ஆரோக்கியமான உணவு உங்களை நன்றாக உணரவும், உங்கள் வலிமையையும் ஆற்றலையும் மீட்டெடுக்கவும், ஆரோக்கியத்திற்கான அபாயங்களைக் குறைக்கவும் உதவும்.
புற்றுநோய், இதய நோய் மற்றும் நீரிழிவு போன்ற பிரச்சனைகளை, பல்வேறு தாவரங்கள், மற்றும் இறைச்சிகள் உட்கொள்வதன் மூலம் தடுக்க முடியும். அந்த வகையில் கேன்சரை தடுக்கவும், எதிர்த்து போராடவும் உதவும் உணவுகள் குறித்து இங்கே காண்போம்.
புற்றுநோயை தடுக்கும் உணவுகள் (cancer fighting foods)
ஆப்பிள்
ஆப்பிள்கள் நார்ச்சத்து மற்றும் வைட்டமின் சி ஆகியவற்றின் நல்ல மூலமாகும். அவை அலர்ஜி எதிர்ப்பு மற்றும் ஆக்ஸிஜனேற்ற பண்புகளைக் கொண்ட கூறுகளை உள்ளடக்கியது. நமது குடலில் உள்ள பாக்டீரியாக்கள் பெக்டினின் பெரும்பகுதியைப் பயன்படுத்தலாம். ஆப்பிள்களின் நார்ச்சத்து, பெருங்குடல் செல்களைப் பாதுகாக்கும் சேர்மங்களை உருவாக்குகிறது. நார்ச்சத்து அதிகம் உள்ள உணவுகள் பெருங்குடல் புற்றுநோய் ஆபத்தை குறைக்கின்றன.
பெர்ரி
பெர்ரிகளில் ஆக்ஸிஜனேற்றிகள் மற்றும் தாவர அடிப்படையிலான இரசாயனங்கள் உள்ளன. அவை உடலில் புற்றுநோய் செல் வளர்ச்சியை குறைக்க உதவுகிறது.
திராட்சை
திராட்சைகளில் ரெஸ்வெராட்ரோலின் வளமான ஆதாரங்கள் உள்ளன. ரெஸ்வெராட்ரோலில் ஆன்டிஆக்ஸிடன்ட்கள் மற்றும் அலர்ஜி எதிர்ப்பு முகவர்கள் புற்றுநோயை எதிர்த்துப் போராட உதவுகிறது.
பச்சை இலைக் காய்கறிகள்
கோஸ், கீரை மற்றும் முட்டைக்கோஸ் போன்ற பச்சை இலைக் காய்கறிகளில் நார்ச்சத்து, பி வைட்டமின்கள், வைட்டமின் சி, தாவர அடிப்படையிலான இரசாயனங்கள், ஃபோலேட் உள்ளிட்ட அனைத்து சிறந்த ஊட்டச்சத்துக்களும் நிறைந்துள்ளன. மேலும் கரோட்டினாய்டுகள் போன்ற ஆன்டிஆக்ஸிடன்ட்கள் இதில் உள்ளன. அவை புற்றுநோய் செல்களை எதிர்த்து போராட உதவுகிறது.
சிலுவை காய்கறிகள்
ப்ரோக்கோலி, காலிஃபிளவர், முட்டைக்கோஸ், பிரஸ்ஸல் முளைகள் நார்ச்சத்து நிறைந்தவை. இதில் உள்ள சல்போராபேன் மற்றும் இண்டோல், செல்களைப் பாதுகாக்கிறது. மேலும் மார்பக புற்றுநோயைம், சிறுநீர்ப்பை, புரோஸ்டேட், நுரையீரல் மற்றும் லிம்போமாக்களை எதிர்த்துப் போராட உதவுகிறது.
கேரட்
கேரட்டில் வைட்டமின் ஏ உள்ளது. இவை கரோட்டினாய்டுகளின் வளமான மூலமாகும். இவை நோய் எதிர்ப்பு சக்தியை அதிகரிக்கிறது. இவை வலுவான அலர்ஜி எதிர்ப்பு மற்றும் புற்றுநோய் எதிர்ப்பு பண்புகளை கொண்டுள்ளது.
சாலமன் மீன்
உயிரணு வளர்ச்சியை சீராக்க தேவையான ஊட்டச்சத்துக்களை சால்மன் உடலுக்கு வழங்குகிறது. மேலும் இதில் ஒமேகா 3 உள்ளது. இது பெருங்குடல் செல்களின் செயல்பாட்டை சீராக்கும். மேலும் வீக்கத்தை குறைக்கும்.