$
Ways To Manage Bedwetting In Child: இன்று குழந்தைகள் பலரும் இரவு நேரங்களில் தூங்கும் போது படுக்கையிலேயே சிறுநீர் கழிப்பதை வழக்கமாக்கிக் கொண்டுள்ளனர். இதற்கு பல காரணங்கள் இருக்கலாம். பொதுவாக அனைத்து குழந்தைகளுக்கும் 7 வயதிற்கு முன்னதாகவே சிறுநீர் பை வளர்ச்சி அடைந்து விடும். ஆனால், சில குழந்தைகளுக்கு சிறுநீர்ப்பை சற்று தாமதமாகவே வளர்ச்சி அடையும். இவ்வாறு சரியான சிறுநீர்பை வளர்ச்சி இல்லாததன் காரணமாக இரவில் சிறுநீர் கழிக்க வேண்டும் என்ற தூண்டுதல் மூளைக்கு சரிவர செல்லாது. இதனால், படுக்கையிலேயே குழந்தைகள் சிறுநீர் கழிக்கின்றனர். இது குழந்தைக்கு உடல் மற்றும் மன ரீதியாக ஏற்படும் பிரச்சனைகளின் காரணமாகலாம்.
சிறிய அளவிலான சிறுநீர்ப்பை தவிர, தூங்கும் போது மூச்சு விடுவதில் ஏற்படும் அசாதாரணமான இடைவேளைகள், சிறுநீர்ப் பாதை தொற்று, பயம், பதட்டம் மற்றும் மலச்சிக்கல் போன்ற பிரச்சனைகளின் காரணமாக குழந்தைகள் இரவு நேரத்தில் படுக்கையில் சிறுநீர் கழிக்கலாம். இது கவலைக்குரிய விஷயமாக இருப்பினும், குழந்தை வளர்ந்த பிறகு இந்த பழக்கம் முற்றிலுமாக நிறுத்தப்படும். இதில் குழந்தைகள் படுக்கையில் சிறுநீர் கழிப்பதை நிர்வகிப்பது குறித்து பெங்களூரு, ஒயிட் ஃபீல்டு, ஆஸ்டர் பெண்கள் மற்றும் குழந்தைகள் மருத்துவமனை குழந்தை மருத்துவ அறுவை சிகிச்சை தலைமை மற்றும் மூத்த ஆலோசகர் டாக்டர் மஞ்சிரி சோமசேகர் அவர்கள் சில தகவல்களைப் பகிர்ந்துள்ளார்.
இந்த பதிவும் உதவலாம்: Pneumonia In Children: குழந்தையின் உணவில் சேர்க்க வேண்டியது இது தான்.!
படுக்கையில் சிறுநீர் கழித்தல்
பல குழந்தைகள் படுக்கையில் சிறுநீர் கழிக்கும் பிரச்சனையை தனிமையில் வைத்து ரகசியமாக வைத்துக் கொள்கின்றனர். ஆனால், இந்த படுக்கையை நனைப்பது குறித்த தொடர்ச்சியான கவலை குழந்தையின் தூக்க முறைகளை சீர்குலைப்பதுடன், பகலில் சோர்வாகவும் எரிச்சலுடனும் உணர வைக்கிறது. இந்த தரமான தூக்கமின்மை பிரச்சனையால் படிப்பு, கல்வி செயல்திறன் மற்றும் மனநிலை போன்றவற்றில் கவனம் செலுத்துவதை பாதிக்கலாம்.
குழந்தைகள் படுக்கையில் சிறுநீர் கழிப்பதற்கான காரணம்
படுக்கையில் சிறுநீர் கழிப்பது பொதுவாக இரவு நேர என்யூரிசிஸ் என்றழைக்கப்படுகிறது. இது குழந்தைகள், பெரியவர்கள் என இருவருக்கும் கவலையைத் தரும் ஒன்றாகும். இது ஏன் தொடர்ந்து நடக்கிறது, என்ன தாக்கத்தினால் நிகழ்கிறது, எப்படி நடக்கிறது போன்றவற்றை சாதாரணமான பயிற்சியின் போது ஏற்படும் விபத்துகளிலிருந்து வேறுபடுத்துவது முக்கியமாகும்.
