Natural herbal tea for liver detox: நம் உடலில் உள்ள ஒவ்வொரு உறுப்புகளும் பல்வேறு முக்கிய செயல்பாடுகளில் பங்கு வகிக்கிறது. அவ்வாறு, உடலின் இயற்கையான வடிகட்டுதல் அமைப்பாக விளங்கும் கல்லீரல் உடலிலிருந்து தீங்கு விளைவிக்கும் பொருட்களை நச்சு நீக்கம் செய்யவும், ஊட்டச்சத்துக்களை வளர்சிதை மாற்றவும், முக்கிய புரதங்களை உற்பத்தி செய்யவும் உதவுகிறது. இதன் முக்கிய பங்கைக் கருத்தில் கொண்டு, அதன் ஆரோக்கியத்தை ஆதரிப்பது அவசியமாகும்.
ஆனால், மோசமான வாழ்க்கைமுறை மற்றும் ஆரோக்கியமற்ற உணவுமுறை காரணமாக கல்லீரல் ஆரோக்கியம் பாதிக்கப்படலாம். எனினும் கல்லீரல் ஆரோக்கியத்திற்கு நவீன மருத்துவம் று தீர்வுகளை வழங்கினாலும், பண்டைய மூலிகை தேநீர்களின் உதவியுடன் இயற்கையாகவே கல்லீரல் ஆரோக்கியத்தை மேம்படுத்துவதாக பல நூற்றாண்டுகளாக நம்பப்படுகிறது. இந்த இனிமையான பானங்கள் ஆக்ஸிஜனேற்றிகள் மற்றும் அழற்சி எதிர்ப்பு பண்புகளை அதிகரிக்கிறது.
இந்த ஆரோக்கியமான சில மூலிகை தேநீர் ரெசிபிகள் நம் கல்லீரல் ஆரோக்கியத்தை பாதுகாக்கிறது. இதில் கல்லீரல் ஆரோக்கியத்தை ஆதரிக்கக்கூடிய ஐந்து மூலிகை தேநீர் வகைகளைக் காணலாம்.
இந்த பதிவும் உதவலாம்: Fatty Liver Treatment: கல்லீரல் நோய்களை குணமாக்கும் சிறந்த பானங்கள் எது தெரியுமா?
கல்லீரல் ஆரோக்கியத்திற்கு உதவும் மூலிகை தேநீர் வகைகள்
மஞ்சள் தேநீர்
இந்திய சமையலில் மட்டுமல்லாமல், ஆயுர்வேத மருத்துவத்திலும் மஞ்சள் முக்கிய பங்கு வகிக்கிறது. இதன் பிரகாசமான மஞ்சள் நிறம் குர்குமினிலிருந்து வரக்கூடியதாகும். மஞ்சள் அதன் அழற்சி எதிர்ப்பு மற்றும் ஆக்ஸிஜனேற்ற பண்புகளுக்கு பிரபலமான ஒரு கலவையாக அமைகிறது.
மஞ்சள் டீ அருந்துவது பித்த உற்பத்தியை ஊக்குவிக்கவும், கல்லீரல் வீக்கத்தைக் குறைக்கவும், உடலின் நச்சு நீக்கும் திறன்களை மேம்படுத்தவும் உதவுகிறது. ஆய்வுகளின் படி, தினமும் சுமார் 2 கிராம் மஞ்சளுடன் இந்த தேநீரைக் குடிப்பதன் மூலம் மது அல்லாத கொழுப்பு கல்லீரல் நோய்க்கு சிகிச்சையளிக்கலாம்.
பால் திஸ்டில் தேநீர்
இந்த தேநீர் ஆனது 2,000 ஆண்டுகளுக்கும் மேலாக, குறிப்பாக மத்தியதரைக் கடலில் ஒரு பிரபலமான மருந்தாக இருந்து வரக்கூடியதாகும். இது அதன் சக்திவாய்ந்த ஆக்ஸிஜனேற்ற மற்றும் அழற்சி எதிர்ப்பு விளைவுகளுக்கு பெயர் பெற்றது. மில்க் திஸ்டில் தேநீர் குடிப்பது கல்லீரலை நச்சுகளிலிருந்து பாதுகாக்கவும், சேதமடைந்த கல்லீரல் செல்களை சரிசெய்யவும் உதவுகிறது.
ஆய்வுகளின் படி, இவை பால் திஸ்டில் வைரஸ் ஹெபடைடிஸ், ஆல்கஹால் தொடர்பான கல்லீரல் நோய் மற்றும் ஆல்கஹால் அல்லாத கொழுப்பு கல்லீரல் நோய்க்கு சிகிச்சையளிப்பதாகக் கூறப்படுகிறது. இதன் மூலம் கல்லீரல் ஆரோக்கியத்தை மேம்படுத்தலாம். இது கல்லீரல் ஆதரவுக்கு ஒரு அருமையான தேர்வாக அமையக்கூடிய பானமாகும்.
