எப்போதும் இளமையுடன் ஜொலிக்க….இந்த 3 வைட்டமின்கள் மட்டும் போதும்!

$

இளமையாக இருக்க வேண்டும் என்பதை விரும்பாதவர்களே கிடையாது. இதில் ஆண், பெண் என பாலின பாகுபாடினின்றி அனைவருமே என்றும் 16 போல் ஜொலிக்க வேண்டும் என ஆசைப்படுகின்றனர். இதற்காக சரும பராமரிப்பு சாதனங்கள் தொடங்கி காஸ்ட்லியான பிளாஸ்டிக் சர்ஜரி வரை செய்து கொள்வர்கள் உண்டு.

ஆனால் உணவில் சில வைட்டமின்களை சேர்த்துக்கொள்வதன் மூலம் சருமத்தை என்றும் இளமையாக வைத்துக்கொள்ள முடியும் என உங்களுக்குத் தெரியுமா?… அப்படிப்பட்ட சில வைட்டமின்களைப் பற்றி இந்த கட்டுரையில் விரிவாக பார்க்கலாம்…

வைட்டமின் டி:

வைட்டமின் டி உடலுக்கு மட்டுமல்ல, சருமத்திற்கும் முக்கியமானது. நல்ல சரும நிறம் பெற வைட்டமின் டி உதவுகிறது. மேலும் இது வறண்ட சருமம் மற்றும் உடல் நல பிரச்சனைகளையும் சரி செய்யக்கூடியது. போதிய சூரிய ஒளி கிடைக்காதது, வளர்சிதை மாற்ற பிரச்சனைகள் மற்றும் இன்சுலின் வளர்சிதை மாற்றம் ஆகியவை வைட்டமின் டி குறைபாட்டிற்கு பங்களிக்கின்றன.

இதையும் படிங்க: Weight Loss: உடற்பயிற்சியே செய்யாமல் உடல் எடையை குறைப்பது எப்படி? - இந்த டிப்ஸை பாலோப் பண்ணுங்க!

சூரிய ஒளியில் இருந்தும் வைட்டமின் டி கிடைக்கிறது. காளான்கள், பால், இறைச்சி, மீன், முட்டை, ஆலிவ் எண்ணெய், சோயாபீன்ஸ், தயிர் மற்றும் காளான்கள் அனைத்தும் வைட்டமின்களின் நல்ல ஆதாரங்கள். இது சருமத்தின் இளமை மற்றும் அழகுக்கும் வழிவகுக்கும்.

B12 குறைவாக இருந்தால்

வைட்டமின் பி12 குறைபாடு உடலில் பல பிரச்சனைகளை ஏற்படுத்தும். இது எலும்பின் வலிமை, ரத்த சிவப்பணுக்களின் உற்பத்தி, தசை மற்றும் தோல் ஆரோக்கியத்திற்கு தேவையான மிகவும் முக்கியமான வைட்டமின் ஆகும். மேலும் இந்த வைட்டமின் நோய் எதிர்ப்பு சக்திக்கும், நரம்புகளின் செயல்பாட்டிற்கும் முக்கியமானதாக உள்ளது.

இதையும் படிங்க: முகப்பருக்களை நீக்க நெய்யை இப்படி பயன்படுத்துங்க - ஆயுர்வேத டிப்ஸ்!

வைட்டமின் பி12 உணவுகள்:

வயிறு மற்றும் சிறுகுடல் மூலமாக இந்த வைட்டமின் உறிஞ்சிப்படுகிறது. ஆனால் சில காரணங்களுக்காக இந்த வைட்டமின் உடலால் உறிஞ்சப்படுவது தடைபடுகிறது. உதாரணமாக, பல்வேறு மருந்துகளை எடுத்துக் கொள்ளும்போது அதன் உறிஞ்சுதல் நடைபெறாது. ஒவ்வாமை பிரச்சனைகள் குடலை பாதிக்கும் சில நோய்களாலும் வைட்டமின் பி12 உறிஞ்சப்படுவதை குறைக்கலாம்.
ஆனால் பல்வேறு காரணங்களால் அதன் சரியான உறிஞ்சுதல் நடைபெறுவதில்லை.

சில ஆட்டோ இம்யூன் நோய்களும் இதற்கு காரணமாகின்றன. பொதுவாகப் பயன்படுத்தப்படும் சில அஜீரண மருந்துகள் தாங்களாகவே எடுத்துக் கொள்ளும்போது வைட்டமின் பி12 குறைபாட்டை ஏற்படுத்தும். சில சர்க்கரை நோய் மாத்திரைகளும் இதற்கு காரணமாகின்றன. மீன், முட்டை, இறைச்சி, பால் மற்றும் சீஸ் அனைத்திலும் வைட்டமின் பி12 நிறைந்துள்ளது.

வைட்டமின் ஏ

நம் உடலில் உள்ள சில வைட்டமின்கள் குறைபாட்டால் வயது முதிர்ந்த தோற்றம் ஏற்படுகிறது. வைட்டமின் ஏ இதில் ஒன்று. இன்று உலகில் 40 சதவிகிதம் பேர் வைட்டமின் ஏ குறைபாட்டுடன் உள்ளனர். இந்த குறைபாடு சருமத்திற்கு மட்டுமல்ல, பார்வைக்கும் முக்கியமானது. புதிய தோல் செல்கள் உற்பத்திக்கு வைட்டமின் ஏ முக்கியமானது. அது குறையும் போது, ​​சருமம் புத்துணர்ச்சியாக இருக்காது.

பீட்டா கரோட்டின் நிறைந்த உணவுகளை சாப்பிடுவதன் மூலம் வைட்டமின் ஏ பெறலாம். பீட்டா கரோட்டின் உடலில் வைட்டமின் ஏ ஆக மாற்றப்படுகிறது. கேரட், இலை கீரைகள், இனிப்பு உருளைக்கிழங்குகள், முழு தானியங்கள் மற்றும் தக்காளிகளில் வைட்டமின் ஏ நிறைந்துள்ளது.

Image Source: Freepik