Cedarwood essential oil uses and benefits for health and wellness: பொதுவாக அத்தியாவசிய எண்ணெய்கள் நறுமணத்திற்காக மட்டுமல்லாமல், சருமம், முடி மற்றும் ஒட்டுமொத்த ஆரோக்கியத்திற்கும் பல நன்மைகளை வழங்குகிறது. ஏராளமான அத்தியாவசிய எண்ணெய்கள் உள்ளன. அதில் ஒன்றாக சிடார்வுட் அத்தியாவசிய எண்ணெய் அமைகிறது. இது சிடார் மரங்களின் பல்வேறு பகுதிகளிலிருந்து தயாரிக்கப்படக்கூடியதாகும். இது முடி உதிர்வு முதல் மன அழுத்தத்தைக் குறைப்பது வரை பல்வேறு ஆரோக்கிய நன்மைகளை வழங்குகிறது.
சிடார்வுட் எண்ணெய் என்றால் என்ன?
ஹெல்த்ஷாட்ஸ் தளத்தில் குறிப்பிட்டபடி, சிடார்வுட் எண்ணெய் ஆனது மரம், இலைகள் மற்றும் பட்டைகளிலிருந்து பிரித்தெடுக்கப்படக்கூடிய ஒரு அத்தியாவசிய எண்ணெய் ஆகும். சூடான, மர நறுமணம் கொண்ட இந்த எண்ணெயில் செட்ரோல், துஜோப்சீன் மற்றும் ஆல்பா-செட்ரீன் போன்ற நன்மை பயக்கும் சேர்மங்கள் நிறைந்துள்ளதாகக் கூறப்படுகிறது. இந்த எண்ணெய் தோல் பராமரிப்பு, முடி பராமரிப்பு போன்றவற்றில் அதன் அமைதிப்படுத்தும் மற்றும் அழற்சி எதிர்ப்பு பண்புகளுக்காக பரவலாகப் பயன்படுத்தப்படுகிறது.
இந்த பதிவும் உதவலாம்: கொசுக்கடியால் மலேரியா காய்ச்சல் வரும்னு பயமா.. கொசுக்களைத் தடுக்க உதவும் சூப்பரான ரெமிடிஸ் இதோ
சிடார்வுட் எண்ணெயின் நன்மைகள்
முடி வளர்ச்சியை ஊக்குவிக்க
சிடார்வுட் எண்ணெயைப் பயன்படுத்துவது மயிர்க்கால்களைத் தூண்டி, முடி வளர்ச்சியை ஊக்குவிக்க உதவுகிறது. இவை முடியை தடிமனாக்க உதவுகிறது. ஆய்வு ஒன்றில், சிடார்வுட் மற்றும் ரோஸ்மேரி எண்ணெய்களை ஒன்றாகப் பயன்படுத்துவது முடி வளர்ச்சியை அதிகரிக்க உதவுவதாகக் கூறப்படுகிறது. இவை உச்சந்தலையில் இரத்த ஓட்டத்தை மேம்படுத்தவும், சரும உற்பத்தியை சமநிலைப்படுத்தும் திறனையும் கொண்டுள்ளது. மேலும், இவை வீக்கத்தைக் குறைத்து, ஃபோலிகுலர் ஆரோக்கியத்தை மேம்படுத்தி, முடி மெலிதலைக் குறைக்க உதவுகிறது.
உச்சந்தலை ஆரோக்கியத்திற்கு
இவை பொடுகு மற்றும் அரிப்பு போன்ற பிரச்சனைகளை நீக்க உதவுகிறது. ஆய்வு ஒன்றில், சிடார்வுட் எண்ணெயில் அழற்சி எதிர்ப்பு மற்றும் பாக்டீரியா எதிர்ப்பு பண்புகள் உள்ளதாகக் கூறப்படுகிறது. இந்த பண்புகள் பொடுகு, அரிப்பு அல்லது வறட்சி போன்ற உச்சந்தலை எரிச்சலைத் தணிக்க உதவுகிறது.
சுவாச ஆரோக்கியத்தை ஆதரிக்க
சிடார்வுட் அத்தியாவசிய எண்ணெயில் கிருமி நாசினிகள் மற்றும் சளி நீக்கும் பண்புகள் போன்றவை உள்ளன. சளி உள்ளவர்கள் இதைப் பயன்படுத்துவது காற்றுப்பாதையில் இருந்து சளியை அகற்ற இது உதவுகிறது. மேலும் இவை மூக்கடைப்பைப் போக்க உதவுவதுடன், சுவாசத்தை மேம்படுத்துகிறது. இதன் மூலம், சுவாச ஆரோக்கியத்தை மேம்படுத்தலாம்.
முகப்பருவை எதிர்த்துப் போராட
சருமத் துளைகள் அடைக்கப்படும் ஒரு பொதுவான அழற்சி கோளாறாக முகப்பரு அமைகிறது. ஆய்வு ஒன்றில், சிடார்வுட் எண்ணெய் முகப்பருவைக் கட்டுப்படுத்துவதில் உதவியாக இருப்பதாகக் கண்டறியப்பட்டது. இந்த அத்தியாவசிய எண்ணெயில் அழற்சி எதிர்ப்பு, பாக்டீரியா எதிர்ப்பு மற்றும் கிருமி நாசினிகள் பண்புகள் நிறைந்துள்ளது. இவை சருமத்தை அமைதிப்படுத்தி எரிச்சலைக் குறைப்பதன் மூலம் முகப்பருவுக்கு சிகிச்சையளிக்க உதவுகிறது.
இந்த பதிவும் உதவலாம்: Carrot seed oil: பளபளப்பான சருமத்திற்கு கேரட் விதை எண்ணெயை இப்படி வீட்டிலேயே தயார் செய்யுங்க
தூக்கத்தின் தரத்தை மேம்படுத்த
சிடார்வுட் எண்ணெயின் நன்மைகளில் ஒன்றாக தூக்கத்தின் தரத்தை மேம்படுத்துவது அடங்கும். இதன் முக்கிய அங்கமாக அதன் மயக்க விளைவுகள் மதிப்பீடு செய்யப்பட்டது. ஆய்வு ஒன்றில், இந்த எண்ணெயை உள்ளிழுக்கும்போது, மயக்க விளைவுகளை ஏற்படுத்துவதாக ஆராய்ச்சியாளர்கள் கண்டறிந்தனர். இதன் தரையிறக்கும், மர நறுமணம் தளர்வை ஊக்குவிக்கிறது. இவை தூக்கமின்மை அல்லது அமைதியின்மையால் போராடுபவர்களுக்கு மிகவும் உதவியாக இருக்கும் எனக் கூறப்படுகிறது.
மன அழுத்தத்தைக் குறைப்பது
சிடார்வுட் எண்ணெய் மன அழுத்தத்திற்கு ஒரு பயனுள்ள இயற்கை தீர்வாக அமைகிறது. ஆய்வு ஒன்றில், சிடார்வுட் அத்தியாவசிய எண்ணெய் மன அழுத்தத்தைக் குறைத்து மன ஆரோக்கியத்தை மேம்படுத்த உதவுவதாகக் கூறப்படுகிறது. இது மனத்தெளிவு மற்றும் கவனத்தை ஊக்குவிக்க உதவுகிறது.
இந்த பதிவும் உதவலாம்: ஒற்றைத் தலைவலியை நொடியில் போக்க உதவும் பெப்பர்மின்ட் ஆயில்.. இப்படி யூஸ் பண்ணுங்க
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
