சென்னை: தமிழ் திரைப்பட உலகிற்கு அளப்பரிய பங்களிப்புகளைச் செய்த முன்னணி தயாரிப்பாளர் ஏ.வி.எம். சரவணன் இன்று (டிசம்பர் 3, 2025) அதிகாலை 5.30 மணியளவில் காலமானார். அவருக்கு வயது 86. வயது மூப்பால் ஏற்பட்ட உடல்நலக் குறைவு காரணமாக கடந்த சில நாட்களாகச் சென்னையில் சிகிச்சை பெற்று வந்த அவர், சிகிச்சை பலனின்றி உயிர் பிரிந்ததாக, அவரது குடும்பத்தினர் தெரிவித்தனர்.
அவரது உடல் தற்போது சென்னை ஏ.வி.எம். ஸ்டூடியோ 3வது தளத்தில் பொதுமக்கள் மற்றும் பிரபலங்களின் அஞ்சலிக்காக வைக்கப்பட்டுள்ளது. அவரது மறைவு செய்தி வெளியாகியதும் திரையுலக பிரபலங்களும், அரசியல் தலைவர்களும் ஆழ்ந்த இரங்கலைத் தெரிவித்துள்ளனர்.
பின்புலம்..
AVM சரவணன், தரமான திரைப்படங்களை உருவாக்குவது மட்டுமல்லாது, AVM புரொடக்ஷன்ஸ் என்ற பாரம்பரிய நிறுவனத்தின் அடையாளத்தையும் பொறுப்புடன் காத்தவர். அவரது தந்தையார் மற்றும் AVM நிறுவனத்தின் நிறுவனர் ஆவிச்சி மெய்யப்ப செட்டியார் மறைந்த பிறகு, நிறுவனத்தை அடுத்த தலைமுறைக்கு தாங்கி சென்றவர்கள் சரவணன் மற்றும் அவரது சகோதரர்கள்.
அவரது தயாரிப்பில் உருவான மறக்க முடியாத சூப்பர் ஹிட் படங்கள்!
ஏ.வி.எம். சரவணனின் தலைமையில் உருவான படங்கள் பலவும் வணிக ரீதியில் மட்டுமல்ல, மக்கள் மனதில் நிலைத்த படைப்புகளாகவும் மாறின. சில புகழ்பெற்ற படங்கள் இங்கே..
- நானும் ஒரு பெண்
- சம்சாரம் அது மின்சாரம் (தேசிய விருது பெற்ற படம்)
- மின்சார கனவு
- சிவாஜி (ரஜினிகாந்தின் மாபெரும் வெற்றி படம்)
- வேட்டைக்காரன் (2009)
- அயன் (2009)
அவரது வழிகாட்டுதலில், ஏ.வி.எம். நிறுவனம் சுமார் 178-க்கும் மேற்பட்ட படங்களை தயாரித்துள்ளது என்பது குறிப்பிடத்தக்கது.
எளிமையின் உருவகமான தயாரிப்பாளர்..
திரையுலகில் மிகவும் மரியாதை பெறும் நபராக மதிக்கப்பட்ட சரவணன்:
- எளிமையான வாழ்க்கை நடை
- அன்பு கலந்த பேச்சு
- தொழிலாளர்களிடம் கொண்ட அக்கறை
- யாரையும் எழுந்து நின்று வரவேற்கும் பழக்கம்
இந்த தன்மைகள் காரணமாகவே அவர் அனைவரின் மனதிலும் ஒரு பெரிய இடத்தைப் பிடித்திருந்தார்.
வகித்த முக்கிய பொறுப்புகள் & பெற்ற விருதுகள்..
- இந்தியத் திரைப்படக் கூட்டமைப்பின் தலைவர்
- சர்வதேச தயாரிப்பாளர் சங்கத்தின் துணைத்தலைவர்
- மெட்ராஸ் செரிப்
- தமிழக அரசின் கலைமாமணி விருது
- புதுச்சேரி அரசின் பண்பின் சிகரம் விருது
தமிழ் திரையுலகுக்கு தாங்க முடியாத இழப்பு..
அவரது மறைவு தமிழ் திரைப்பட வரலாற்றில் ஒரு முக்கிய அத்தியாயத்தை மூடுகிறது. கதை, தொழில்நுட்பம், தரம் மற்றும் நேர்த்தியை இணைத்து திரைப்படங்களை உருவாக்கிய தயாரிப்பாளராக அவர் எப்போதும் நினைவில் நிற்பார்.
AVM சரவணனின் மறைவு தமிழ் சினிமாவுக்கு மட்டுமல்ல, இந்தியத் திரைப்படத் துறையுக்கே பெரும் இழப்பு. அவருடைய படைப்புகள், அவரின் எளிமை, அவரின் திரைப்பட நம்பிக்கை அனைத்தும் வருங்கால தலைமுறைக்குப் பேராதாரமாக இருக்கும்.
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
-
Current Version
Dec 04, 2025 11:01 IST
Published By : Ishvarya Gurumurthy
