How to reduce melanin in skin naturally: சரும ஆரோக்கியத்தைப் பாதுகாக்க பலரும் பல்வேறு முயற்சிகளைக் கையாள்கின்றனர். இந்த பராமரிப்பு முறைகளிலிருந்து அனைவரும் எதிர்பார்க்கும் மிக முக்கியமான முடிவுகளில் ஒன்று அழகாகவும், பளபளப்பாகவும் இருக்க வைப்பது ஆகும். எவரும் வயதாகத் தோன்ர விரும்புவதில்லை. ஆனால், வயதாகிவிடுவதை யாராலும் கட்டுப்படுத்த முடியாது. எனினும் வயதாகும் முன்னதாகவே பல்வேறு காரணங்களால் சருமம் வயதான தோற்றத்தைப் பெற ஏதுவாக அமைகிறது. அதாவது சில உடல் பாகங்களில் நிறமாற்றம் அல்லது கருமையான புள்ளிகள் போன்றவை ஏற்படலாம்.
இதற்கு சுற்றுச்சூழல் காரணிகள் காரணமாக இருந்தாலும் இதற்கு மூல காரணம் மெலனின் ஆகும். சரும பராமரிப்பு இலக்குகளை அடைவது என்பது குறைபாடற்ற, கறை இல்லாத சருமத்தைப் பெறுவதற்கான தீர்வாகும். இந்த கறையற்ற சருமத்தைப் பெற சில தீர்வுகள் அல்லது சிகிச்சைகளை முயற்சி செய்கின்றனர். இதில் சருமம் பெரும்பாலும் கரும்புள்ளிகள், கண்களுக்குக் கீழே உள்ள புள்ளிகள் போன்ற பிரச்சனைகளால் பாதிக்கப்படுகிறது. எனினும், அதிகப்படியான மெலனின் நிறமி என்பது சரும பராமரிப்பு இலக்கு மற்றும் சிகிச்சைக்கு இடையில் இருக்கும் தடையாகும்.
இந்த பதிவும் உதவலாம்: Skin Tanning: சிலர் திடீரென கருப்பாக காரணம் என்ன தெரியுமா? நிபுணர்கள் கூறுவது இங்கே!
மெலனின் என்றால் என்ன?
மெலனின் என்பது சருமத்தில் காணப்படும் நிறமியைக் குறிக்கிறது. இது சருமம், முடி மற்றும் கண் நிறத்திற்கு இயற்கையான நிறத்தை வழங்கக் கூடியதாகும். சருமத்தில் உள்ள மெலனின் அளவானது இனம் மற்றும் பிற தொடர்புடைய காரணிகளைப் பொறுத்து மாறுபடுகிறது. இதற்கு ஊட்டச்சத்து அளவுகள், மரபியல், மாசுபாடு, புற ஊதா கதிர்களுக்கு நீண்டகால வெளிப்பாடு, தூக்க சுழற்சிகள் போன்றவை காரணமாக இருக்கலாம்.
மேலும் சருமத்தின் மிகக் குறைந்த மேல்தோல் அடுக்கில் உற்பத்தி செய்யக்கூடிய சிறப்பு செல்கள் மெலனோசைட்டுகள் என்று அழைக்கப்படுகிறது. இந்த செல்களானது மெலனோசோம்கள் எனப்படக்கூடிய சிறிய துகள்கள் அல்லது தொகுப்புகளை உருவாக்குகிறது. ஆனால் இந்த மெலனின் அளவு அதிகமாக இருப்பதால் சருமத்தின் நிறம் கருமையாக இருக்கும்.
சருமத்தில் மெலனின் அளவை குறைப்பது எப்படி?
உடலில் மெலனின் உற்பத்தி அதிகமாக பல்வேறு காரணங்கள் இருக்கலாம். ஆனால், உடலில் காணப்படும் இந்த படிவுகள் உணவு உட்கொள்ளல் மற்றும் இயற்கை வைத்தியங்களை மாற்றுவதால் சருமத்தைக் கருமையாக்குகிறது.
யோகா மற்றும் உடற்பயிற்சி
தியானம் மற்றும் உடற்பயிற்சிகள் போன்றவை சருமத்தை பிரகாசமாக்க மிகவும் பயனுள்ளதாக இருக்கும். மேலும் இந்த பயிற்சி உடலில் இரத்த ஓட்டத்தில் ஆக்ஸிஜன் விநியோகத்தை மேம்படுத்துகிறது. இது சீரான இரத்த ஓட்டத்தை மேம்படுத்தி, சருமத்தை நச்சு நீக்குவதன் மூலம் சருமத்தில் உள்ள அசுத்தங்களை நீக்க உதவுகிறது. இது தவிர பிராணயாமா, சூரிய நமஸ்காரம் மற்றும் ஷவாசனம் போன்ற யோகாசனங்களை மேற்கொள்ளலாம்.
