$
Benefits Of Raw Mango For Skin: கோடைக்காலம் என்றாலே மாம்பழத்தின் மீதான நாட்டம் அதிகரித்தே காணப்படுகிறது. இந்த காலகட்டத்தில் பச்சை, பழுத்த மாம்பழங்கள் என்ற வடிவில் மாம்பழங்கள் விரும்பி உண்ணுகின்றனர். இதில் பச்சை மாம்பழம் சுவையுடன் கூடிய ஆரோக்கியத்தைத் தருகிறது. அது மட்டுமல்லாமல், இது தோல் பராமரிப்பு வழக்கத்திலும் பயன்படுத்தப்படுகிறது. என்னது? சரும பராமரிப்பில் பச்சை மாம்பழமா? என்ற கேள்வி அனைவருக்கும் எழும்.
உண்மையில், சருமத்திற்கு பச்சை மாம்பழத்தை பயன்படுத்துவது பல்வேறு சரும பிரச்சனைகளிலிருந்து நிவாரணம் அளிக்கிறது. இதன் ஊட்டச்சத்துக்கள் மற்றும் ஆக்ஸிஜனேற்ற பண்புகள் அழகான மற்றும் தெளிவான சருமத்திற்கு உதவுகிறது. இது தவிர, தோல் பதனிடுதல், வறட்சி, மெல்லிய கோடுகள் மற்றும் பொலிவு இழப்பு உள்ளிட்ட பல சரும பிரச்சனைகளிலிருந்து விடுபட பச்சை மாம்பழம் உதவுகிறது. மேலும் பச்சை மாம்பழத்தில் போதுமான அளவு வைட்டமின்கள் ஏ மற்றும் சி உள்ளது. இது வயதான அறிகுறிகளைக் குறைக்க உதவுகிறது. இதில் சருமத்திற்கு பச்சை மாம்பழம் தரும் நன்மைகள் மற்றும் எவ்வாறு பயன்படுத்துவது என்பதைக் காணலாம்.
இந்த பதிவும் உதவலாம்: Ice Facial Benefits: வெயில் காலத்தில் சருமம் ஜில்லுனு இருக்க ஐஸ் ஃபேஷியல் செய்யுங்க
சருமத்திற்கு பச்சை மாம்பழம் தரும் நன்மைகள்
சரும ஆரோக்கியம் மற்றும் பராமரிப்பில் பச்சை மாம்பழம் எவ்வாறு உதவுகிறது என்பதற்கான சில காரணங்கள் இங்கே.
நீரேற்றமாக வைக்க
பச்சை மாம்பழங்களில் நல்ல அளவு தண்ணீர் நிறைந்துள்ளது. இது சருமத்தின் ஈரப்பதத்தை பராமரிக்கவும், நீரிழப்பு காரணமாக ஏற்படும் பல்வேறு சரும பிரச்சனைகளைத் தீர்க்கவும் உதவுகிறது. எனவே பச்சையாக மாம்பழங்களை சாப்பிடுவது அல்லது ஃபேஸ் மாஸ்க்காகப் பயன்படுத்துவது ஒட்டுமொத்த தினசரி நீர் உட்கொள்ளலுக்கு பங்களிக்கிறது. மேலும், இது சருமத்தின் ஈரப்பதத்தை மேம்படுத்தும் என்றும் கூறப்படுகிறது.
கொலாஜன் அதிகரிப்பு
பச்சை மாம்பழங்களில் அதிகளவிலான வைட்டமின் சி சத்துக்கள் நிறைந்துள்ளது. இந்த ஊட்டச்சத்துக்கள் கொலாஜன் உற்பத்திக்கு மிகவும் இன்றியமையாததாகும். கொலாஜன் என்பது சருமத்தின் கட்டமைப்பை மேம்படுத்தவும், நெகிழ்ச்சித் தன்மையையும் தரும் புரதமாகும். இது சருமத்தை இளமையாக வைக்க உதவுகிறது. எனவே பச்சை மாம்பழங்களை உட்கொள்வது கொலாஜன் உற்பத்தியைத் தூண்டி, இளம் தோற்றத்தைத் தக்கவைத்துக் கொள்ள உதவுகிறது
தோல் குறைபாடுகளைத் தீர்க்க
எண்ணெய் பசை சருமத்திற்கு உதவக்கூடிய துவர்ப்பு தன்மைகளை பச்சை மாம்பழங்கள் கொண்டுள்ளது. இவை சருமத்தின் துளைகளை இறுக்குவதற்கும் சரும உற்பத்தியை ஒழுங்குபடுத்துவதற்கும் உதவுகிறது. மேலும் பச்சை மாம்பழம் உட்கொள்வது அல்லது சருமத்திற்கு நேரடியாகப் பயன்படுத்துவதுதன் மூலம் பருக்கள் மற்றும் கரும்புள்ளிகளின் வளர்ச்சியைக் குறைக்கலாம்.