குழந்தைகள் தொடர்ந்து மூன்று மாதங்களுக்கு வாரத்திற்கு இரு முறை படுக்கையை நனைத்தால் அது கவலைக்குரியதாக இருக்கலாம். குறிப்பாக, குழந்தைகளின் சிறுநீர்ப்பைக் கட்டுப்பாடு முழுமையாக வளர்ச்சியடையாதபோதே, இந்த நிகழ்வு ஏற்படுகிறது. இதுவே தூக்கத்தின் போது தன்னிச்சையாக சிறுநீர் கழிக்க வழிவகுக்கிறது.
படுக்கையில் சிறுநீர் கழிப்பதன் வகைகள்
குழந்தைகள் படுக்கையில் சிறுநீர் கழிப்பது இரண்டு முக்கிய வகைகளாகப் பிரிக்கப்படுகிறது.
முதன்மை என்யூரிசிஸ்
சிறுநீர்ப்பைக் கட்டுப்பாடு பொதுவாக ஏற்படும் வயதுக்குப் பிறகும் குழந்தைகள் தங்கள் படுக்கையை நனைப்பது முதன்மை என்யூரிசிஸ் எனப்படுகிறது. இது ஒரு கோளாறாக மாறலாம். மேலும், இது ஒரு வாரத்திற்கு சராசரியாக குறைந்தது இரண்டு இரவுகளில் நீண்ட கால வறட்சி இல்லாமல் தூங்க முடியாமல் போகும்.
இந்த பதிவும் உதவலாம்: Masoor Dal For Children: குழந்தைகளுக்கு மசூர் பருப்பை கொடுக்கலாமா?
இரண்டாம் நிலை என்யூரிசிஸ்
ஆறு மாதங்கள் அல்லது அதற்கு மேல் நீண்ட கால வறட்சியைக் கடந்து இரவு நேரத்தில் படுக்கையை நனைப்பது இரண்டாம் நிலை என்யூரிசிஸ் எனப்படுகிறது. இது மன அழுத்தம் மற்றும் சிறுநீர்ப்பை தொற்று போன்ற மருத்துவ நிலை காரணமாக ஏற்படலாம். சில குழந்தைகள் இரண்டாம் நிலை படுக்கையில் சிறுநீர் கழிப்பதால், அவர்கள் 3-4 ஆண்டுகள் வரை நன்றாக இருப்பர். பிறகு திடீரென்று மீண்டும் படுக்கையில் சிறுநீர் கழிப்பதுஉளவியல் ரீதியான அல்லது நோயியல் காரணமாக இருக்கலாம்.
இந்த இரண்டு வகையான படுக்கையில் சிறுநீர் கழிப்பதன் மூலம் அதை நிர்வகிக்கவும், ஆதரிக்கவும் சிறந்த வழிகளைக் கையாள்வது அவசியமாகும். குழந்தைகள் இரவும் பகலும் 3-3.5 ஆண்டுகள் வரை படுக்கையில் சிறுநீர் கழிப்பதும், இரவு படுக்கையில் 5-6 ஆண்டுகள் வரை சிறுநீர் கழிப்பதும் ஏற்றத்தக்கதாகும். எனினும், இந்த வயதைத் தாண்டி ஒருவர் தொடர்ந்தால், அவர்கள் மருத்துவர் அல்லது நிபுணரை அணுக வேண்டும்.
குழந்தைகள் படுக்கையில் நனைவதைக் கட்டுப்படுத்த உதவும் குறிப்புகள்
அனுபவத்தை இயல்பாக்குதல்
பல குழந்தைகளுக்கு படுக்கையில் சிறுநீர் கழிப்பது ஒரு பொதுவான வளர்ச்சி மைல் கல் வரை எனவும், இது பெரும்பாலும் காலப் போக்கில் சரியாகிவிடும் எனவும் பெற்றோர்களுக்கு உறுதியளிக்கவும்.
மருத்துவ காரணங்களை நிராகரிப்பது
குழந்தைகள் அடிக்கடி சிறுநீர் கழித்தாலோ அல்லது படுக்கையில் சிறுநீர் கழித்தல் தொடர்ந்தாலோ அல்லது அல்லது மலச்சிக்கல் போன்ற கூடுதல் அறிகுறிகளுடன் இருந்தாலோ குழந்தை மருத்துவரை அணுக பெற்ரோரை ஊக்குவிக்க வேண்டும்.
