$
Home Remedies For Food Poisoning: அன்றாட வாழ்வில் நாம் கொண்டு வரும் சில ஆரோக்கியமற்ற உணவுமுறை மாற்றங்கள் பல்வேறு உடல் உபாதைகளை ஏற்படுத்தும். இவ்வாறு உணவு நச்சுத்தன்மையால் குமட்டல், வாந்தி, வயிற்று வலி, வயிற்றுப்போக்கு போன்ற பல்வேறு அறிகுறிகள் தோன்றலாம். இந்த நிலையைக் கையாள்வது பலருக்கும் கடினமானதாக இருக்கும். இந்த கடுமையான நிலையில் மருத்துவ கவனிப்பு நாடுவது மிகவும் முக்கியமானதாகும். எனினும், சில வீட்டு வைத்தியங்களைக் கையாள்வது உடல் அசௌகரியத்தைத் தணித்து, மீட்புக்கு உதவுகிறது. அதன் படி, இதில் உணவு நச்சுத்தன்மையைப் போக்க உதவும் சில இயற்கையான வைத்தியங்களைக் காணலாம்.
இந்த பதிவும் உதவலாம்: Heavy Periods Remedies: மாதவிடாயில் அதிக இரத்தப்போக்கால் அவதியா? இந்த வைத்தியங்களை ட்ரை பண்ணுங்க
உணவு நச்சுத்தன்மையைப் போக்க உதவும் வீட்டு வைத்தியங்கள்
ஆக்டிவேட்டட் சார்கோல்
இது மரம், கரி, தேங்காய் மட்டைகள் மற்றும் மரத்தூள் போன்றவற்றிலிருந்து பெறப்படுவதாகும். இந்த ஆக்டிவேட்டட் சார்கோல் ஆனது சில வகையான விஷத்தன்மையின் அவசர சிகிச்சையில் பயன்படுத்தப்படுகிறது. இது வயிற்றிலிருந்து உடலில் விஷம் உறிஞ்சப்படுவதைத் தடுக்க உதவுகிறது. சில சமயங்களில் கடுமையான நச்சுத்தன்மைக்கு சிகிச்சையளிப்பதற்கு பல டோஸ் செயல்படுத்தப்பட்ட கரி தேவைப்படுகிறது.
இது ஒரு சக்தி வாய்ந்த நச்சு நீக்கும் முகவராக செயல்பட்டு, விஷத்திற்குக் காரணமான நச்சுகள் மற்றும் பாக்டீரியாக்களை உறிஞ்சுவதற்கு உதவுகிறது. மேலும், இது இரைப்பைக் குழாயில் உள்ள தீங்கு விளைவிக்கும் பொருட்களுடன் பிணைப்பதன் மூலமாக செயல்படுகிறது. இதன் மூலம் இரத்த ஓட்டத்தில் தீங்கு விளைவிக்கும் பொருள்கள் உறிஞ்சப்படுவது தடுக்கப்படுகிறது. செயல்படுத்தப்பட்ட கரி சப்ளிமெண்ட்ஸை பேக்கேஜிங்கில் கொடுக்கப்பட்ட அறிவுறுத்தலின் படி எடுத்துக் கொள்ளலாம் அல்லது செயல்படுத்தப்பட்ட கரி பொடியை தண்ணீரில் கலந்து குடிக்கலாம். இதன் மூலம் ஃபுட் பாய்சனின் அறிகுறிகளைப் போக்கலாம்.
நீரேற்றமாக இருப்பது
உணவு நச்சுத்தன்மையின் காரணமாக ஏற்படும் வாந்தி, வயிற்றுப்போக்கு போன்றவற்றால் உடலில் திரவ நீரிழப்பு ஏற்படலாம். இது ஃபுட் பாய்சனில் பொதுவான சிக்கலாகக் கருதப்படுகிறது. இந்த நீரிழப்பைத் தவிர்க்கவும், மீட்புக்கும் இழந்த திரவங்களை நிரப்புவது அவசியமாகும். அதன் படி, நீரேற்றமாக இருக்க அதிகளவு தண்ணீர், மூலிகை தேநீர், தேங்காய் தண்ணீர் போன்ற எலக்ட்ரோலைட் நிறைந்த பானங்களை உட்கொள்ளலாம். அதே சமயம், காஃபின் மற்றும் மதுபானங்களைத் தவிர்க்க வேண்டும். ஏனெனில், இவை நீரிழப்பை மேலும் மோசமாக்கலாம்.