இந்த பதிவும் உதவலாம்: Urad Dal Face Pack: சருமத்தைப் பொலிவாக்க உளுந்துவுடன் இந்த பொருள்களைச் சேர்த்து யூஸ் பண்ணுங்க
பளபளப்பான சருமத்திற்கு
பச்சை மாம்பழங்களில் மாலிக் அமிலம் நிறைந்துள்ளது. இது ஒரு நுட்பமான ஒளிரும் விளைவைக் கொண்டிருப்பதாகும். ஆய்வின் படி, மாலிக் அமிலம் இறந்த சரும செல்களை அகற்ற உதவுகிறது. இதன் மூலம் பளபளப்பான சருமத்தைப் பெற உதவுகிறது.
ஃப்ரீ ரேடிக்கல்களை எதிர்த்துப் போராட
பச்சை மாம்பழங்களில் வைட்டமின்கள் ஏ மற்றும் ஈ உள்ளிட்ட ஆக்ஸிஜனேற்றங்கள் அதிகளவு உள்ளது. இந்த ஆன்டிஆக்ஸிடன்ட்கள், சரும செல்களுக்கு தீங்கு விளைவிக்கும், சுருக்கங்கள் மற்றும் முதுமை அறிகுறிகளைத் தரும் ஃப்ரீ ரேடிக்கல்களை எதிர்த்துப் போராடுகின்றன. மேலும், பச்சை மாம்பழங்கள் ஃப்ரீ ரேடிக்கல்களை நடுநிலையாக்கி, ஆரோக்கியமான பளபளப்பை ஊக்குவிக்கிறது.
சருமத்திற்கு பச்சை மாம்பழத்தை எப்படி பயன்படுத்துவது
பச்சை மாம்பழம் மற்றும் தயிர் ஃபேஸ்பேக்
தேவையானவை
- பச்சை மாம்பழம் - 1 கூழ்
- தயிர் - 1 தேக்கரண்டி
- ரோஸ் வாட்டர் - 1 தேக்கரண்டி
- முல்தானி மிட்டடி - 1 தேக்கரண்டி
செய்முறை
- ஒரு கிண்ணத்தில் மேலே கொடுக்கப்பட்ட பொருள்கள் அனைத்தையும் கலக்க வேண்டும்.
- பிறகு இந்தக் கலவையை முகத்தில் தடவி 15 நிமிடங்கள் வைக்கலாம்.
- அதன் பிறகு வெதுவெதுப்பான நீரில் முகத்தைக் கழுவ வேண்டும்.
இந்த பதிவும் உதவலாம்: Mango Face Mask: ஸ்கின் ரொம்ப பளபளப்பா இருக்க மேங்கோ ஃபேஸ் பேக் யூஸ் பண்ணுங்க
பச்சை மாம்பழம், வெண்ணெய் மற்றும் தேன் ஃபேஸ் பேக்
தேவையானவை
- பச்சை மாம்பழம் - 1
- வெண்ணெய் - 2 தேக்கரண்டி
- தேன் - 1 தேக்கரண்டி
செய்முறை
- 1 பச்சை மாம்பழத்தை மசித்துக் கொண்டு, அதில் 2 தேக்கரண்டி வெண்ணெய் மற்றும் 1 தேக்கரண்டி தேன் சேர்த்து கெட்டியான பேஸ்ட்டை தயார் செய்ய வேண்டும்.
- பிறகு இந்தக் கலவையை முகத்தில் தடவி 15-20 நிமிடங்கள் வைக்கலாம்.
- அதன் பிறகு, குளிர்ந்த நீரில் கழுவி விடலாம்.
பச்சை மாம்பழம், பாதாம் மற்றும் ஓட்ஸ் ஃபேஸ் பேக்
தேவையானவை
- பச்சை மாம்பழம் - 1 கூழ்
- பாதாம் பவுடர் - 1 தேக்கரண்டி
- ஓட்ஸ் - 1 தேக்கரண்டி
- பால் - 2 தேக்கரண்டி
செய்முறை
- கிண்ணம் ஒன்றில் பச்சை மாம்பழத்தின் கூழ், பாதாம் பவுடர், ஓட்ஸ் மற்றும் பால் போன்றவற்றைச் சேர்த்து கலக்க வேண்டும்.
- இதை முகத்திற்கு அப்ளை செய்து 15 நிமிடங்கள் அப்படியே வைக்க வேண்டும்.
- பிறகு வெற்று நீரில் முகத்தைக் கழுவி விடலாம்.
இவ்வாறு பச்சை மாம்பழத்தைப் பல்வேறு வழிகளில் சருமத்திற்குப் பயன்படுத்துவது சரும ஆரோக்கியத்தைப் பாதுகாப்பதுடன், பல்வேறு நன்மைகளைத் தருகிறது. எனினும், ஒவ்வாமை எதிர்விளைவு, எரிச்சல், வறட்சி போன்ற பிரச்சனைகளைக் கொண்டிருப்பவர்கள் சருமத்திற்கு பச்சை மாம்பழம் பயன்படுத்துவதைத் தவிர்க்க வேண்டும். அதே சமயம், எந்தவொரு பொருளையும் சருமத்திற்குப் பயன்படுத்தும் முன் பேட்ச் டெஸ்ட் செய்து கொள்வது நல்லது.
இந்த பதிவும் உதவலாம்: Amla Powder For Skin: குறைந்த நேரத்தில் சருமத்தைப் பொலிவாக்கும் ஆம்லா பவுடர்! இப்படி யூஸ் பண்ணி பாருங்க
Image Source: Freepik