சுகர் லெவலைக் கன்ட்ரோலில் வைக்கும் டாப் 5 மூலிகைகள்.. எப்படி பயன்படுத்துவது? நிபுணர் தரும் விளக்கம்

இன்றைய நவீன காலத்தில் மோசமான வாழ்க்கை முறை, உணவு முறை மற்றும் உடல் செயல்பாடுகள் இல்லாதது போன்றவை பல பிரச்சனைகளுக்கு வழிவகுக்கிறது. இதில் உடல் எடை அதிகரிப்பு, நீரிழிவு நோய், இதய நோய் மற்றும் இன்னும் சில உடல்நலப் பிரச்சனைகளை ஏற்படுத்தலாம். குறிப்பாக, இன்று பலரும் சந்திக்கக்கூடிய பொதுவான பிரச்சனைகளில் ஒன்றாக உடலில் இரத்த சர்க்கரை அதிகரிப்பு அடங்குகிறது. இர்த்த சர்க்கரையைக் கட்டுக்குள் வைத்திருக்க அன்றாட உணவில் சில மூலிகைகளைச் சேர்ப்பது அவசியமாகக் கருதப்படுகிறது.

இதில் எந்தெந்த மூலிகைகள் இரத்த சர்க்கரையைக் குறைக்க உதவுகிறது மற்றும் அது எவ்வாறு உதவுகிறது மற்றும் அதன் நன்மைகள் குறித்து ஊட்டச்சத்து நிபுணர் லோவ்னீத் பத்ரா அவர்கள் தனது இன்ஸ்டாகிராம் பக்கத்தில் குறிப்பிட்டுள்ளார். அதைப் பற்றி இங்குக் காண்போம்.

சர்க்கரை அளவைக் குறைக்க உதவும் மூலிகைகள்

உடலில் இரத்த சர்க்கரை அளவைக் குறைப்பதற்கு ஊட்டச்சத்து நிபுணர் பகிர்ந்துள்ள மூலிகைகள் சிலவற்றைக் காணலாம். அது குறித்து அவர் கூறியதாவது,”இந்த பண்டிகை காலத்தில் கொஞ்சம் அதிகமாக சர்க்கரை சாப்பிட்டீர்களா?. கவலைப்பட வேண்டாம் - சில சக்திவாய்ந்த இந்திய மூலிகைகள் மூலம் உங்கள் இரத்த சர்க்கரையை சமநிலைப்படுத்தி, இயற்கையாகவே பசியைக் குறைக்கலாம்” என குறிப்பிடுகிறார்.

மேலும் அவர், சர்க்கரை உட்கொள்ளல் அதிகரிக்கும் போது, உடல் குளுக்கோஸ் அதிகரிப்பு, இன்சுலின் குறைவு மற்றும் சோர்வு மற்றும் மனநிலை மாற்றங்களுக்கு வழிவகுக்கும் பசியை அனுபவிக்கிறது. இந்த 5 மூலிகைகள் இயற்கையாகவே சமநிலையை மீட்டெடுக்க உதவுகின்றன” என்றும் பகிர்ந்துள்ளார்.

இந்த பதிவும் உதவலாம்: நீரிழிவு நோயாளிகள் எடை குறைக்கும் போது செய்யக்கூடாத பெரிய தவறுகள்.. நிபுணர் எச்சரிக்கை.!

இலவங்கப்பட்டை (டால்சினி)

இலவங்கப்பட்டையில் இன்சுலின் செயல்பாட்டைப் பிரதிபலிக்கும் பாலிபினால்கள் நிறைந்துள்ளன. இவை இன்சுலின் உணர்திறனை மேம்படுத்த உதவுகின்றன. எனவே இவற்றை எடுத்துக் கொள்வது, உணவுக்குப் பிறகு ஏற்படக்கூடிய குளுக்கோஸ் அதிகரிப்பைக் குறைக்கிறது. இந்நிலையில், இரத்த சர்க்கரை அளவைக் குறைக்க இலவங்கப்பட்டையைச் சேர்க்கலாம்.