கோடைக்காலத்தில், அதிக வெப்பம் மற்றும் ஈரப்பதம் காரணமாக உச்சந்தலையில் பின்வரும் பிரச்சனைகள் ஏற்படக்கூடும்:
பொடுகு (Dandruff): வெப்பத்தால் உண்டாகும் அதிக வியர்வை மற்றும் எண்ணெய் சுரப்பு, பொடுகு உருவாக்கத்தை அதிகரிக்கலாம்.
எண்ணெய் அதிகரிப்பு (Oily Scalp): ஈரப்பதம் மற்றும் வெப்பம், தலையில் எண்ணெய் சுரப்பை அதிகரித்து, கூந்தலின் தோற்றத்தை பிசுபிசுப்பானதாக மாற்றக்கூடும்.
சன் பர்ன் (Sunburn): உச்சந்தலையில் நேரடி சூரிய ஒளி படுவதால் சருமத்தில் எரிச்சல் மற்றும் நீரிழப்பு பிரச்சனைகள் ஏற்படும்.
பூஞ்சை வளர்ச்சி (Fungal Infections): வியர்வை மற்றும் ஈரப்பதம், உச்சந்தலையில் பொடுகை மட்டுமல்ல பூஞ்சை வளர்ச்சிக்கு சாதகமான சூழலை உருவாக்குகிறது. இதனால் தலையில் எரிச்சல் மற்றும் அரிப்பு ஏற்படலாம்.
முடி உதிர்தல் (Hair Fall): தலையின் ஆரோக்கிய குறைவு மற்றும் வெப்பத்தால் முடி வேர்கள் பலவீனமடைந்து, முடி உதிர்தல் அதிகரிக்கலாம்.
இந்த சிக்கல்களைத் தவிர்க்க, தினந்தோறும் பின்பற்ற வேண்டிய குறிப்புகள் என்னவென பார்க்கலாம்...
சூரியனிடம் இருந்து பாதுகாப்பு:
வெளியில் செல்லும் முன், தலையில் SPF 30-50 கொண்ட ஸ்ப்ரேவை பயன்படுத்தி, குறிப்பாக முடியின் மேல் பாகத்திற்கு நன்றாக அடித்துவிடுங்கள். இது சூரியனின் UV கதிர்வீச்சுக்களால் கூந்தல் சேதமடைவதையும், உச்சந்தலை பாதிக்கப்படுவதையும் தடுக்கும்.
உச்சந்தலையைக் குளிர்விக்க:
0.5-1 சதவீம் மெந்தால் அல்லது பெப்பர்மின்ட் எண்ணெய் கொண்ட ஷாம்பூவைப் பயன்படுத்தி, தலையை 2-3 நிமிடங்கள் மசாஜ் செய்து, பின்னர் 20-25°C வெப்பநிலையில் தண்ணீரால் கழுவுங்கள். இது உச்சந்தலைக்கு குளிர்ச்சியையும் சுத்தத்தையும் வழங்கும்.
கூந்தலை அலசும் முன்பு கவனம்:
கோடை காலத்தில் சல்பேட் இல்லாத மென்மையான ஷாம்பூவைப் பயன்படுத்தி, வாரத்தில் 2-3 முறை கூந்தலை நன்றாக அலசுங்கள். இது தலையில் சேரும் வியர்வை, எண்ணெய், மற்றும் அழுக்குகளை நீக்கி, தலையின் ஆரோக்கியத்தை மேம்படுத்தும்.
இது ரொம்ப, ரொம்ப முக்கியம்:
ஷாம்பு கொண்டு தலையை நன்றாக அலசிய பிறகு, 1-2 சதவீதம் வரை ஹயாலுரோனிக் ஆசிட் அல்லது அலோவேரா ஜெல் கொண்ட சீரமைப் பயன்படுத்தி, தலையில் மெதுவாக மசாஜ் செய்யுங்கள். இது உச்சந்தலைக்கு ஈரப்பதத்தை வழங்கி, உலர்ச்சியைத் தவிர்க்க உதவும்.
கிளன்சிங்:
வாரத்திற்கு ஒரு முறை, 1-2% சாலிசிலிக் ஆசிட் கொண்ட முடி பராமரிப்பு பொருட்களைப் பயன்படுத்தி உச்சந்தலையில், 5-10 நிமிடங்கள் ஷாம்பூவால் கழுவுங்கள். இது தலையில் சேரும் இறந்த செறிவுகளை நீக்கி, பொடுகை குறைக்க உதவும்.
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