ஸ்கிசாண்ட்ரா பெர்ரி தேநீர்
இது பாரம்பரிய சீன மருத்துவத்தில் "ஐந்து சுவைகள் கொண்ட பழம்" என்று அழைக்கப்படுகிறது. இது ஒரு தனித்துவமான சுவையுடன், உடல் மன அழுத்தத்தை சமாளிக்கவும் சமநிலையை பராமரிக்கவும் உதவுகிறது. தேநீரில் காய்ச்சும்போது, ஸ்கிசாண்ட்ரா கல்லீரல் நச்சு நீக்கத்தை ஆதரிப்பதுடன், ஒட்டுமொத்த உயிர்ச்சக்தி மற்றும் ஆற்றல் மட்டங்களையும் மேம்படுத்துகிறது.
இவை நச்சு நீக்கத்திற்கு எதிரான வலுவான ஆக்ஸிஜனேற்ற விளைவுகளைக் கொண்டுள்ளது. நிபுணர்களின் கூற்றுப்படி, கடுமையான மற்றும் நாள்பட்ட ஹெபடைடிஸ் - கல்லீரல் நோயால் பாதிக்கப்பட்டவர்களுக்கு இந்த தேநீர் மிகவும் பயனுள்ளதாக இருக்கும் எனக் கூறப்படுகிறது. மேலும், இந்த தேநீரைத் தொடர்ந்து குடிப்பது செல்களில் ஏற்படும் ஆக்ஸிஜனேற்ற அழுத்தத்தைத் தடுக்கிறது.
இந்த பதிவும் உதவலாம்: கல்லீரலில் இருந்து கொழுப்பை இயற்கையாகவே குறைக்க நீங்க குடிக்க வேண்டிய ட்ரிங்ஸ்
அதிமதுரம் வேர் தேநீர்
இயற்கையான இனிப்புச் சுவையுடன் கூடிய அதிமதுரம் வேர் ஆனது ஆயுர்வேத மற்றும் பாரம்பரிய மருத்துவத்தில் நன்கு அறியப்படுகிறது. இதில் உள்ள கிளைசிரைசின், அழற்சி எதிர்ப்பு மற்றும் கல்லீரல்-பாதுகாப்பு விளைவுகளைக் கொண்டதாகும். இந்த தேநீரைப் பருகுவது கல்லீரல் வீக்கத்தைக் குறைக்கவும், நச்சு நீக்கும் செயல்முறைகளை ஆதரிக்கவும் உதவுகிறது.
நிபுணர்களின் கூற்றுப்படி, கிளைசிரைசின் கல்லீரலைப் பாதிக்கும் ஹெபடைடிஸ் சி வைரஸுக்கு சிகிச்சையளிக்க உதவுவதாகக் கூறப்படுகிறது. எனினும், இதை மிதமான அளவில்குடிப்பது அவசியமாகும். ஏனெனில், இதனை அதிகமாக உட்கொள்வதால், சில தேவையற்ற பக்க விளைவுகளைச் சந்திக்க நேரிடலாம்.
டேன்டேலியன் வேர் தேநீர்
நீண்ட காலமாக, டேன்டேலியன் வேர் கல்லீரல் டானிக்காக இருந்து வருவது குறிப்பிடத்தக்கதாகும். ஏனெனில், இது பித்த ஓட்டத்தை அதிகரிப்பதாகக் கூறப்படுகிறது. நிபுணர்களின் கூற்றுப்படி, இந்த டீ அருந்துவது கல்லீரலை நச்சு நீக்கவும், தோல் மற்றும் கண் பிரச்சினைகளுக்கும் உதவுகிறது. மேலும், இவை கல்லீரல் பிரச்சனை அறிகுறிகளை நீக்குகிறது.
இந்த வேர்கள் பித்த உற்பத்தியைத் தூண்டுவதன் மூலம் செரிமானத்திற்கும் நச்சுகளை வெளியேற்றுவதற்கும் உதவுகின்றன. மேலும் இது ஒரு இயற்கை டையூரிடிக் ஆக செயல்பட்டு, அதிகப்படியான கழிவுகளை அகற்ற உதவுகிறது. இதன் அழற்சி எதிர்ப்பு பண்புகளுடன், கல்லீரலுக்குத் தகுதியான இனிமையான பராமரிப்பை அளிக்கிறது.
இந்த வகையான ஹெர்பல் டீ ரெசிபிகள் கல்லீரல் ஆரோக்கியத்திற்கு பெரிதும் உதவுகிறது. எனினும், வேறு சில உடல்நலப் பிரச்சனைகளைக் கொண்டிருப்பவர்கள் இதை எடுத்துக் கொள்ளும் முன் மருத்துவ ஆலோசனை பெற வேண்டும்.
இந்த பதிவும் உதவலாம்: கொழுப்பு கல்லீரல் பிரச்சனையால் அவதியா? இந்த 5 ட்ரிங்ஸ் குடிங்க போதும்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
