$
பல்வேறு ஆய்வுகளின் படி பெரும்பாலான ஊழியர்கள் சுமார் 4 ஆண்டுகளுக்கு மட்டுமே ஒரு நிறுவனத்தில் பணியாற்றுவதாக கூறப்படுகிறது.
அதாவது பெரும்பாலானோர் வேலையை மாற்றுவது என்பது பொதுவான மற்றும் அடிக்கடி செய்யக்கூடிய செயலாக உள்ளது. ஆனால் கேள்வி… வேலையை அடிக்கடி மாற்றுவது அல்ல, வேலையை விட்டு நீங்கும் முன்பு நீங்கள் என்னென்ன மாதிரியான விஷயங்களை கவனத்தில் கொள்ள வேண்டும் என்பது தான். ஏனெனில் இது தேவையற்ற மன அழுத்தத்தைத் தவிர்க்க உதவும்.
நல்ல வேலை, லட்சங்களில் சம்பளம் என்பது பலரின் கனவு. ஆனால் சிலர் அலுவலக வேலையின் அழுத்தம், போதிய சம்பளம் இன்மை மற்றும் தனிப்பட்ட காரணங்களால் வேலையை விட்டு விடுகின்றனர்.
இருப்பினும், உங்கள் வேலையை விட்டுவிடுவதற்கான அவசர முடிவு உங்களை நிதி சிக்கலில் சிக்க வைக்கும். வேலையை விட்டு விலகுவதற்கு முன், சில விஷயங்களைக் கருத்தில் கொள்ள வேண்டும். அதை இந்தக் கதையில் பார்க்கலாம்.
பண தேவைக்கான முன் திட்டமிடல்:
வங்கியை கொள்ளையடிக்கச் செல்லும் கொள்ளை கும்பல் எப்படி பக்கவான ப்ளானுடன் செல்கிறார்களோ?, அதேபோல் வேலையை விட்டு நிற்க திட்டமிடும் நபரும் அதிக கவனத்துடனும், திட்டமிடலுடனும் செயல்பட வேண்டும். தற்போது பார்த்துக்கொண்டிருக்கும் வேலையை விட முடிவெடுக்கிறீர்கள் என்றால் அதற்காக முன்கூட்டியே ஒரு எமர்ஜன்சி பண்ட்டை நீங்கள் தயார் செய்து வைக்க வேண்டும்.
அதாவது, உங்கள் வேலையை விட்டு வெளியேறுவதற்கு முன், உங்கள் நிதி நிலைமையை மதிப்பிடுவது மிகவும் முக்கியம். நீங்கள் வேலையை விட்ட பிறகு.. நீங்கள் பொருளாதார ரீதியாக பாதிக்கப்படாமல் இருக்க திட்டமிடுங்கள். இன்சூரன்ஸ் முதற்கொண்டு குறைந்தபட்சம் ஆறு முதல் ஒன்பது மாதச் செலவுகளை ஈடுசெய்யும் வகையில் திட்டமிட வேண்டும். வங்கிக் கணக்குகளில் உங்கள் சேமிப்பு மற்றும் வைப்புகளைப் பற்றி தெரிந்து கொள்வது கட்டாயமாகும்.
வேலைவாய்ப்புகளை ஆராயவும்:
ஒரு வேலையை விட்டு வெளியேறுவது என்பது எளிதான செயலாக இருந்தாலும், அதனை செய்யும் முன்பு ஒருமுறைக்கு இருமுறை நன்றாக யோசித்துக்கொள்ளுங்கள்.
வேலைக்குச் சேர்ந்த சில நாட்களிலேயே வேலையை விட்டுவிட்டால், அது உங்களின் எதிர்கால வேலை வாய்ப்புகளைப் பாதிக்கும். ஏனெனில் அடிக்கடி வேலையை மாற்றும் ஊழியர்களை நிறுவனங்கள் நம்பகத்தன்மை அற்றவர்களாக கருதுவார்கள். மேலும், வேறு தொழிலுக்கு மாறுவதற்கு முன், வேலை வாய்ப்புகளை மதிப்பிடுவது முக்கியம்.
குடும்பத்தை நினைத்து பாருங்க:
உங்கள் வேலையை விட்டு விலகுவதற்கான உங்கள் முடிவு உங்கள் குடும்பம் மற்றும் பிற கடமைகளை எவ்வாறு பாதிக்கும் என்பதைப் பற்றி சிந்தியுங்கள். உங்கள் இன்சூரன்ஸ் பிரீமியங்கள், கார் கடன்கள் மற்றும் பிற நிலுவையில் உள்ள பில்கள் ஆகியவற்றைத் தெரிந்துகொள்ளுங்கள். வேலையை விட்டு விலகும் முடிவு குடும்பத்தின் அடிப்படைத் தேவைகளைப் பாதிக்கக் கூடாது.
எதிர்காலத்தை பற்றி சிந்தியுங்கள்:
உங்கள் வேலையை விட்டுவிடுவதற்கான அவசர முடிவை எடுப்பதற்கு முன், ஒரு காப்புப் பிரதி திட்டத்தை வைத்திருங்கள். புதிய வாய்ப்புகளைத் தேடும் முன் வேலை தேடுதல் பற்றிய மனத் திட்டம் அவசியம். உங்கள் திறமைகள் மற்றும் திறன்களை அடையாளம் காணவும்.
மன உறுதி வேண்டும்:
உங்கள் வேலையை விட்டுவிடுவதற்கான உங்கள் முடிவு உங்கள் மன அமைதியை அழிக்கக்கூடாது. வேலை மாற்றத்திற்கு பொறுமையும் உறுதியும் தேவை என்பதை புரிந்து கொள்ளுங்கள். வேலை தேடுவது கவலை மற்றும் நிச்சயமற்ற தன்மையை ஏற்படுத்துகிறது. இதற்கு நீங்கள் தயாராக இருக்க வேண்டும்.
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
