$
Healthiest Fish: பொதுவாக மீன் கடைகளுக்கு சென்றால் எந்த மீன் அதிகமாகவும், சுத்தமாகவும் இருக்கிறதோ அதில் மட்டுமே கவனம் செலுத்துவோம். அது எந்த வகை மீனாக இருந்தாலும் புதிதாக இருந்தால் உடனே வாங்கி விடுவோம். ஆனால் இது சரியான முடிவாக இருக்காது. குறிப்பிட்ட வகை மீன்களை தேர்வு செய்து அதில் புதிய மீன்கள் எங்கே இருக்கிறது என்பதை கண்டறிந்து அங்கு வாங்குவதே சரியான முடிவாக இருக்கும்.
சரி, மீன்களை எப்படி தேர்வு செய்வது என்ற கேள்வி வரும். சமீபகாலமாக கேள்விப்பட்டிருப்பீர்கள் ஒமேகா-3 கொழுப்பு அமிலங்கள் உள்ள மீன்கள் உடல் ஆரோக்கியத்திற்கு நன்மை பயக்கும். இது உண்மைதான். இந்த வகை மீன் சாப்பிடவதால் உடலுக்கு பல ஆரோக்கியம் கிடைக்கும். சரி, ஒமேகா-3 கொழுப்பு அமிலங்கள் எந்தெந்த மீன்களில் உள்ளது என்பது குறித்து பார்க்கலாம்.
ஒமேகா 3 கொழுப்பு அமிலம் உள்ள மீன்கள்
இந்த மீன்கள் பொதுவாக மற்ற மீன்களுடன் ஒப்பிடும் போது அதிக ஆரோக்கிய உள்ளடக்கத்தை கொண்டுள்ளன. அது முரண் கெண்டை, சால்மன், கானாங்கெளுத்தி, மத்தி, நெத்திலி, ஹாலிபட் ஆகிய மீன்கள் ஆகும். ஏதோ வகை மீன்களை சாப்பிடுவதற்கு பதிலாக இந்த மீன்கள் உங்களுக்கு கூடுதல் ஆரோக்கியம் பயக்கும்.
ஒமேகா-3 கொழுப்பு அமிலம் உள்ள மீன்கள் சாப்பிட்டால் என்ன நன்மைகள் கிடைக்கும்?
இதய ஆரோக்கியம்
ஒமேகா-3 கொழுப்பு அமிலங்கள் உள்ள மீன்கள் ட்ரைகிளிசரைடுகளின் அளவைக் குறைத்து உடல் பருமனை குறைக்க உதவுகிறது. இரத்தக் கட்டிகள் உருவாவதைத் தடுப்பதன் மூலம் இதய நோய் அபாயத்தைக் குறைக்க உதவும். இந்த விளைவுகள் ஒட்டுமொத்த இதய செயல்பாட்டை மேம்படுத்தவும் மாரடைப்பு மற்றும் பக்கவாதம் ஏற்படும் அபாயத்தைக் குறைக்கவும் உதவுகின்றன.
மூளை செயல்பாடு
ஒமேகா-3 கொழுப்பு அமிலங்களானது EPA மற்றும் DHA அதாவது மூளை ஆரோக்கியம் மற்றும் அறிவாற்றல் செயல்பாட்டிற்கு அவசியம். இவை மூளையில் உள்ள உயிரணு சவ்வுகளின் கட்டமைப்பிற்கு பங்களிக்கின்றன. அதேபோல் மூளை செல்களுக்கு இடையேயான தொடர்பை எளிதாக்குகின்றன. இது நினைவகம், ஒட்டுமொத்த அறிவாற்றல் செயல்திறனுக்கு முக்கியமானது.
கண் ஆரோக்கியம்
ஒமேகா -3 கொழுப்பு அமிலங்கள் கண் ஆரோக்கியத்திற்கும் நன்மை பயக்கும், குறிப்பாக வயது தொடர்பான மாகுலர் சிதைவு (AMD) மற்றும் உலர் கண் பிரச்சனை ஆகியவற்றைத் தடுக்கிறது.
ஜாயிண்ட் பிரச்சனை
ஒமேகா எண்ணெய் கொண்ட மீன் நுகர்வு மூட்டு வலியை குறைக்க உதவுகிறது. குறிப்பாக முடக்கு வாதம் பிரச்சனையை தடுக்கிறது. ஒமேகா -3 கொழுப்பு அமிலங்கள் அழற்சி எதிர்ப்பு பண்புகளைக் கொண்டுள்ளன, அவை மூட்டுகளில் ஏற்படும் வீக்கத்தைக் குறைக்க உதவுகின்றன, இதனால் வலி தானாக குறையும்.
தோல் ஆரோக்கியம்
ஒமேகா-3 கொழுப்பு அமிலங்கள் தோல் ஆரோக்கியத்தை மேம்படுத்துகிறது. உடல் நீரேற்றத்தை ஊக்குவிப்பதன் மூலம் ஆரோக்கியமான சருமத்தைப் பராமரிப்பதில் முக்கிய பங்கு வகிக்கிறது. இதை தவறாமல் உட்கொள்வது அரிக்கும் தோலழற்சி, தடிப்புத் தோல் அழற்சி மற்றும் முகப்பரு போன்ற தோல் நிலைகளை மேம்படுத்த உதவும்.
புற்றுநோயின் ஆபத்து குறையும்
ஒமேகா-3 கொழுப்பு அமிலங்கள் நிறைந்த மீனானது மார்பகம், புரோஸ்டேட் மற்றும் பெருங்குடல் புற்றுநோய் உள்ளிட்ட சில வகையான புற்றுநோய்களின் அபாயத்தைக் குறைக்க உதவும் என்று சில ஆய்வுகள் தெரிவிக்கின்றன.
Image Source: FreePik