$
Healthy Thyroid Function Foods: தைராய்டு பராமரிப்புக்கான உணவுகளை உட்கொள்வது உடல் நலத்திற்கு ஆரோக்கியம் தருவதாக அமையும். இவை உகந்த தைராய்டு செயல்பாட்டை ஆதரிப்பதில் குறிப்பிடத்தக்க பங்கை வகிக்கிறது. நம் உடலில் கழுத்துப் பகுதியில் சிறிய பட்டாம்பூச்சி வடிவில் தைராய்டு சுரப்பி காணப்படுகிறது. இது உடலில் ஆற்றல் உற்பத்தியை ஒழுங்குபடுத்தவும், தைராய்டு செயல்பாட்டைப் பராமரிப்பதற்கும் உதவுகிறது. தைராய்டு கோளாறுகளுக்கான மருந்துகள் மற்றும் சிகிச்சைகள் இருப்பினும், தைராய்டு ஆரோக்கியத்திற்கு நன்கு சமநிலையான உணவை எடுத்துக் கொள்வது அவசியமாகும்.
சிறந்த தைராய்டு செயல்பாட்டிற்கான உணவுகள்
அன்றாட வாழ்வில் சேர்க்க வேண்டிய சில உணவுப் பொருள்கள், தைராய்டு செயல்பாடு சிறப்பாக அமைய உதவுகிறது.
செலினியம் ஏற்றப்பட்ட உணவுகள்
தைராய்டு செயல்பாட்டை ஆதரிக்க உதவும் அத்தியாவசிய ஊட்டச்சத்துக்களிள் செலினியம் ஏற்றப்பட்ட உணவுகளும் அமையும். இந்த வகை உணவுகள் செயலற்ற தைராய்டு ஹார்மோன்களை (T4) அவற்றின் செயலில் உள்ள வடிவமாக மாற்ற உதவுகிறது. அதே சமயம், ஒல்லியான இறைச்சிகள், சூரியகாந்தி விதைகள், முழு தானியங்கள் போன்ற பிற உணவுகளிலும் தைராய்டு செயல்பாட்டை சீராக்கலாம். எனினும் செலினியத்தை அதிகமாக உட்கொள்வது பாதகமான விளைவுகளை ஏற்படுத்தலாம். எனவே செலினியம் அதிகம் உட்கொள்வதில் அதிக கவனம் தேவை.
இந்த பதிவும் உதவலாம்: High Cholesterol Foods: உங்களுக்கு அதிக கொலஸ்ட்ரால் இருக்கா? இந்த உணவுகளை எடுக்க வேண்டாம்
நார்ச்சத்து நிறைந்த உணவுகள்
நார்ச்சத்து மிக்க உணவுகளை உட்கொள்வது செரிமான மேம்பாட்டிற்கு உதவுகிறது. ஏனெனில், இது உடலுக்குத் தேவையான ஊட்டச்சத்துக்களை உறிஞ்சுவதற்கு உதவுகிறது. அதன் படி செரிமானம் மற்றும் ஊட்டச்சத்து உறிஞ்சுதலை ஆதரிக்க, காய்கறிகள், முழு தானியங்கள், பழங்கள், பருப்பு வகைகள் போன்றவற்றை உணவில் சேர்த்துக் கொள்ளலாம்.
அயோடின் நிறைந்த உணவுகள்
தைராய்டு ஹார்மோன்களின் உற்பத்திக்குத் தேவையான முக்கியமானவற்றில் ஒன்று அயோடின் ஆகும். உணவில் அயோடின் நிறைந்த உணவுகளைச் சேர்ப்பது ஆரோக்கியமான தைராய்டுக்குப் பெரிதும் உதவுகிறது. அதன் படி, அயோடின் நிறைந்த மீன் மற்றும் கடற்பாசி போன்ற உணவுகளை எடுத்துக் கொள்ளலாம். மேலும், அயோடின் கலந்த உப்பு மற்றும் பால் பொருள்களை உணவில் சேர்ப்பதன் மூலம் அயோடின் உட்கொள்வதை உறுதி செய்யலாம்.
ஒல்லியான புரதம்
உடல் ஆரோக்கியத்திற்குத் தேவையான முக்கியமான ஊட்டச்சத்துக்களில் புரதமும் உள்ளது. தைராய்டு பிரச்சனைகள் உள்ளவர்களுக்கு இது மிகவும் முக்கியமான ஒன்றாகும். வான் கோழி, ஒல்லியான மாட்டிறைச்சி, கோழி போன்ற புரதத்தின் ஒல்லியான ஆதாரங்கள் தைராய்டு ஹார்மோன் உற்பத்திக்கு உதவுகிறது. மேலும் இவை தைராய்டு திசுக்களை சரி செய்ய தேவையான அமினோ அமிலங்களை வழங்குகிறது.
இந்த பதிவும் உதவலாம்: Dry Fruits Tips: உலர் பழங்களை இப்படி சாப்பிட்டால் அதீத நன்மைகள்
பால் மற்றும் வலுவூட்டப்பட்ட உணவுகள்
எலும்பு ஆரோக்கியத்திற்கு கால்சியம் சத்துக்கள் முக்கியமானதாகும். ஆனால் இதை அதிகமாக உட்கொள்வது தைராய்டு செயல்பாட்டைப் பாதிக்கலாம். எனவே, செறிவூட்டப்பட்ட தாவர அடிப்படையிலான பால் மற்றும் இலை கீரைகள், பால் பொருள்கள் போன்றவற்றில் சரியான அளவு கால்சியம் பெறுவதை உறுதி செய்து கொள்ள வேண்டும். அதே சமயம், அதிகப்படியான நுகர்வையும் தவிர்க்க வேண்டும்.
அழற்சி எதிர்ப்பு பண்புகள்
நாள்பட்ட அழற்சி, தைராய்டு செயல்பாட்டை எதிர்மறையாக பாதிக்கலாம். கொழுப்பு நிறைந்த மீன், பெர்ரி, இலை கீரைகள், நட்ஸ் போன்ற ஆன்டி ஆக்ஸிடன்ட்டுகள் மற்றும் அழற்சி எதிர்ப்பு பண்புகள் நிறைந்த உணவுகளை உட்கொள்வது வீக்கத்தைக் குறைத்து, தைராய்டு ஆரோக்கியத்தை மேம்படுத்த உதவுகிறது.
தைராய்டு ஆரோக்கியத்திற்கான இந்த உணவுகள், உகந்த தைராய்டு செயல்பாட்டை ஆதரிக்கின்றன. எனினும் இவற்றை எடுத்துக் கொள்ளும் முன் சுகாதார நிபுணருடன் கலந்தாலோசிப்பது நல்லது. குறிப்பாக, தைராய்டு நோயால் பாதிக்கப்பட்ட நபர்கள் நிபுணர்களின் வழிகாட்டுதல்களுடன் உணவு முறைகளைக் கையாளலாம். மேலும் வழக்கமான உடற்பயிற்சி, ஆரோக்கியமான உணவு முறை, மன அழுத்த மேலாண்மை போன்றவை ஆரோக்கியமான வாழ்க்கை முறையை பராமரிப்பதுடன் ஒட்டு மொத்த உடல் ஆரோக்கியத்திற்கும் உதவுகிறது.
இந்த பதிவும் உதவலாம்: Dates With Milk Benefits: இரவில் பாலுடன் பேரீச்சம்பழத்தை சாப்பிடுவதால் கிடைக்கும் பல்வேறு நன்மைகள்!
Image Source: Freepik
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version