சமீபத்திய ஆண்டுகளில், அழகுத் துறை குறிப்பிடத்தக்க மாற்றத்தைக் கண்டுள்ளது. நுகர்வோர் தங்கள் தோல் பராமரிப்பு மற்றும் அழகு நடைமுறைகளில் இயற்கை மற்றும் பாரம்பரிய பொருட்களை நோக்கி ஈர்க்கப்படுகிறார்கள். கடந்த சில ஆண்டுகளாக சந்தையில் கே-பியூட்டி மற்றும் ஜே-பியூட்டி என்ற சொற்களால் ஆதிக்கம் செலுத்தப்பட்டது. தற்போது ஆயுர்வேத அழகு என்றும் அழைக்கப்படும் ஏ-பியூட்டி வடிவில் புதிய போக்கு உருவாகி வருகிறது. இது குறித்து, R&D தலைவர், மருத்துவர் கிருதி சோனியாவின் விளக்கத்தை இங்கே காண்போம்.
புத்தர் சொல்வது போல், உங்கள் உடல் விலைமதிப்பற்றது. எனவே அதை கவனமாக நடத்துங்கள். 5000 ஆண்டுகளுக்கும் மேலாக இருந்து வரும் பழங்கால இந்திய மருத்துவ முறையான ஆயுர்வேதத்தை விட வேறு என்ன சிறந்ததாக இருக்க முடியும்? முழுமையான ஆரோக்கியத்தை மேம்படுத்த இயற்கை மூலிகை பொருட்களை பயன்படுத்துவதை மக்கள் வலியுறுத்தப்படுகிறார்கள் என்றார் மருத்துவர் கிருதி. மேலும் தற்போது அழகு துறையில் ஆயுர்வேதம் பெரிய விஷயமாக கருதப்படுகிறது என்றும் அவை அனைத்தும் நல்லது என்றும் அவர் கூறினார்.
இதையும் படிங்க: ஆரோக்கியமான கூந்தலுக்கு பின்பற்ற வேண்டிய ஆயுர்வேத குறிப்புகள்
இன்றைய காலகட்டத்தில் நுகர்வோர் தங்கள் தோல் பராமரிப்புப் பொருட்களில் உள்ள கலவைகளைப் பற்றி அதிக விழிப்புணர்வுடன் இருக்கிறார்கள். மேலும் இயற்கை மூலம் பெறப்பட்ட, நிலையான விருப்பங்களைத் தேர்ந்தெடுக்கிறார்கள். இயற்கையான மூலங்களிலிருந்து பெறப்பட்ட ஆயுர்வேத பொருட்கள், பல்வேறு தோல் மற்றும் கூந்தல் பிரச்சனைகளை நிவர்த்தி செய்யும் ஆற்றல் வாய்ந்த ஊட்டச்சத்துக்கள் மற்றும் கலவைகளைக் கொண்டிருப்பதாக மருத்துவர் கூறினார். மேலும் இந்த பொருட்களில், அலெற்சி எதிர்ப்பு மற்றும் பாக்டீரியா எதிர்ப்பு பண்புகள் உள்ளதாகவும், அவை முகப்பரு மற்றும் வயதான அறிகுறிகளைக் குறைப்பதன் மூலம் சருமத்தைப் பாதுகாக்கும் என்றும் அவர் கூறினார்.
கூடுதலாக, ஆயுர்வேத அழகு சாதனப் பொருட்கள் நிலையான மூலப்பொருட்களைக் கொண்டு தயாரிக்கப்படுவதாகவும், சுற்றுச்சூழலுக்கு உகந்த பொருட்களைப் பயன்படுத்தி தொகுக்கப்படுவதாகவும், இவை நுகர்போருக்கு சிறந்த தேர்வாக இருக்கும் என்று மருத்துவர் கூறினார்.
உங்கள் தினசரி தோல் பராமரிப்பு மற்றும் முடி பராமரிப்பு வழக்கத்தில் நீங்கள் இணைக்க வேண்டிய சில ஆயுர்வேத மூலிகைகளை மருத்துவர் பரிந்துரைத்தார். அவை இங்கே:
மஞ்சள்:
மஞ்சள் ஒரு பிரபலமான ஆயுர்வேத மூலிகையாகும். இது தோல் ஆரோக்கியத்தை மேம்படுத்த பல நூற்றாண்டுகளாக பயன்படுத்தப்படுகிறது. ஆக்ஸிஜனேற்ற மற்றும் அலெற்சி எதிர்ப்பு பண்புகள் நிறைந்த, இந்த மூலப்பொருள் வீக்கம் மற்றும் சிவத்தல் நிவர்த்தி செய்ய ஒரு சிறந்த வழி. அதன் பளபளப்பை அதிகரிக்கும் பண்புகளுடன், இது கரும்புள்ளிகள் மற்றும் ஹைப்பர் பிக்மென்டேஷன் தோற்றத்தையும் குறைக்கிறது.
