Healthy Lungs: நமது ஆரோக்கியத்தில் நுரையீரல் முக்கியமான செயல்பாட்டைச் செய்கிறது. சுவாசம் மற்றும் ஒட்டுமொத்த ஆரோக்கியத்திற்கு சரியான நுரையீரல் செயல்பாடு என்பது முக்கியமானது, இது நமது உடல்களுக்கு தேவையான ஆக்ஸிஜனைப் பெறுவதையும் கார்பன் டை ஆக்சைடை வெளியேற்றுவதையும் உறுதி செய்கிறது. உங்கள் நுரையீரல் சரியாக வேலை செய்கிறதா என்பதை அறிய சிறந்த வழிகள் இதோ.
நுரையீரல் ஆரோக்கியம் முக்கியம்
உலக சுகாதார அமைப்புக் கூற்றுப்படி, உலகின் மூன்றாவது பெரிய இறப்புக்கான காரணமாக, நாள்பட்ட தடுப்பு நுரையீரல் நோய் பாதிப்பு இருக்கிறது. 2019 நிலவரப்படி சுமார் 30 லட்சம் பேர் இதனால் இறந்துள்ளனர்.
இதையும் படிங்க: நல்ல உறக்கம் வேண்டுமா? அப்போ இதை செய்யுங்கள்
ஆரோக்கியமான சுவாசம்
ஆரோக்கியமான நுரையீரல் செயல்பாடு என்பதற்கு முக்கிய அறிகுறிகளில் ஒன்று சிரமமின்றி சுவாசிப்பது. தங்களது சாதாரண நடவடிக்கைகளின் போது எந்த அசௌகரியமோ அல்லது மூச்சுத் திணறலோ இல்லாமல் ஆழ்ந்து சுவாசிக்க முடியும். தங்களது அன்றாடப் பணிகளில் மூச்சுவிட சிரமப்பட்டால் உடனே மருத்துவரை அணுகுவது நல்லது என டாக்டர் சஞ்சய் சவுத்ரி, MBBS, VMMC, (புதுதில்லி) கூறினார்.
சாதாரண சுவாச வீதம்
சராசரி வயது வந்தவர் ஒரு நிமிடத்திற்கு 12 முதல் 20 முறை ஓய்வில் சுவாசிக்கிறார். இந்த வரம்பை விட உங்கள் சுவாச விகிதம் தொடர்ந்து வேகமாக அல்லது மெதுவாக இருப்பதை நீங்கள் கவனித்தால், அது நுரையீரல் செயல்பாட்டில் உள்ள சிக்கலைக் குறிக்கலாம். நிமிடத்திற்கு உங்கள் சுவாசத்தைக் கண்காணித்து, அது தொடர்ந்து அசாதாரணமாக இருந்தால் மருத்துவ ஆலோசனையைப் பெறவும்.
நல்ல உடற்பயிற்சி
ஆரோக்கியமான நுரையீரல் உங்களை அதிக காற்று சுவாசிக்க வைத்து சோர்வு இல்லாமல் இருக்கச் செய்யும். நீங்கள் எளிதாக உடற்பயிற்சி செய்து விரைவாக குணமடைய முடிந்தால், உங்கள் நுரையீரல் நன்றாக வேலை செய்கிறது என்பதற்கான நல்ல அறிகுறியாகும்.
இருமல்
எப்போதாவது இருமல் வருவது இயல்பானது மற்றும் உங்கள் சுவாசப்பாதையில் இருந்து எரிச்சலை அகற்ற உதவுகிறது. மேலும், உங்கள் இருமல் தொடர்ந்து இருந்தால், அது சிக்கலை குறிப்பது ஆகும். உடனே மருத்துவரை அணுகுவது நல்லது.
மார்பு வலி
மார்பு வலி, இறுக்கமான ஆஸ்துமா, இதய பிரச்சனைகள் உட்பட பல்வேறு பிரச்சனைகள் நுரையீரல் நிலைகளின் அறிகுறியாக இருக்கலாம். மார்பில் அசௌகரியம் ஏற்பட்டால், குறிப்பாக சுவாசத்தின் போது, உடனடியாக மருத்துவ உதவியை நாடுவது முக்கியம்.
ஆக்ஸிஜன் செறிவு
ஆக்சிமீட்டரால் அளவிடப்படும் ஆக்ஸிஜன் செறிவு பொதுவாக 95% க்கு மேல் இருக்க வேண்டும். இதில் ஏதேனும் குறைவு இருந்தால் நுரையீரல் சிக்கலைக் குறிப்பதாகும். ஆக்ஸிஜன் செறிவூட்டலை தவறாமல் கண்காணிப்பது நல்லது.
தெளிவான நுரையீரல்
ஒரு மருத்துவர் உங்கள் நுரையீரலை ஸ்டெதாஸ்கோப் மூலம் கேட்கும்போது, தெளிவான மூச்சு ஒலிக் கேட்க வேண்டும். விரிசல், மூச்சுத்திணறல், தடை ஏதேனும் கேட்டால் நுரையீரல் பிரச்சனைகளின் அறிகுறிகளாக இருக்கலாம். 
ஆஸ்துமா, நாள்பட்ட நுரையீரல் நோய் மற்றும் நுரையீரல் புற்றுநோய் போன்ற பல நுரையீரல் நிலைமைகளும் படிப்படியாக உருவாகலாம். இவை அனைத்தும் ஆரம்ப கட்டங்களில் அறிகுறியற்றதாக இருக்கும் என்பது கவனத்தில் கொள்ள வேண்டியது அவசியம்.
இதையும் படிங்க: Vitamin B12 Deficiency: கவனிக்க வேண்டியவை இது தான்…
நுரையீரல் செயல்பாட்டை மதிப்பிடுவதற்கு இந்த அனைத்து வழிகளும் உதவியாக இருக்கும். ஆரோக்கியமான வாழ்க்கை முறையை பராமரிப்பதில் நுரையீரலுக்கு முக்கிய பங்கு உள்ளது. புகைபிடிப்பதைத் தவிர்ப்பது, சுவாச நோய்த்தொற்றுகளைக் குறைக்க நல்ல வழியாகும். காற்று மாசுபாடால் நுரையீரல் அதிகம் பாதிக்கிறது. நுரையீரல் என்பது உடல் ஆரோக்கியத்திற்கு மிக முக்கியம். உடலில் ஏதேனும் தீவிரத்தை உணரும்பட்சத்தில் உடனே மருத்துவரை அணுகுவது நல்லது.
Image Source: Freepik