$
How to stop Tooth Pain: பல்வலி(Tooth Pain) ஏற்பட பல காரணங்கள் இருக்கலாம். இந்த வலியிலிருந்து மீள்வது மிகவும் கடினம். சாப்பிடும்போதும் குடிக்கும்போதும் பற்கள் மற்றும் ஈறுகளில் கூச்சம் மற்றும் வலி ஏற்படுவதை கற்பனை கூட செய்து பார்க்க முடியாது. அந்த அளவிற்கு கொடுமையாகவும், தாங்க முடியாததாகவும் இருக்கும்.
குறிப்பாக இரவு நேரங்களில் ஏற்படக்கூடிய பல் வலியானது தாங்க முடியாத பிரச்சனைகளை தரக்கூடியது. இது வெறும் பற்களில் மட்டுமின்றி ஈறு மற்றும் தலையிலும் கடுமையான வலியை ஏற்படுத்தி அன்றைய நாளையே மோசமானதாக மாற்றுகிறது.
இதையும் படிங்க: Healthy Teeth: சாப்பிட்ட உடனேயே இத செய்யவேக் கூடாது - பல் மருத்துவர் எச்சரிக்கை!
ஆனால் இந்த மாதிரியான கொடுமையான பல்வலியை (Teethache) நினைத்து நீங்கள் இனி கவலைப்பட வேண்டாம். சில எளிமையானவீட்டு வைத்தியங்கள் மூலம் பல்வலியில் இருந்து உடனடி நிவாரணம் பெறலாம்.
வெந்நீர் இருக்க பயமேன்:
வெதுவெதுப்பான நீரில் உப்பு சேர்த்து வாய் கொப்பளிப்பதன் மூலம் பல்வலியில் இருந்து உடனடி நிவாரணம் கிடைக்கும்.
மருத்துவர்கள் பொதுவாக பல்வலிக்கு முதலுதவியாக இந்த தீர்வை பரிந்துரைக்கின்றனர். இந்த நடைமுறையை ஒரு நாளைக்கு 4-5 முறை செய்தால் பல்வலி குறையும்.
வலி நிவாரணியாக மாறும் லவங்க எண்ணெய்:
கிராம்பு எண்ணெயைப் பயன்படுத்துவது இயற்கையான வலி நிவாரணியாக கருதப்படுகிறது.
பருத்தி பஞ்சில் கிராம்பு எண்ணெய்யை நனைத்து, வலி உள்ள பற்கள் அல்லது ஈறுகள் மீது தடவ வேண்டும். இது சில நிமிடங்களிலேயே நல்ல பலனைக் கொடுக்கும் என பரிந்துரைக்கப்படுகிறது.
பேக்கிங் சோடாவும் பல்வலிக்கு உதவும்:
பேக்கிங் சோடா பல் வலியைப் போக்க உதவும். உங்கள் வழக்கமான பற்பசையுடன் பேக்கிங் சோடாவை கலந்து வலியுள்ள பல்லில் நேரடியாக தடவவும். இதன் மூலம் சில நிமிடங்களில் வலியிலிருந்து விடுபடலாம்.
இத மறந்தும் விழுங்கிடாதீங்க:
சம அளவு ஹைட்ரஜன் பெராக்சைடு மற்றும் தண்ணீரைக் கலந்து வாய் கொப்பளிக்கவும். சிறிது நேரம் கழித்து நீங்கள் பல் வலியிலிருந்து நிவாரணம் பெற்றது போல் உணர்வீர்கள். ஆனால் எக்காரணம் கொண்டு ஹைட்ரஜன் பெராக்சைடு மற்றும் நீர் கலவையை விழுங்கிவிடாதீர்கள்.
இதுக்கு ஐஸ் வச்சா தப்பில்ல:
பல்வலியைப் போக்க ஐஸ் கட்டியைப் பயன்படுத்தலாம். உங்கள் கையில் சில ஐஸ் கட்டிகளை எடுத்து, பல் வலியுள்ள பகுதிக்கு வெளியில் லேசாக அழுத்தி பிடிக்கவும்.
இது உங்கள் மூளையை அடையும் வலி சமிக்ஞைகளை தடுத்து நிறுத்தி, நிவாரணம் தருவதாக நிபுணர்கள் கூறுகின்றனர்.
இந்த ஒரு டீ போதும்:
புதினா டீ உங்கள் பல்வலியிலிருந்து (Toothache) நிவாரணம் அளிக்கிறது. புதினா டீ தயாரிக்க, ஒரு கப் தண்ணீரில் சில புதினா இலைகளை சேர்த்து,அது பாதியளவு வரும் வரை கொதிக்க வைக்க வேண்டும். இந்த தேநீரை மெதுவாக பருகவும். அதனால் கிடைக்கக்கூடிய இளம் சூடு உங்கள் பற்கள் மற்றும் ஈறுகளுக்கு ஆறுதல் அளிக்கும்.
ImageSource:Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
