How To Protect Hair From Air Pollution: இந்தியா முழுவதும் தீபாவளி கொண்டாட்டத்திற்கு தயாராகி வருகிறது. ஆனால், வாடா இந்தியாவில் பல நகரங்களில் காற்று மாசு அளவு அதிகரித்துள்ளது. காற்று மாசுபட்டால் இருமல், கண்கள் அரிப்பு, சுவாச பிரச்சனைகளை ஏற்படுத்தும் மற்றும் தோல் மிகவும் மந்தமாகிவிடும். மேலும், காற்று மாசுபாட்டால் முடி நேரடியாக பாதிக்கப்படுகிறது. இதனால், முடி வறண்டு பொலிவிழந்து காணப்படும்.
மாசுபாட்டால் முடி வலுவிழந்து முடி உதிர்தல் பிரச்சனையும் ஏற்படும். இது தலைமுடியை மட்டும் அல்ல, சருமத்தையும் பாதிக்கிறது. எனவே, முடியை சரியாக பராமரிக்கவில்லை என்றால், பெரிய இழப்பை ஏற்படுத்தும். வீட்டிலேயே முடியை மாசுபாட்டிலிருந்து முறையாக பராமரிப்பது எப்படி என இந்த தொகுப்பில் பார்க்கலாம். இது உங்களுக்கு மிகவும் உதவியாக இருக்கும்.
இந்த பதிவும் உதவலாம் : அடர்த்தியான முடியை கட்டுப்படுத்த சில வழிகள்!
ஆயில் மசாஜ்
காற்று மாசுபாட்டிலிருந்து உங்கள் தலைமுடியைப் பாதுகாக்க, உங்கள் முடியை எண்ணெயால் மசாஜ் செய்யவும். இவ்வாறு செய்வதன் மூலம் கூந்தலுக்கு போஷாக்கு கிடைத்து, கூந்தல் வேர்களில் இருந்து வலுவடையும். தேங்காய் எண்ணெய், ஆர்கான் எண்ணெய் மற்றும் ஜோஜோபா எண்ணெய் ஆகியவற்றை கூந்தலுக்கு பயன்படுத்தலாம். இந்த எண்ணெய் சேதமடைந்த முடியை சரிசெய்வது மட்டுமின்றி கூந்தலின் பொலிவையும் அதிகரிக்கிறது.
ஷாம்பு மற்றும் கண்டிஷனர்
இந்த காலகட்டத்தில் முடி உதிர்வதால் பலர் சிரமப்படுகின்றனர். இந்த சிக்கலைத் தவிர்க்க, சல்பேட் இல்லாத ஷாம்பூவைத் தேர்ந்தெடுக்கவும். முடியைக் கழுவிய பின் ஹைட்ரேட்டிங் கண்டிஷனரையும் பயன்படுத்தவும். இவற்றை பயன்படுத்துவதன் மூலம், உங்கள் தலைமுடியை சுத்தமாக வைத்திருப்பதோடு, முடி உதிர்வதையும் தடுக்கும்.
இந்த பதிவும் உதவலாம் : Cinnamon for hair : அடர்த்தியான கூந்தலை பெற இலவங்கப்பட்டையை இப்படி யூஸ் பண்ணுங்க!
முடியை கவர் செய்யவும்
மாசுபாட்டிலிருந்து முடியைப் பாதுகாக்க, முடியை மூடி வைப்பது மிகவும் அவசியம். வெளியே செல்வதற்கு முன் முடியை மாசுபாட்டிலிருந்து பாதுகாக்க தொப்பி அல்லது ஸ்கார்ப் அணியுங்கள். இப்படி செய்வதன் மூலம், மாசுபாட்டின் தீங்கு விளைவிக்கும் துகள்கள் உச்சந்தலையை சேதப்படுத்துவதை தவிர்க்கலாம்.
நீரேற்றமாக இருங்கள்
முடி ஆரோக்கியமாக இருக்க, மாசுபாட்டில் இருந்து முடியை பாதுகாக்க தலையை ஈரப்பதமாக வைத்திருக்க வேண்டியது மிகவும் அவசியம். காற்று மாசுபாட்டிலிருந்து உங்களைப் பாதுகாத்துக் கொள்ள, ஒரு நாளைக்கு 7 முதல் 8 கிளாஸ் தண்ணீர் குடிக்கவும். இவ்வாறு செய்வதன் மூலம் கூந்தலின் வறட்சி குறைந்து முடி பளபளப்பாகவும் மாறும்.
இந்த பதிவும் உதவலாம் : ஆரோக்கியமான கூந்தலுக்கு பின்பற்ற வேண்டிய ஆயுர்வேத குறிப்புகள்
ஆரோக்கியமான உணவு
முடியை உள்ளே இருந்து வலுவாக வைத்திருக்க, ஆரோக்கியமான உணவை உட்கொள்வது மிகவும் முக்கியம். உங்கள் உணவில் முழு தானியங்களுடன் கொட்டைகள், பச்சை காய்கறிகள் மற்றும் பழங்கள் சேர்க்க வேண்டும். இவற்றை உட்கொள்வதால், முடி உட்புறமாக வலுவடைகிறது.
Pic Courtesy: Unsplash