Causes of dengue fever : டெங்கு வைரஸ் (Dengue virus) பாதிக்கப்பட்ட ஏடிஸ் எஜிப்டி கொசு கடிப்பதன் மூலம் டெங்கு காய்ச்சல் மனிதர்களுக்கு பரவுகிறது. இது வெப்பமண்டல மற்றும் மிதவெப்ப மண்டல பகுதிகளில், குறிப்பாக நகர்ப்புற மற்றும் அரை நகர்ப்புற பகுதிகளில் பரவலாக காணப்படுகிறது. மழைக்காலத்தில் கொசுக்களின் எண்ணிக்கை அதிகரிக்கும் போது இந்த நோயின் தாக்கமும் அதிகரிக்கிறது. டெங்கு பரவும் அபாயம் சில பகுதிகளில் அதிகமாக இருக்கலாம், குறிப்பாக மழை நீர் தேங்கி இருக்கும் பகுதியில்.
டெங்கு காய்ச்சல் குறித்த விரிவான தகவலுக்கு நமது குழு, சிட்டி எக்ஸ்-ரே & ஸ்கேன் கிளினிக் CEO மற்றும் முன்னணி மருத்துவ ஆலோசகர் டாக்டர் ஆகார் கபூரிடம் பேசியது. டெங்குவிற்கான அறிகுறிகள் என்ன?, பரிசோதனைகள் மற்றும் சிகிச்சைகள், பாதுகாப்பு நடவடிக்கைகள், மழைக்காலத்தில் ஏன் அதிகமாக டெங்கு தோற்று ஏற்படுகிறது என இங்கே விரிவாக பார்க்கலாம்.
இந்த பதிவும் உதவலாம் : Dengue Recovery Food: டெங்குவில் இருந்து விடபட இந்த உணவை சாப்பிடுங்கள்!
டெங்கு காய்ச்சல் அறிகுறிகள்
டெங்கு காய்ச்சலின் அறிகுறிகள் லேசானது முதல் கடுமையானது வரை இருக்கலாம். அதிக வெப்பநிலை, கடுமையான தலைவலி, மூட்டு மற்றும் தசை வலி, சொறி, குமட்டல், வாந்தி மற்றும் ஈறுகள் அல்லது மூக்கிலிருந்து சிறிய இரத்தப்போக்கு ஆகியவை பொதுவான அறிகுறிகள். டெங்கு ரத்தக்கசிவு காய்ச்சல் (DHF) அல்லது டெங்கு ஷாக் சிண்ட்ரோம் (DSS) எனப்படும் மிகவும் கடுமையான டெங்கு காய்ச்சல், சில நேரங்களில் இரத்தப்போக்குடன் தொடர்புடையது. இதனால், உறுப்பு சேதமும் உருவாகலாம்.
பரிசோதனைகள்
டெங்குவைக் கண்டறிய NS1 ஆன்டிஜென் சோதனை, PCR சோதனை அல்லது IgM மற்றும் IgG போன்ற ஆன்டிபாடி சோதனைகள் போன்ற இரத்தப் பரிசோதனைகளை மருத்துவர்கள் பரிந்துரைப்பார்கள். பிளேட்லெட் எண்ணிக்கையை உள்ளடக்கிய முழுமையான இரத்த எண்ணிக்கை (சிபிசி) போன்ற சில பிற சோதனைகளும் செய்யப்படுகின்றன.
இந்த பதிவும் உதவலாம் : Dengue During Pregnancy: கர்ப்ப காலத்தில் டெங்கு நோய்க்கான அறிகுறிகள் மற்றும் தடுப்பு முறைகள்
சிகிச்சை மற்றும் பாதுகாப்பு நடவடிக்கை
டெங்கு காய்ச்சலுக்கு குறிப்பிட்ட வைரஸ் தடுப்பு சிகிச்சை இல்லை. மருத்துவ சிகிச்சையின் முக்கிய குறிக்கோள்கள் அறிகுறிகளை நிர்வகித்தல், நோயாளிகளை நீரேற்றமாக வைத்திருப்பது மற்றும் அவர்களின் ஆரோக்கியத்தை கண்காணிப்பது ஆகும். உடலுக்கு போதுமான அளவு திரவங்களை குடிக்கவும் மருத்துவர்கள் அடிக்கடி அறிவுறுத்துகிறார்கள். காய்ச்சலின் போது ஏற்பாடு சில அறிகுறிகளை போக்க மருந்துகள் பரிந்துரைக்கப்படுகின்றன.
