குளிர்காலத்துல உங்க முடி மந்தமா இருக்கா.! இத ட்ரை பண்ணுங்க!

$

How To Protect Hair From Winter: மற்ற பருவங்களுடன் ஒப்பிடுகையில், குளிர்காலத்தில் நம் தலைமுடி நிறைய பிரச்சனைகளை சந்திக்கிறது. சுற்றுச்சூழலில் ஈரப்பதம் குறைவாக இருப்பதால், முடி வறண்டு போகும். முடிகள் அனைத்தும் மந்தமாக இருக்கும். மயிர்க்கால்கள் மந்தமாகவும், உயிரற்றதாகவும் மாறும். 

ஆனால் சீசன் மாற்றங்களுக்கு ஏற்ப கூந்தல் பராமரிப்பில் சில சிறப்பு முன்னெச்சரிக்கை நடவடிக்கைகளை மேற்கொண்டால் கூந்தல் உதிராமல் பளபளப்பாக இருக்கும். குளிர்காலத்தில் முடி வறண்டு போகாமல் இருக்க என்ன செய்ய வேண்டும்? என்னென்ன முன்னெச்சரிக்கை நடவடிக்கைகளை எடுக்க வேண்டும் என்பதை இப்போது பார்க்கலாம்.

முடி வறட்சியை தவிர்க்க டிப்ஸ் (Tips To Protect Hair)

* குளிர்காலத்தில் பலர் வெந்நீரில் குளிப்பார்கள். இது உச்சந்தலையில் இயற்கை எண்ணெய் உற்பத்தியை குறைக்கிறது. இதைத் தவிர்க்க, மாதத்திற்கு இரண்டு அல்லது மூன்று முறை வெதுவெதுப்பான நீரில் தலை குளிக்க வேண்டும். மீதமுள்ள நேரத்தில் குளிர்ந்த நீரில் தலை குளிப்பதை வழக்கமாகக் கொள்ள வேண்டும். இவ்வாறு செய்வதன் மூலம் கூந்தல் அதன் ஊட்டச்சத்தை இழக்காது.

இதையும் படிங்க: Cold Water Bath: குளிர்காலத்தில் குளிர்ந்த நீரில் குளிக்கலாமா?

* குளிர்காலத்தில் ஷாம்பூவை அதிகமாக பயன்படுத்துவதால் கூந்தலில் உள்ள இயற்கை எண்ணெய்கள் குறைந்துவிடும். இதனால் முடி வறண்டு போகும். எனவே வாரத்திற்கு இரண்டு முதல் மூன்று முறை மட்டுமே ஷாம்பு பயன்படுத்தவும். ஷாம்பு செய்த பிறகு கண்டிஷனரை கண்டிப்பாக பயன்படுத்தவும். கண்டிஷனர் முடியை ஹைட்ரேட் செய்து பளபளப்பாக்குகிறது.

* ஹேர் ட்ரையர் மற்றும் ஹேர் ஸ்ட்ரெயிட்னிங் போன்ற இயந்திரங்களை அதிகமாகப் பயன்படுத்தினால் முடி வறண்டு போகலாம். ஆகையால் இதனை பயன்படுத்த வேண்டாம். 

* அரிசி மாவு, பால் மற்றும் தேன் ஆகியவை முடியை மென்மையாகவும், பளபளப்பாகவும் மாற்ற உதவுகிறது. இதற்கு இந்த மூன்றையும் எடுத்து கலவையை உருவாக்கவும். இந்த கலவையை உச்சந்தலையில் தடவி 20 நிமிடங்கள் வைத்திருந்து பின் கழுவவும். இப்படி செய்தால் பளபளப்பான முடி கிடைக்கும்.

* அவகேடோ, வாழைப்பழம், தயிர், முட்டை ஆகியவற்றைக் கொண்டு வீட்டில் தயாரிக்கப்பட்ட ஹேர் மாஸ்க்கைப் பயன்படுத்துவது, உங்கள் தலைமுடியை ஆரோக்கியமாக வைத்திருக்கும். சந்தையில் கிடைக்கும் ஹேர் மாஸ்க்குகளைப் பயன்படுத்துவதன் மூலமும் முடி வறட்சியைத் தடுக்கலாம்.

* மயிர்க்கால்களுக்கு போதுமான ஊட்டச்சத்தைப் பெற, உச்சந்தலையில் தொடர்ந்து எண்ணெய் கொண்டு மசாஜ் செய்ய வேண்டும். தேங்காய் எண்ணெய், ஆர்கான் எண்ணெய், ஆலிவ் எண்ணெய் ஆகியவற்றைப் பயன்படுத்துவது நல்ல பலனைத் தரும்.

* இந்த குளிர்காலத்தில் வீசும் குளிர்ந்த காற்று கூந்தலை விரைவாக உலர வைக்கிறது. மேலும் பொடுகு பிரச்சனையும் அதிகரிக்கிறது. இந்த சிக்கலை தீர்க்க ஒரு வழி உள்ளது. அதாவது வெளியே செல்லும் போது தொப்பி அணிந்து செல்ல வேண்டும். ஈரமான முடியுடன் வெளியே செல்லவேண்டாம்.

* குளிர்காலத்தில் கூந்தல் ஆரோக்கியமாக இருக்க நல்ல உணவை உட்கொள்ள வேண்டும். ஃபோலிக் அமிலம், வைட்டமின் பி12, வைட்டமின் டி நிறைந்த உணவுகளை உண்ணுங்கள். நட்ஸ், பெர்ரி, முட்டை, மிளகு போன்றவை கூந்தலுக்கு நல்லது.

* குளித்த பின் முடியை உலர்த்தி துடைக்க பருத்தி துண்டுகளுக்கு பதிலாக மைக்ரோஃபைபர் டவலை பயன்படுத்த வேண்டும். இவை முடியை மென்மையாக்குகிறது.

Image Source: Freepik