$
Dancer Hand Breastfeeding And Its Benefits: புதிதாகப் பிறந்த குழந்தைகளைப் பராமரிப்பது மற்றும் நிர்வகிப்பது அவ்வளவு எளிதான விஷயம் அல்ல. தாய்மார்கள் முதல் முறையாக குழந்தைகளைப் பெற்றெடுக்கும் போது அவர்களுக்கான அனுபவம் புதிதாக இருக்கும். இவ்வாறு புதிதாக பிறந்த குழந்தைகளின் பராமரிப்பில் முக்கியமானதாக அமைவது தாய்ப்பால். பிறந்த குழந்தைகளுக்கு முக்கிய ஆதாரமாக விளங்குவது தாய்ப்பால் மட்டுமே. குழந்தைகளுக்கு தாய்ப்பால் கொடுப்பதில் வெவ்வேறு வழிகள் உள்ளன. எனினும் தாய் எப்போதும் பாலூட்டும் நிபுணரை அணுகி தாய்ப்பால் நிலைகள் மற்றும் அவற்றைச் செய்வதற்கான சரியான வழிகளைப் பற்றி தெரிந்து கொள்ள வேண்டும். அவற்றில் ஒன்றே நடனக் கலைஞர் கை தாய்ப்பால் கொடுப்பதாகும். இந்த தாய்ப்பால் நிலை எப்படி செய்வது மற்றும் அதன் பயன்களைக் காணலாம்.
நடனக் கலைஞர் கை தாய்ப்பால் கொடுக்கும் நிலை
குறைமாத குழந்தைகளின் தாய்மார்கள் அல்லது சிறப்புத் தேவை கொண்ட குழந்தைகளுக்கு நடனக் கலைஞர் கையால் தாய்ப்பால் (Dancer Hand Breastfeeding Position) நிலை மிகவும் பயனுள்ளதாக இருக்கும். ஒவ்வொரு புதிய தாய்மார்களும் இந்த நிலையைக் கற்பிக்க வேண்டும். குறிப்பாக தாய்ப்பால் கொடுக்கும் போது குழந்தையைப் பிடிப்பதில் சிக்கல்களை எதிர்கொள்ளும் தாய்மார்களும் இந்த நிலையைப் பயன்படுத்தலாம். இந்த நிலை குழந்தைக்கு ஆதரவையும், சௌகரியமான நிலை மற்றும் பிடியை ஏற்படுத்துகிறது. குறிப்பாக பலவீனமான குழந்தைகள் அல்லது குறைமாதத்தில் பிறந்த குழந்தைகளுக்கு இந்த நிலை சரியான ஆதரவைத் தருகிறது.
இந்த பதிவும் உதவலாம்: Breastfeeding Benefits: ஆரோக்கியம் மிக்க தாய்ப்பாலும், தாய் மற்றும் சேய் பெறும் நலன்களும்.!
நடனக் கலைஞர் கை தாய்ப்பால் கொடுப்பது எப்படி
இந்த நிலை சிக்கலாக இருந்தாலும் எளிமையான நிலைகளில் ஒன்றாகும். டேன்சர் ஹேண்ட் தாய்ப்பால் நிலை செய்யும் வழிமுறைகளைக் காணலாம்.
- முதலில் தாய்மார்கள் மார்பகங்களை ஆதரித்தவாறு கைகளை அதன் கீழ் வைக்க வேண்டும்.
- பின் கட்டை விரல் மற்றும் ஆள்காட்டி விரலை U வடிவத்தில் உருவாக்கி, அதனுடன் குழந்தையின் கன்னத்தைப் பிடிக்க வேண்டும்.
- குழந்தையின் கன்னங்களை மெதுவாக அழுத்தி மார்பகத்திற்கு அருகில் கொண்டு வந்து தாய்ப்பால் கொடுக்க வேண்டும்.
- இது குழந்தைக்கு தாய்ப்பால் உறிஞ்சுவதற்கு மற்றும் முலைக்காம்புகளைச் சரியாகப் பிடிக்கவும் உதவுகிறது.
- சிறந்த பாலூட்டலுக்கு குழந்தையை இதே நிலையில் வைத்துக் கொடுக்கலாம்.
இந்த பதிவும் உதவலாம்: New Born Baby Care Tips: பிறந்த குழந்தையின் சில பராமரிப்பு முறைகள்.!
நடனக் கலைஞர் கை தாய்ப்பால் கொடுக்கும் நிலையின் நன்மைகள்
இந்த நிலையில் குழந்தைகளுக்குத் தாய்ப்பால் கொடுப்பது பல்வேறு நன்மைகளைத் தருகிறது.
- பலவீனமான தசைகள் கொண்ட குழந்தைகளுக்கு இந்நிலையில் தாய்ப்பால் கொடுப்பது எளிது.
- இந்த நிலை குறைமாத குழந்தைகளுக்கு தாய்ப்பால் கொடுப்பதற்கான எளிய வழியாகும்.
- பிளவுபட்ட உதடுகளைக் கொண்ட குழந்தைகளுக்கு எளிதாக பால் கிடைக்கும் வசதியை இந்நிலை தருகிறது.
- இந்நிலை ஊனமுற்ற குழந்தைகள் சரியாக பால் உறிஞ்சுவதற்கான நிலையாகும்.
- டவுன் சின்ட்ரோமுடன் பிறக்கும் குழந்தைகளுக்கு தாய்ப்பால் கொடுக்கும் போது சிரமமாக இருக்கும். அவர்களுக்கும் இந்த நிலையில் தாய்ப்பால் கொடுப்பது சிறந்ததாகும்.
- குழந்தையின் உடல்நிலை சரியாக இல்லாவிடின், சரியாக உணவளிக்க முடியாமல் போகலாம். இது போன்ற சூழ்நிலையில் இந்த நிலையைப் பயன்படுத்தி தாய்ப்பால் கொடுக்கலாம்.
குறைபிரசவக் குழந்தைகள், டவுன்சின்ட்ரோம் உள்ள குழந்தைகளுக்குப் பாலூட்டுவதற்கான சிறந்த வழியாக இந்த டேன்சர் ஹான்ட் தாய்ப்பாலூட்டும் நிலை உள்ளது. மேலும் இதன் மூலம் பலவீனமான குழந்தைகளுக்கும் அதிக ஊட்டச்சத்து கிடைக்கிறது. எனவே தாய்மார்கள் மிக எளிய வழியான இந்த நிலை மூலம் குழந்தைகளுக்குத் தாய்ப்பால் கொடுக்கலாம்.
இந்த பதிவும் உதவலாம்: Newborn Sleeping: குழந்தைக்கு நல்ல தூக்க பழக்கத்தை வளர்ப்பதற்கான சிறந்த வழிகள்
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