முக்கிய அறிகுறிகள் மற்றும் திரவ மாற்று சிகிச்சையை நெருக்கமாகக் கண்காணிப்பதற்கு தீவிர சூழ்நிலைகளில் மருத்துவமனையில் அனுமதிப்பது அவசியமாக இருக்கலாம். DHF அல்லது DSS உள்ள நோயாளிகளுக்கு அவர்களின் நிலையை உறுதிப்படுத்த இரத்தமாற்றம் அல்லது பிற சிகிச்சைகள் அவசியம். பெரும்பாலான டெங்கு நோயாளிகள் உடனடி மருத்துவ கவனிப்பு மற்றும் விவேகமான செயல்முறை மூலம் ஓரிரு வாரங்களில் குணமடைகின்றனர்.
மழைக்காலத்தில் ஏன் டெங்கு பரவுகிறது?
பல ஆண்டுகளாக டெங்கு மழைக்காலத்துடன் இணைக்கப்பட்டுள்ளது. முதலாவதாக, வைரஸைப் பரப்பும் ஏடிஸ் கொசுக்களின் இனப்பெருக்கத்திற்கு வெது வெதுப்பான மற்றும் சேறு நிறைந்த அமைப்பு சிறந்தது. இந்த கொசுக்கள் மழைக்காலத்தில் திறந்த கொள்கலன்கள், கைவிடப்பட்ட டயர்கள் மற்றும் பிற பொருட்கள் அல்லது இடங்களில் தேங்கி நிற்கும் நீரில் இனப்பெருக்கம் செய்யும் இடங்களைக் கண்டறியும். இந்த இனப் பெருக்கத்தால் கொசுக்கள் பெருகி வருகின்றன.
இந்த பதிவும் உதவலாம் : டெங்கு காய்ச்சலிலிருந்து விரைவில் குணமடைய உங்கள் குழந்தைக்குக் கொடுக்க வேண்டிய ஐந்து உணவுகள்
தடுப்பு நடவடிக்கைகள் என்ன?
- தேங்கி நிற்கும் நீர் ஆதாரங்களை அகற்றுதல்: கொசு உற்பத்தியைத் தடுக்க, தொடர்ந்து காலியாகவோ, சுத்தப்படுத்தவோ அல்லது தண்ணீர் சேகரிக்கும் பாத்திரங்களை மூடி வைக்கவும்.
- கொசு விரட்டிகள்: கொசு விரட்டும் கிரீம்களை பயன்படுத்தவும். பூச்சிகள் கடிக்காமல் இருக்க கொசு வலை அல்லது திரைகளைப் பயன்படுத்தவும்.
- பாதுகாப்பு ஆடைகள்: அதிகமாக தோல் வெளியில் தெரியாமல் இருக்க எப்போதும் முழுக்கை சட்டை மற்றும் முழு பேன்ட்கள், காலுறைகள் மற்றும் காலணிகள் ஆகியவற்றை அணியவும்.
- சுற்றுச்சூழல் தூய்மை : கொசுக்கள் பெருகும் இடங்களைக் குறைக்கவும், வடிகால் அமைப்புகளை மேம்படுத்தவும், சாக்கடைகளை அகற்றவும், மற்றும் பகுதியை சுத்தமாக வைத்திருக்கவும்.
- பொதுக் கல்வி: டெங்குவின் அறிகுறிகள் மற்றும் சிகிச்சை மற்றும் உடனடியாக மருத்துவ உதவியை நாடுவதன் மதிப்பு குறித்து உங்கள் அக்கம்பக்கத்தினருக்கு தெரிவிக்கவும்.
டெங்கு மக்களுக்கு கடுமையான உடல்நலக் கேடு விளைவிக்கும். குறிப்பாக மழைக்காலத்தில் ஏடிஸ் கொசுக்களால் இந்த வைரஸ் பரவுகிறது. எனவே, நோய் வருவதற்கு முன் நம்மை பாதுகாத்துக்கொள்வது மிகவும் நல்லது. நீங்கள் இருக்கும் இடத்தை எப்போதும் தூய்மையாகவும் தண்ணீர் தேங்காமலும் வைத்தால் பெருமளவில் டெங்கு பாதிப்பை குறைக்கலாம்.
Image Credit: freepik