துளசி:
துளசி ஆரோக்கியமான தோல் மற்றும் முடியை மேம்படுத்த பயன்படுகிறது. துளசியில் அதிக அளவு வைட்டமின் சி உள்ளது. இது இயற்கையான முறையில் சருமத்தை பிரகாசமாக்குகிறது. இதில் உள்ள ஆக்ஸிஜனேற்றம் மற்றும் வைட்டமின் சி, கரும்புள்ளிகள் மற்றும் ஹைப்பர் பிக்மென்டேஷனின் தோற்றத்தைக் குறைக்கிறது. துளசி சாறு அல்லது எண்ணெயுடன் தோல் பராமரிப்பு பொருட்களைப் பயன்படுத்துவதன் மூலம் சருமம் பிரகாசமாகவும், பளபளப்பாகவும் இருக்கும். அதன் அலெற்சி எதிர்ப்பு பண்புகள் சிவத்தல் மற்றும் எரிச்சலைக் குறைக்க உதவும். இது உங்கள் சருமத்தை பளபளப்பாக்கி, இன்னும் கூடுதலான நிறத்தை அடைய உதவி செய்கிறது. உங்கள் தோல் பராமரிப்பு வழக்கத்தில் துளசியை சேர்த்துக்கொள்வது ஒரு சிறந்த தேர்வாக இருக்கும். தோல் பராமரிப்பு மட்டுமல்ல, துளசி உங்கள் முடி பராமரிப்பு வழக்கத்திற்கு ஒரு சிறந்த கூடுதலாகும். இது ஆரோக்கியமான முடி வளர்ச்சிக்கும், மயிர்க்கால்களை வலுப்படுத்தவும், பொடுகு வராமல் தடுக்கவும் உதவுகிறது.
இதையும் படிங்க: முடி உதிர்வதை தடுக்கும் இயற்கையான மூலிகை எண்ணெயை இனி வீட்டிலேயே செய்யலாம்!!!
ரோஜா:
ஆயுர்வேதத்தில், அழகை மேம்படுத்துவதற்கும் ஒட்டுமொத்த நல்வாழ்வை மேம்படுத்துவதற்கும் ரோஜா ஒரு சக்திவாய்ந்த பொருளாகக் கருதப்படுகிறது. இது உடலுக்கு குளிர்ச்சியளிக்கிறது. இதன் நறுமணம் மனதை அமைதிப்படுத்தி, மன அழுத்தம் மற்றும் பதட்டத்தை குறைக்க உதவுகிறது. ரோஜா எண்ணெய் பல ஆயுர்வேத அழகு சாதனப் பொருட்களில் ஒரு பிரபலமான பொருளாக உள்ளது. இது ஆரோக்கியமான நிறத்தை மேம்படுத்தும் என்று நம்பப்படுகிறது. ரோஜாவின் அலெற்சி எதிர்ப்பு பண்புகள் முகப்பரு மற்றும் பிற தோல் நிலைகளுக்கு சிகிச்சையளிப்பதற்கான சிறந்த மூலப்பொருளாக அமைகிறது.
கற்றாழை:
பிரபலமான ஆயுர்வேத மூலிகைகளில் ஒன்றான கற்றாழை திகழ்கிறது. அதன் குணப்படுத்தும் பண்புகளுக்கு மிகவும் பிரபலமானது. எரிச்சலூட்டும் சருமத்தை ஆற்றுவதற்கும், பல்வேறு தோல் நிலைகளுக்கு சிகிச்சையளிப்பதற்கும் கற்றாழை உதவுகிறது. குறிப்பாக உணர்திறன் வாய்ந்த சருமத்திற்கு இது சிறந்து திகழ்கிறது. இது சருமத்தை பிரகாசமாக்குவதோடு, மெல்லிய கோடுகள் மற்றும் சுருக்கங்களின் தோற்றத்தையும் குறைக்கிறது. முடி பராமரிப்புக்கு வரும்போது, கற்றாழை ஆரோக்கியமான கூந்தல் வளர்ச்சியை மேம்படுத்துவதோடு, உலர்ந்த அல்லது அரிக்கும் உச்சந்தலையை ஆற்றவும் உதவும். இது உலர்ந்த முடிக்கு ஈரப்பதத்தை சேர்க்கிறது. மேலும் முடி உடைவதைத் தடுக்க உதவுகிறது.
ஏ-பியூட்டி அழகுக்கான இயற்கையான மற்றும் தனிப்பயனாக்கக்கூடிய அணுகுமுறையைப் பயன்படுத்துகிறது. ஆயுர்வேதம் ஒவ்வொரு நபருக்கும் தனிப்பட்ட மனம்-உடல் அமைப்பு இருப்பதை அங்கீகரிக்கிறது. எனவே, ஒருவருக்கு வேலை செய்வது மற்றொருவருக்கு வேலை செய்யாது. ஆயுர்வேத அழகு சாதனப் பொருட்கள் பெரும்பாலும் இதைக் கருத்தில் கொண்டு உருவாக்கப்படுகின்றன. மேலும் அவை ஒவ்வொரு தனிநபரின் குறிப்பிட்ட தேவைகளைப் பூர்த்தி செய்யும் வகையில் வடிவமைக்கப்படலாம் என்று மருத்துவர் விளக்குகிறார்.