போதுமான நீரேற்றம்
உடல் ஆரோக்கியத்தை மேம்படுத்துவது மட்டுமல்லாமல் சரும ஆரோக்கியத்திற்கும் போதுமான அளவு தண்ணீர் தேவைப்படுகிறது. இது உறுப்புகளுக்கு ஆக்ஸிஜனேற்றப்பட்ட இரத்தத்தை வழங்குவதை உறுதி செய்யவும், சரும அமைப்பிலிருந்து நச்சுகளை நீக்கவும் உதவுகிறது. பளபளப்பான மற்றும் ஆரோக்கியமான சருமத்திற்கு எப்போதும் சருமத்தை நீரேற்றமாக வைத்திருப்பது அவசியமாகும். இவை ஹார்மோன்களை சமநிலைப்படுத்தி மெலனின் நிறமியைத் தூண்டும் காரணிகளை ஒழுங்குபடுத்துகிறது.
இந்த பதிவும் உதவலாம்: மணப்பெண் போல ஜொலிக்கணுமா? தினமும் காலையில் முகத்தை இந்த தண்ணீரில் க்ளீன் பண்ணுங்க
ஆரோக்கியமான உணவுமுறை
சருமத்திற்கு மேற்பூச்சு பயன்படுத்துவதைக் காட்டிலும் சருமத்தை உள்ளிருந்து பாதுகாப்பாக வைப்பதும் அவசியமாகும். அதன் படி, மெலனின் காரணமாக ஏற்படும் நிறமியைக் குறைக்க விரும்புபவர்கள் சத்தான மற்றும் ஆரோக்கியமான உணவை எடுத்துக் கொள்ள வேண்டும். அதன் படி, அன்றாட உணவில் பல்வேறு வகையான வைட்டமின்கள் மற்றும் தாதுக்கள் நிறைந்த பால், முட்டை, சீஸ், ஓட்ஸ், இஞ்சி, தர்பூசணி, கேரட், தக்காளி, தயிர், கிவி, பப்பாளி, உலர் பழங்கள் போன்றவற்றைச் சேர்த்துக் கொள்வதன் மூலம் விரைவான முடிவுகளைப் பெறலாம்.
வீட்டு வைத்தியம்
சருமத்தில் மெலனின் அளவைக் குறைக்க சில சமையலறை பொருட்களை முயற்சிக்கலாம்.
எலுமிச்சை தேன் ஃபேஸ் மாஸ்க் - ஒரு தேக்கரண்டி எலுமிச்சை சாறுடன் ஒரு தேக்கரண்டி தேன் சேர்த்து, சருமத்தின் பதனிடப்பட்ட பகுதிகளில் தடவ வேண்டும். இதை 15-20 நிமிடங்கள் வைத்து பிறகு கழுவலாம்.
தயிர், மஞ்சள், ரோஸ் வாட்டர் ஃபேஸ் மாஸ்க் - இந்த பொருள்கள் அனைத்தையும் ஒரு கிண்ணத்தில் கலந்து பேஸ்ட் செய்யலாம். இதை பாதிக்கப்பட்ட பகுதிகளில் தடவி வறண்டு போகும் வரை வைத்து, பின்னர் வெதுவெதுப்பான நீரில் கழுவ வேண்டும்.
தக்காளி, ரோஸ் வாட்டர் ஃபேஸ் மாஸ்க் - ஒரு தக்காளியை சில துளிகள் ரோஸ் வாட்டருடன் கலந்து ஒரு தடிமனான பேஸ்ட்டை தயார் செய்யலாம். இதை சருமத்தில் தடவி மசாஜ் செய்து 20 நிமிடங்கள் வைக்க வேண்டும். பிறகு தண்ணீரில் கழுவி விடலாம்.
இந்த தகவல் உங்களுக்கு பிடித்திருக்கும் என நம்புகிறோம். இந்த கட்டுரையை உங்கள் நண்பர்களுக்கும், உறவினர்களுக்கும் பகிருங்கள். ஆரோக்கியம் தொடர்பான இதுபோன்ற பல சுவாரஸ்ய தகவல்களுக்கு தொடர்ந்து ஒன்லி மை ஹெல்த் உடன் இணைந்திருங்கள், மேலும் OnlyMyHealth பேஸ்புக் மற்றும் இன்ஸ்டா பக்கத்தை பின்தொடர இந்த இணைப்பை கிளிக் செய்யுங்கள்- Onlymyhealth Tamil Facebook, Onlymyhealth Tamil Instagram
இந்த பதிவும் உதவலாம்: Blue tea benefits for skin: சருமம் சும்மா தங்கம் போல மின்னணுமா? சங்கு பூ டீ தரும் அதிசய நன்மைகள் இதோ
Image Source: Freepik