மரபியல் காரணங்கள்
சில சமயங்களில் படுக்கையில் சிறுநீர் கழித்தல் மரபியல் ரீதியாக ஏற்படலாம். இதில் பெற்றோர்களில் ஒருவர் அல்லது இருவருமே இந்த நிலையை அவர்களின் குழந்தைப் பருவத்தில் அனுபவித்திருப்பின், அவர்களது குழந்தையும் இந்நிலையை அனுபவிக்கலாம்
உளவியல் காரணிகள்
உணர்ச்சி மன அழுத்தம் அல்லது வாழ்க்கை மாற்றங்கள் போன்றவற்றால் படுக்கையில் சிறுநீர் கழிக்கும் நடத்தை ஏற்படலாம் என்பதை ஒப்புக் கொள்வதுடன், உணர்ச்சி ஆதரவுக்கான உத்திகளை வழங்க வேண்டும்.
இந்த பதிவும் உதவலாம்: Mobile Addiction: குழந்தைங்க அதிகமா ஃபோன் பாக்குறாங்களா.? அப்போ இதை செய்யுங்க…
உறக்க நேரத்தை நிர்வகிப்பது
இந்த இரவு நேர படுக்கை சிறுநீர் கழிப்பதைத் தவிர்க்க, அமைதியான நடவடிக்கைகள் மற்றும் தூங்கும் முன் குளியலறை இடைவெளிகள் உள்ளிட்ட நிலையான படுக்கை நேர வழக்கத்தை உருவாக்க வேண்டும்.
சிறுநீர் கழிக்கும் அலாரங்களை முயற்சிப்பது
இரவுநேர வறட்சியை ஊக்குவிக்கவும், குழந்தைகளின் சிறுநீர்ப்பை நிரம்பியிருக்கும் போதும், குழந்தையின் மூளையை விழித்தெழுவதற்கு ஒரு கருவியாக படுக்கையில் சிறுநீர் கழிக்கும் அலாரங்களைப் பயன்படுத்துவதைப் பரிந்துரைக்கலாம்.
திரவ உட்கொள்ளல் மேலாண்மை
பெற்றோர்கள் தங்கள் குழந்தையின் திரவ உட்கொள்ளலைக் கண்காணிக்க அறிவுறுத்த வேண்டும். அதிலும் குறிப்பாக, மாலை நேரத்தில் கண்காணிப்பது அவசியமாகும். எனினும், நாள் முழுவதும் போதுமான அளவு நீரேற்றமாக இருப்பதை உறுதிசெய்ய வேண்டும்.
நேர்மறை வலுவூட்டல்
பாராட்டு மற்றும் ஊக்கத்தினை அளிப்பதன் மூலம் இரவு நேர படுக்கை சிறுநீர் கழிப்பதைத் தவிர்க்கலாம். அதே சமயம், எதிர்மறை வலுவூட்டலைத் தவிர்க்க வேண்டும்.
மருத்துவரை அணுகுதல்
ஏழு வயதுக்கு மேல் குழந்தைகள் படுக்கையில் சிறுநீர் கழித்தல் அல்லது அதன் அறிகுறிகளைக் கொண்டிருந்தால் குழந்தை மருத்துவர் அல்லது நிபுணரிடம் பரிந்துரை செய்யலாம்.
ஆதரவைப் பெறுவது
குழந்தைகளின் படுக்கை நேர சிறுநீர் கழிக்கும் பிரச்சனைக்கு வழிகாட்டுவதற்காக ஆதரவுக் குழுக்கள் மற்றும் ஆன்லைன் சமூகங்களுடன் இணைக்க பெற்றோரை ஊக்குவிக்கலாம். கூடுதல் ஆதரவிற்காக குழந்தை சிறுநீரக மருத்துவர்கள் அல்லது பிற நிபுணர்களின் ஆலோசனையைப் பெறலாம்.
இந்த வழிமுறைகளைப் பின்பற்றி குழந்தைகள் படுக்கையில் சிறுநீர் கழிப்பதை நிர்வகிக்கலாம்.
இந்த பதிவும் உதவலாம்: உங்கள் குழந்தைகள் உணவே சாப்பிடவில்லையா? காரணத்தை தெரிந்துக் கொள்ளுங்க!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