இந்த பதிவும் உதவலாம்: Whooping Cough Remedies: உங்க குழந்தைக்குத் தொடர்ச்சியான இருமலா? இந்த வீட்டு வைத்தியங்களை ஃபாலோ பண்ணுங்க
புரோபயாடிக்குகள்
இது குடல் ஆரோக்கியத்தை மேம்படுத்தும் மற்றும் நோயெதிர்ப்பு மண்டலத்தை ஆதரிக்கும் சிறந்த மூலமாகும். அதன் படி, தயிர், கேஃபிர், கிம்ச்சி மற்றும் கொம்புச்சா போன்றவை புரோபயாடிக் நிறைந்த உணவுகளாகும். இது உணவு நச்சுத்தன்மையால் குடல் சமநிலையை மீட்டெடுக்க உதவுகிறது. இந்த உணவுகளில் நன்மை பயக்கும் பாக்டீரியாக்கள் உணவில் நேரடியான விளைவுகளைத் தருகிறது. இவை குடல் நுண்ணுயிரிகளை நிரப்பவும், இரைப்பை குடல் நோய்த்தொற்றுக்களிலிருந்து மீட்கவும் உதவுகிறது.
ஆப்பிள் சைடர் வினிகர்
ஆப்பிள் சைடர் வினிகரில் நிறைந்துள்ள ஆன்டிமைக்ரோபியல் பண்புகள் சிறந்த நன்மைகளைத் தருகிறது. இது செரிமான ஆரோக்கியத்தை மேம்படுத்த உதவுகிறது. இவை இரைப்பைக் குழாயில் உள்ள தீங்கு விளைவிக்கும் பாக்டீரியாக்களை அழிக்கவும், குடல் தாவரங்களின் சமநிலையை மீட்டெடுக்கவும் உதவுகிறது. இதற்கு ஒரு கிளாஸ் அளவிலான வெதுவெதுப்பான நீரில் ஒன்று முதல் இரண்டு டேபிள் ஸ்பூன் ஆப்பிள் சைடர் வினிகரைக் கலந்து, உணவுக்கு முன் அருந்தலாம். இவை செரிமானத்திற்கு உதவுவதுடன், ஃபுட் பாய்சன் அறிகுறிகளைப் போக்க உதவுகிறது.
இஞ்சி
நீண்ட காலமாகவே குமட்டல், வாந்தி போன்ற இரைப்பை குடல் பிரச்சனைகளுக்கான இயற்கையான தீர்வாக இஞ்சி பயன்படுத்தப்படுகிறது. இதில் நிறைந்துள்ள அழற்சி எதிர்ப்பு மற்றும் ஆண்டிமைக்ரோபியல் பண்புகள் செரிமான ஆரோக்கியத்தை மேம்படுத்தவும், விஷத்தன்மை அறிகுறிகளைப் போக்கவும் உதவுகிறது. இதற்கு புதிய இஞ்சித் துண்டுகளை நீரில் சேர்த்து சில நிமிடங்கள் கொதிக்க வைத்து இஞ்சி டீயைத் தயார் செய்யலாம். மேலும், இந்த இஞ்சி டீ உட்கொள்வது குமட்டலைத் தணிக்கவும், செரிமானத்தை மேம்படுத்தவும் உதவுகிறது.
இவ்வாறு சில எளிய வீட்டு வைத்தியங்களைக் கையாள்வதன் மூலம் உணவு நச்சுத்தன்மையைப் போக்கலாம்.
இந்த பதிவும் உதவலாம்: Acid Reflux: இரவில் ஆசிட் ரிஃப்ளக்ஸால் அவதியா? உடனே இதெல்லாம் செய்யுங்க
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
