித்த சாறு உற்பத்தியைத் தூண்டவும் உதவுகிறது. அதே சமயம், மஞ்சள் உட்கொள்வது உணவை உடைத்து செரிமானத்தை மேம்படுத்துகிறது.
மேம்பட்ட மூட்டு ஆரோக்கியத்திற்கு
இன்று பலரும் மூட்டு வலியால் கடுமையானதாக பாதிக்கப்படுகின்றனர். இதற்கு ஒரு சிறந்த தீர்வாக நெய் மஞ்சள் கலவை அமைகிறது. இதில் நெய் உட்கொள்வது மூட்டுகளுக்கு இடையிலான உராய்வைக் குறைக்க உதவும் ஒரு இயற்கை மசகு எண்ணெயாக அமைகிறது. இது உடலின் வைட்டமின் டி அளவை அதிகரிப்பதன் மூலம் எலும்பு ஆரோக்கியத்தைப் பாதுகாக்க வழிவகுக்கிறது. அதே சமயம், மஞ்சளில் குர்குமின் நிறைந்துள்ளது. இது குருத்தெலும்புகளை சேதத்திலிருந்து பாதுகாப்பதாக கூறப்படுகிறது.
உள் வீக்கத்தைக் குறைக்க
போதுமான உடல் செயல்பாடு இல்லாமை மற்றும் ஊட்டச்சத்து குறைபாடு போன்றவற்றால் எலும்பு ஆரோக்கியம் பாதிக்கப்படலாம். இது வீக்கப் பிரச்சினைகளைத் தூண்டுகிறது. இந்நிலையில் வெறும் வயிற்றில் நெய் மற்றும் மஞ்சள் கலவை எடுத்துக் கொள்வது குடலில் ஏற்படும் வீக்கத்தைக் குறைக்க உதவுகிறது. ஏனெனில் இதில் கொழுப்பு அமிலமான ப்யூட்ரேட்டால் நிரம்பிய சக்திவாய்ந்த அழற்சி எதிர்ப்பு முகவர்கள் உள்ளன. மேலும் மஞ்சளில் உள்ள குர்குமின் கலவை அழற்சி சைட்டோகைன்களின் உற்பத்தியைத் தடுக்க உதவுகிறது. எனவே நெய் மற்றும் மஞ்சளுடன் நாளைத் தொடங்குவது உள் வீக்கத்தைக் குறைக்க உதவுகிறது.
இந்த பதிவும் உதவலாம்: Ghee With Warm Water: தினமும் காலையில் வெறும் வயிற்றில் வெந்நீரில் நெய் கலந்து குடிப்பதன் நன்மைகள்!
நோய் எதிர்ப்பு சக்தியை அதிகரிக்க
ஒரு ஸ்பூன் நெய்யுடன் மஞ்சள் கலந்து குடிப்பது உடலில் நோய் எதிர்ப்பு சக்தியை அதிகரிக்க உதவுகிறது. இந்த ஆயுர்வேத கலவையில் அழற்சி எதிர்ப்பு சேர்மங்கள் மற்றும் ஆன்டிஆக்ஸிடன்ட்கள் காணப்படுகின்றன. இது உடலில் நோய் எதிர்ப்பு சக்தியை அதிகரிக்க உதவுகிறது. மேலும் நெய்யில் வைட்டமின் ஏ உள்ளது. இது சளி சவ்வு ஆரோக்கியத்தை நிர்வகிப்பதற்கும், அதன் பாதுகாப்பாளராகவும் செயல்படுகிறது. மறுபுறம், மஞ்சளானது ஆன்டிவைரல், பாக்டீரியா எதிர்ப்பு மற்றும் பூஞ்சை காளான் பண்புகளால் நிறைந்ததாகும். இவை அனைத்துமே உடலில் நோய் எதிர்ப்பு சக்தியை அதிகரித்து சளி மற்றும் காய்ச்சலுக்கு எதிராகப் பாதுகாக்க உதவுகிறது.
நல்ல தூக்கத்தைப் பெற
மஞ்சள் மற்றும் நெய் உட்கொள்வது நரம்பு மண்டலத்தில் அமைதிப்படுத்தும் விளைவை ஏற்படுத்துகின்றன. இதன் மூலம் நல்ல தரமான தூக்கத்தைப் பெறலாம். இதில் டிரிப்டோபான் என்ற அமினோ அமிலம் உள்ளது. இந்த அமினோ அமிலம் தூக்கத்தை சீராக்க உதவும் செரோடோனின் என்ற நரம்பியக்கடத்தியாக மாற்றப்படுகிறது. அதே போல, மஞ்சளில் உள்ள குர்குமின் மூளைக்குள் ஏற்படும் வீக்கத்தை திறம்பட குறைக்க உதவுகிறது. இதன் மூலம் நல்ல மற்றும் சிறந்த தூக்கத்தைப் பெறலாம்.
இந்த தகவல் உங்களுக்கு பிடித்திருக்கும் என நம்புகிறோம். இந்த கட்டுரையை உங்கள் நண்பர்களுக்கும், உறவினர்களுக்கும் பகிருங்கள். ஆரோக்கியம் தொடர்பான இதுபோன்ற பல சுவாரஸ்ய தகவல்களுக்கு தொடர்ந்து ஒன்லி மை ஹெல்த் உடன் இணைந்திருங்கள், மேலும் OnlyMyHealth பேஸ்புக் மற்றும் இன்ஸ்டா பக்கத்தை பின்தொடர இந்த இணைப்பை கிளிக் செய்யுங்கள்- Onlymyhealth Tamil Facebook, Onlymyhealth Tamil Instagram
இந்த பதிவும் உதவலாம்: Ghee or Butter: வெயில் காலத்தில் ஆற்றலோடு ஆரோக்கியமா இருக்க எதை சாப்பிடலாம்?
Image Source: Freepik