$
World Mental Health Day 2023: வயது வரம்பின்றி மனச்சோர்வினால் அனைவரும் பாதிக்கப்படுகின்றனர். குழந்தைகளிடையே கூட மனச்சோர்வு வழக்குகள் வேகமாக அதிகரித்து வருகின்றன. குறிப்பாக கோவிட் -19 முதல் குழந்தைகளில் மனச்சோர்வு வழக்குகள் அதிகரித்து வருகின்றன. குழந்தைகளின் மனச்சோர்வுக்கு ஒரு முக்கிய காரணம் மொபைல் போன்களின் பயன்பாடு மற்றும் பெற்றோர்கள் மிகவும் பிஸியாக இருப்பது.
பணிபுரியும் பெற்றோர்களால் தங்கள் குழந்தைகளுடன் அதிக நேரம் செலவிட முடிவதில்லை. இது குழந்தைகளின் மன ஆரோக்கியத்தை பாதிக்கிறது. குழந்தைகளை பிஸியாக வைத்திருக்க, பெற்றோர்கள் அவர்களுக்கு சிறு வயதிலேயே மொபைல் போன்களைக் கொடுக்கிறார்கள், அதில் அவர்கள் நாள் முழுவதும் பிஸியாக இருக்கிறார்கள். இந்த மொபைல் போன் குழந்தைகளின் மனச்சோர்வுக்கும் பிரதான காரணமாக இருக்கிறது.
இதையும் படிங்க: குழந்தைகளுக்கு ஆமணக்கு எண்ணெயைக் கொண்டு மசாஜ் செய்வதால் கிடைக்கும் நன்மைகள் என்ன?
பெற்றோர்கள் குழந்தையுடன் குறைந்த நேரத்தை செலவிடுவது
வேலைக்குச் செல்லும் பெற்றோர்கள் தங்கள் குழந்தைகளுடன் அதிக நேரம் செலவிட முடியாது. அத்தகைய சூழ்நிலையில், பல குழந்தைகள் நாள் முழுவதும் வீட்டு வேலையாட்களையும், அக்கம் பக்கத்தினரையும் நம்பியிருக்கிறார்கள்.
இது குழந்தைகளுக்கு மோசமான விளைவை ஏற்படுத்தும், ஏனெனில் வீட்டில் வேலை செய்யும் தொழிலாளர்களும், அக்கம் பக்கத்தினரும் சில சமயங்களில் குழந்தைகளிடம் கடுமையாகவும், தவறாகவும் நடந்து கொள்வதால், குழந்தை அமைதியாகி, பெற்றோரிடம் கூட தனது உணர்வுகளை வெளிப்படுத்தாமல் மன அழுத்தத்திற்கு ஆளாகிறார்கள்.
பெற்றோர்களுக்கு இடையேயான சண்டை
வளர்ந்து வரும் தொழில்நுட்க காலங்களில், விவாகரத்து வழக்குகள் வேகமாக அதிகரித்து வருகின்றன. இது குழந்தைகளை பெரிதளவு பாதிக்கிறது. விவாகரத்துக்கு முன், பெற்றோர்களுக்கு இடையே நடக்கும் சண்டைகளைப் பார்த்து குழந்தைகள் மன உளைச்சலுக்கு ஆளாகின்றனர். இவை குழந்தைகளிடம் மோசமான விளைவை ஏற்படுத்துகிறது.
குழந்தைகள் யாருடன் வாழ வேண்டும் என்ன நடக்கிறது என புரியாமல் தவிக்கிறார்கள். வாழ்ந்தால் தந்தையின் அன்பு கிடைக்காது, தந்தையுடன் வாழ்ந்தால் தாயின் அன்பிலிருந்து பிரிந்து விடுகிறார்கள். பிற சக வயதினரை பார்த்து தங்களுக்குள் ஏங்கிவிடுவார்கள். இது அவர்களுக்கு பெரிதளவு மன அழுத்தத்தை ஏற்படுத்தும்.
வீடுகள், பள்ளிகள் மாறுதல்
குழந்தைகள் தங்கள் வீடு மற்றும் பள்ளியைச் சுற்றி மிகவும் அன்பான நண்பர்களைக் கொண்டுள்ளனர், ஆனால் சில சமயங்களில் பெற்றோரின் பணி உள்ளிட்ட சில காரணங்களால் வீடு மாற்றம் மற்றும் பள்ளி மாற்றம் உள்ளிட்டவையை மேற்கொள்கின்றனர். அத்தகைய சூழ்நிலையில், குழந்தைகள் தங்கள் பள்ளி நண்பர்களிடமிருந்தும், அக்கம் பக்கத்து வீட்டு நண்பர்களிடம் இருந்தும் பிரிந்து விடுகிறார்கள், இதன் காரணமாக அவர்கள் சோகமாக உணர ஆரம்பித்து, படிப்படியாக மன அழுத்தத்திற்கு ஆளாகிறார்கள்.
பிற குழந்தைகளுடன் ஒப்பீட்டு முறை
குழந்தை பருவத்திலிருந்தே படிப்பின் அழுத்தம் குழந்தைகள் மீது விழத் தொடங்குகிறது. சில பெற்றோர்கள் படிப்பு மற்றும் விளையாட்டு விஷயங்களில் தங்கள் குழந்தைகளை மற்றவர்களின் குழந்தைகளுடன் ஒப்பிடத் தொடங்குகிறார்கள், அத்தகைய சூழ்நிலையில், குழந்தைகள் தொடர்ந்து ஏமாற்றம் மற்றும் திட்டுதலால் அமைதியாகி, படிப்படியாக மன அழுத்தத்திற்கு ஆளாகிறார்கள்.
இதையும் படிங்க: ஊட்டச்சத்துக்களின் பொக்கிஷம் ராகி - இதை எந்த மாதத்திலிருந்து குழந்தைகளுக்குக் கொடுக்கலாம்?
தற்போதைய குழந்தைகள் தான் எதிர்கால இந்தியா என்பதை ஒவ்வொரு பெற்றோரும் நினைவில் வைத்துக் கொள்ள வேண்டும். குழந்தைகளின் ஆரம்பகால வாழ்க்கை என்பது மிக முக்கியம். எனவே அதை முறையாக பராமரிக்க வேண்டியது பெற்றோரின் கடமையாகும். அதேநேரத்தில், குழந்தைகள் விஷயத்தில் சமரசம் என்பதே வேண்டும். குழந்தைகள் ஏதேனும் தீவர உணர்வை சந்திக்கும்பட்சத்தில் உடனே மருத்துவரை அணுகுவது நல்லது.
Image Source: FreePik