$
Side Effects Of Using Earphones Too Much: நடைபயிற்சி, தூக்கம், உள்ளிட்ட எல்லா நேரங்களிலும் இயர்போன்களை அதிகமாகப் பயன்படுத்தி வருகின்றனர். இளைய தலைமுறையினர் பெரும்பாலும் ஹெட்போன்கள், மொபைல் பயன்பாடு இல்லாமல் இருப்பதில்லை. சிலர் படிக்கும் போதும் ஹெட்போன்களைப் பயன்படுத்துவர். ஆனால், இது ஒரு ஆரோக்கியமற்ற வாழ்க்கை முறையாகும். இது உடல் மற்றும் மனதிற்கு பாதிப்பை ஏற்படுத்தும்.
அதிகளவு இயர்போன்களைப் பயன்படுத்துவது கற்பனை செய்ய முடியாத அளவிலான உடல் நலக்கேடுகளை ஏற்படுத்தும். இவ்வாறு ஹெட்போன்களைப் பயன்படுத்துவதால் ஏற்படும் உடல் நல அபாயங்கள் குறித்து குருகிராம், மேக்ஸ் ஹெல்த்கேர், ENT & தலை மற்றும் கழுத்து அறுவை சிகிச்சைத் துறையின் இயக்குநர் மற்றும் HOD டாக்டர் ரவீந்தர் கெரா அவர்கள் விளக்கியுள்ளார்.
இயர்போன் பயன்படுத்துவதால் ஏற்படும் பக்க விளைவுகள்
இயர்போன் இல்லாமல் தூங்க முடியாது, படிக்க முடியாது என்ற அளவிற்கு இயர்போன் உபயோகத்திற்கு ஒருவர் அடிமையாகலாம். ஆனால், இயர்போன்களில் வெளியேறும் ஒலி, செவியில் பெரும் தாக்கத்தை ஏற்படுத்துவதாக அமைகிறது. சில சமயங்களில் செவிப்பறைக்கு நிரந்தர சேதத்தை ஏற்படுத்தலாம். தினமும் நீண்ட இயர்போன்களைப் பயன்படுத்துவதால் ஏற்படும் பக்க விளைவுகள் குறித்து டாக்டர் ரவீந்தர் கெரா கூறியுள்ளார்.
இந்த பதிவும் உதவலாம்: நல்ல உறக்கம் வேண்டுமா? அப்போ இதை செய்யுங்கள்
காது வலி
காது வலி ஆனது தினந்தோறும் நீண்ட நேரம் இயர்போன்கள் பயன்படுத்துவதால் ஏற்படும் பொதுவான விளைவுகளில் ஒன்றாகும். இதில், அதிகப்படியான சத்தம் காதுகளுக்கு நேரடியாக அனுப்பப்பட்டு செவிப்பறையை பாதிக்கிறது. மேலும், இயர்போன்கள் அல்லது ஹெட்போன்களின் பயன்படுத்துவது லேசானது முதல் கடுமையான காது வலியை ஏற்படுத்தலாம். எனவே, காதின் வெளிப்புறத்தில் அதிக அழுத்தம் மற்றும் செவிப்பறைகளில் காது வலி போன்றவற்றிற்கு வழிவகுக்கிறது.
காது தொற்று
காதில் நீண்ட நேரம் இயர்போன்கள் அல்லது ஹெட்போன்கள் செருகப்பட்டிருப்பின், அது காற்றுப்பாதைக்கு தடையாக மாறும். இந்த அடைப்பு பல்வேறு விதமான காது நோய்த்தொற்றுகள் ஏற்படுவதற்கு கரணமாகலாம். மேலும், இயர்போன்களை அதிகளவு பயன்படுத்துவதால் பாக்டீரியாக்கள் பெருகும். குறிப்பாக இயர்போன்களை பகிர்ந்து பயன்படுத்துதலைத் தவிர்க்க வேண்டும். இதில் ஒருவர் காதில் ஏற்படும் தொற்றுகள் ஹெட்போன் மூலமாக, மற்றவர்கள் காதிற்கு மாற்றப்படலாம்.
இந்த பதிவும் உதவலாம்: Boost Brain Power: மூளை ஆற்றலை அதிகரிப்பது எப்படி? சிம்பிள் டிப்ஸ்
மயக்கம் ஏற்படுவது
இயர்போன்கள் அதிகமாகப் பயன்படுத்துவதால், வெர்டிகோ எனப்படும் உடல்நிலைக் குறைபாடு ஏற்படலாம். வெர்டிகோ என்பது தலைச்சுற்றல் பிரச்சனையாகும். இது எப்போது வேண்டுமானாலும், எங்கு வேண்டுமானாலும் ஏற்படலாம். இயர்போன்கள் வழியாக வரும் உரத்த ஒலிகள், காதின் கால்வாயில் அழுத்தத்தை அதிகரித்து தலைச்சுற்றலை ஏற்படுத்தும்.
கவனம் இல்லாமல் போவது
இயர்பட்ஸ்கள் மிகச்சிறியதாக இருக்கும். இவை செவிப்பறையில் பெரும் எதிர்மறையான தாக்கத்தை ஏற்படுத்துகின்றன. ஹெட்போனில் இருந்து வரும் ஒலி காதுகளில் இருந்து மூளைக்குப் பயணித்து நரம்பு மண்டலத்தைப் பாதிக்கிறது. இது நினைவாற்றல் மற்றும் கவனத்தைக் குறைக்கலாம். மேலும், நீண்ட நேரம் இயர்போன்களை அதிகமாகப் பயன்படுத்துவதால் கவனம் செலுத்துதல் திறன் பலவீனமடையலாம்.
செவித்திறன் இழப்பு
தினமும், நீண்ட நேரத்திற்கு இயர்போன்களைப் பயன்படுத்துவது காது கேளாமை உள்ளிட்ட கடுமையான பக்க விளைவுகளை ஏற்படுத்தலாம். இயர்போன்கள் அல்லது ஹெட்போன்களில் இருந்து வரும் ஒலி மிகவும் உணர்திறன் கொண்டதாகும். காதுகளில் பல செல்கள் உள்ளன. இந்த செல்கள் சிறிய முடி போன்ற அமைப்பைக் கொண்டுள்ளன. இவை காதுகளில் இருந்து மூளைக்குப் பயணிக்கும் ஒலிக்கான டிரான்ஸ்மிட்டராக செயல்படுகிறது. இது மேலும் செயலாக்கப்படுகிறது. அதிகமாக உரத்த ஒலி ஏற்படுவது நிரந்தர சேதத்தை ஏற்படுத்துகிறது. இது ஒலி பரிமாற்றத்தின் செயல்முறையைத் தொந்தரவு செய்வதாக அமைகிறது.
இந்த பதிவும் உதவலாம்: Sleep Talking: தூக்கத்தில் பேசுபவரா நீங்கள்? காரணம், சிகிச்சை குறித்து நிபுணர்கள்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
