$
Sesame Oil For Baby: பொதுவாக எள் எண்ணெய் உடலுக்கு பல்வேறு ஆரோக்கிய நன்மைகளைத் தருகிறது. இதில் வைட்டமின் ஏ, டி, வைட்டமின் பி காம்ப்ளக்ஸ், பாஸ்பரஸ் போன்ற பல்வறு வைட்டமின்கள், தாதுக்கள் போன்றவை நிறைந்துள்ளன. மேலும், கால்சியம் மற்றும் புரதம் போன்றவை உள்ளது. இது உடலால் எளிதில் உறிஞ்சப்படுகிறது.
இந்த எள் எண்ணெயில் அதிக லூப்ரிசிட்டி உள்ளது. இது உணர்திறன் வாய்ந்த சருமத்திற்கு நன்மையைத் தருகிறது. எனவே, குழந்தைகள், பெரியோர்கள் போன்றோர் இந்த எண்ணெயைப் பயன்படுத்தலாம். எள் எண்ணெய் குழந்தைகளின் ஆரோக்கியத்திற்கு பல்வேறு நன்மைகளைத் தருகிறது. எள் எண்ணெய் குழந்தைகளுக்கு எவ்வாறு பயனுள்ளதாக இருக்கும் என்பதைக் காண்போம்.
இந்த பதிவும் உதவலாம்: Premature Baby Immunity: குறைமாத குழந்தைக்கு நோய் எதிர்ப்பு சக்தி அதிகரிக்க நீங்கள் செய்ய வேண்டியவை
குழந்தைகளுக்கு எள் எண்ணெய் பயன்படுத்தலாமா?
குழந்தைகளுக்கு மசாஜ் செய்வதற்கு பயன்படுத்தும் எண்ணெய்களில் எள் எண்ணெயைப் பயன்படுத்தலாம். உணவாகக் கொடுப்பதில், குழந்தைக்கு 6 மாதங்களுக்குப் பின் அதாவது திட உணவை சாப்பிடத் தொடங்கும் போது இந்த எள் எண்ணெயை உணவில் சேர்க்கலாம்.
இது அவர்களின் செரிமானம் உள்ளிட்ட பல பிரச்சனைகளைத் தீர்க்க உதவுகிறது. இதனைப் பயன்படுத்துவது, மிகக் குறைவான பக்க விளைவுகளையே ஏற்படுத்தும். ஆனால், குழந்தைக்கு எள் எண்ணெயைப் பயன்படுத்தும் முன், மருத்துவரை அணுகி ஆலோசனை பெற்ற பிறகு பயன்படுத்துவது நல்லது.
குழந்தைகளுக்கு எள் எண்ணெய் பயன்படுத்துவதன் நன்மைகள் (benefits of sesame oil for baby)
எள் எண்ணெயைக் குழந்தைகளுக்குப் பயன்படுத்துவது பல்வேறு பிரச்சனைகளைத் தீர்க்க உதவுகின்றன.
இரத்தம் உறைதல் பிரச்சனைக்கு
குழந்தைக்கு எள் எண்ணெயைக் கொடுப்பதன் மூலம், அவர்களின் இரத்த உறைதல் பிரச்சனையைத் தீர்க்கலாம். எள் எண்ணெய் இரத்தத்தை மெலிக்கும் தன்மை கொண்டதால், இரத்தம் உறைதல் பிரச்சனையை நீக்கலாம்.
இந்த பதிவும் உதவலாம்: Newborn Hair Growth: பிறந்த குழந்தைக்கு முடி அதிகமாக வளர இத செய்யுங்க
கால்சியம் குறைபாட்டை நீக்க
குழந்தைகளுக்கு உணவில் எள் எண்ணெய் கொடுப்பது, கால்சியம் குறைபாட்டை நீக்க உதவுகிறது. எள் எண்ணெயில் கால்சியம் நிறைந்துள்ளதால் இவை குழந்தைகளின் எலும்புகளை வலுவாக வைத்திருக்க உதவும். இந்த எண்ணெயைக் கொண்டு, குழந்தைகளுக்கு மசாஜ் செய்வது, உடல் வளர்ச்சிக்கு உதவுகிறது.
அலர்ஜி நீங்க
குழந்தைகளுக்கு எள் எண்ணெயைக் கொடுப்பது, அலர்ஜி பிரச்சனையை நீக்க உதவுகிறது. இந்த மாறிவரும் பருவகாலத்தில் சளி, இருமல் போன்ற பிரச்சனைகளால் குழந்தைகள் அவதியுறுகின்றனர். இந்த சூழ்நிலையில் எள் எண்ணெய் தருவது மிகவும் நன்மை தரும்.
தோல் பிரச்சனைகளில் இருந்து விடுபட
கைக்குழந்தைகள் அல்லது பெரிய குழந்தைகளின் முடி மற்றும் சருமத்தில் எள் எண்ணெயைத் தடவலாம். இது முடி மற்றும் தோல் பிரச்சனைகளை நீக்க உதவுகிறது. இதில் உள்ள பாக்டீரியா எதிர்ப்புப் பண்புகள் முடி மற்றும் சருமத்தில் காணப்படும் நோய்த்தொற்றுக்களை அகற்றுகிறது. குழந்தைகளின் தலையில் எள் எண்ணெய் கொண்டு மசாஜ் செய்வது தலைவலியை போக்குகிறது.
இந்த பதிவும் உதவலாம்: Baby Skin Care: குழந்தையின் சரும பராமரிப்புக்கு பின்பற்ற வேண்டிய முக்கிய குறிப்புகள்
குழந்தைகளுக்கு எள் எண்ணெய் பயன்படுத்தும் முறை
குழந்தைகளுக்கு உணவில் எள் எண்ணெயைப் பயன்படுத்தலாம். இதில் உள்ள ஊட்டச்சத்துகள் உடல் நலத்திற்கு ஆரோக்கியத்தைத் தருகிறது.
- இந்த எள் எண்ணெயைக் குழந்தைகளுக்கு மாய்ஸ்சரைசராக பயன்படுத்தலாம்.
- குழந்தைகளுக்கு மசாஜ் செய்யவும் இந்த எள் எண்ணெய் பயன்படுத்தப்படுகிறது.
குழந்தைகளுக்கு எள் எண்ணெய் ஒவ்வாமை இருந்தால் என்ன செய்வது?
குழந்தைகளுக்கு எள் எண்ணெய் தடவுவதன் மூலம் அல்லது எள் எண்ணெயை உணவில் சேர்த்துக் கொடுப்பதன் மூலம் ஏதேனும் ஒவ்வாமை ஏற்பட்டால், உடனடியாக மருத்துவரை அணுகுவது நல்லது. மேலும் எள் எண்ணெயைக் குழந்தைக்குக் கொடுத்த பின், தோல் வெடிப்பு, சுவாசிப்பதில் சிரமம் அல்லது வேறு ஏதேனும் அறிகுறிகள் இருந்தால் மருத்துவரை உடனடியாக அணுக வேண்டும்.
எள் எண்ணெய் குழந்தைகளுக்கு மிகவும் நன்மை தருவதாக அமைகிறது. எனினும், குழந்தைகளுக்கு ஒவ்வாமை இருப்பின் எள் எண்ணெயைக் கொடுக்க வேண்டாம்.
இந்த பதிவும் உதவலாம்: High Birth Weight: அதிக உடல் எடையுடன் குழந்தை பிறப்பதற்கான காரணம் என்ன தெரியுமா?
Image Source: Freepik