சர்வதேச முத்த தினம் (International kissing day) ஒவ்வொரு ஆண்டும் ஜூலை 6 ஆம் தேதி கொண்டாடப்படுகிறது. முத்தத்தின் எளிய இன்பத்தைப் பாராட்டவும், அன்புக்குரியவர்களிடம் அன்பையும் பாசத்தையும் வெளிப்படுத்தவும் இது ஒரு நினைவூட்டலாக செயல்படுகிறது. சர்வதேச முத்த தினம் பெரும்பாலும் காதல் உறவுகளுடன் தொடர்புடையதாக இருந்தாலும், கன்னத்தில் நட்பு முத்தங்கள் அல்லது குடும்ப உறுப்பினர்களிடையே பகிர்ந்து கொள்ளப்படும் முத்தங்கள் உட்பட பல்வேறு வகையான முத்தங்களை காட்டுகிறது. முத்தம் என்பது அன்பை வெளிப்படுத்தும் ஒரு காதல் வழி. ஆனால் இது கலோரிகளை குறைக்கும் என்றால் உங்களால் நம்ப முடிகிறதா. ஆம், எடையை குறைக்கவும் இது உதவும். சர்வதேச முத்த தினத்தை முன்னிட்டு, முதம் இடுதல் கலோரியை எப்படி குறைக்கிறது என்று இங்கே தெரிந்து கொள்வோம்.
முத்தம் உண்மையில் கலோரிகளை எரிக்கிறதா?
முத்தம் கலோரிகளை எரிக்குமா? ஆம், முத்தம் கலோரிகளை எரிக்கிறது. முத்தத்தின் முறை மற்றும் கால அளவைப் பொறுத்து முத்தத்தால் எரிக்கப்படும் கலோரிகளின் எண்ணிக்கை மாறுபடும். அமெரிக்க மருத்துவ இதழ் வெளியிட்ட ஒரு ஆய்வின்படி, முத்தமிடுவதால் நிமிடத்திற்கு 5 முதல் 26 கலோரிகள் எரிக்கப்படும். நீங்கள் உடலுறவில் ஈடுபட்டால், அது அதிக கலோரிகளை எரிக்கிறது.
மேலும் படிக்க: முத்தம் கொடுத்த 5 நிமிஷத்துக்குள் உடலில் என்னென்ன மாற்றங்கள் நடக்கும் தெரியுமா?
முத்தம் எப்படி கலோரிகளை எரிக்கிறது?
முத்தம் என்பது அன்பை வெளிப்படுத்தும் ஒரு வழியாகக் கருதப்படுகிறது. ஆனால் அது வெறும் அன்பை வெளிப்படுத்தும் ஒரு வழியாக மட்டுமல்ல, முத்தம் பல ஆரோக்கிய நன்மைகளையும் கொண்டுள்ளது. முத்தம் உடலில் மகிழ்ச்சியான ஹார்மோன்களை வெளியிடுகிறது. ஒரு முத்தம் நிமிடத்திற்கு 5 கலோரிகளை எரிக்கும். இது உங்களை மனரீதியாகவும் நன்றாக உணர வைக்கிறது.
முத்தத்தின் பிற நன்மைகள்
* முத்தம் மன அழுத்த ஹார்மோனான 'கார்டிசோல்' அளவைக் குறைக்கிறது. இது மன அழுத்தம் மற்றும் பதட்டத்தை நீக்குகிறது.
* ஒரு முத்தம் கொடுத்தால், அது உடலின் மொத்த சோர்வையும் நீக்கும்.
* முத்தம் மன ஆரோக்கியத்தை சிறப்பாக வைத்திருக்கிறது.
* முத்தமிடுவது வாய்வழி ஆரோக்கியத்தையும் மேம்படுத்துகிறது. இதன் மூலம் பல வகையான பிரச்சனைகளை குணப்படுத்த முடியும்.
* முத்தம் சருமத்திலும் ஒரு விளைவை ஏற்படுத்தும். இது வயதான அறிகுறிகளைக் குறைக்க உதவுகிறது.