உடலில் உள்ள நீர், உப்பு மற்றும் எலக்ட்ரோலைட்கள், யூரியா மற்றும் யூரிக் அமிலம் போன்ற இரசாயனங்களால் ஆனது தான் சிறுநீர். உங்கள் சிறுநீரகங்கள், உடலில் உள்ள நச்சுகளை வடிகட்டும்போது சிறுநீரை உற்பத்தி செய்கின்றன. ஒரு நாள் இரவில் இரண்டு அல்லது நான்கு முறைவரை சிறுநீர் கழிப்பது இயல்பானது.
இது தவிர, நீங்கள் குடிக்கும் தண்ணீரின் அளவை பொறுத்து, அதிகமாகத் தண்ணீர் குடித்தால் அதிகமாகச் சிறுநீர் கழிக்க வேண்டியிருக்கலாம். ஆனால் இரவு தூங்கிய பிறகு நீங்கள் அடிக்கடி சிறுநீர் கழிக்கப் போகிறீர்கள் என்றால், அது ஒரு தீவிர பிரச்சனையின் அறிகுறியாக இருக்கலாம்.
இரவில் இரண்டு அல்லது மூன்று முறைவரை சிறுநீர் கழிப்பது இயல்பானது, ஆனால் நீங்கள் ஒரு மணி நேரத்திற்கு ஒரு முறை அல்லது அதற்கும் மேற்பட்ட எண்ணிக்கைகளில் சிறுநீர் கழிக்க நேரிட்டால், அதை அலட்சியம் செய்யக் கூடாது. இரவில் அடிக்கடி சிறுநீர் கழித்தல் ஏன் ஏற்படுகிறது மேலும் அது என்ன பிரச்சனையின் அறிகுறியாக இருக்கலாம் என்பதையும் இந்தப் பதிவில் தெரிந்து கொள்வோம்.
இரவில் அடிக்கடி சிறுநீர் கழிப்பதற்கு என்ன காரணம்?
இரவில் அடிக்கடி சிறுநீர் கழிப்பதற்குப் பல காரணங்கள் உள்ளன. சில நேரங்களில் இது இயல்பானதாகக் கருதப்படுகிறது. உங்கள் உணவு மற்றும் வாழ்க்கை முறை தொடர்பான காரணங்களால் இந்தப் பிரச்னை ஏற்படலாம். ஆனால் தினசரியாக இந்தப் பிரச்னையை எதிர்கொள்வது இயல்பானது அல்ல.
இதையும் படிங்க: இந்த ஊட்டச்சத்து குறைபாடு கருப்பை நீர்க்கட்டியை ஏற்படுத்தும்
இரவில் அடிக்கடி சிறுநீர் கழித்தல் சிறுநீர் மிகைப்பு (Nocturia) போன்ற கடுமையான பிரச்னையின் அறிகுறியாக இருக்கலாம். இந்த நிலையில், உறங்கும்போது உங்கள் உடல் அதிக அளவில் சிறுநீரை தயாரிக்கிறது, இதன் காரணமாக நீங்கள் இரவில் அடிக்கடி சிறுநீர் கழிக்க வேண்டியிருக்கலாம். இது தவிர, இரவில் அடிக்கடி சிறுநீர் கழித்தல் பின்வரும் இந்த நோய்களின் அறிகுறியாகவும் இருக்கக்கூடும்.
- OAB அல்லது அதி இயக்கச் சிறுநீர்ப்பை.
- இடுப்பறையின் கட்டி அல்லது சிறுநீர்ப்பை கட்டி
- சிறுநீர்ப்பை சரிவு
- சர்க்கரை நோய்.
- சிறுநீரக தொற்று
- கவலை
- கீழ் கால் பகுதிகளில் வீக்கம்
- நரம்புக் குறைபாடுகள்
- உறுப்பு செயலிழப்பு
- சிறுநீர்த் தடத் தொற்றுகள்(UTI)
இரவில் அடிக்கடி சிறுநீர் கழித்தலுக்கான சிகிச்சை
வழக்கமாக மருத்துவர்கள் இந்தப் பிரச்சனைக்குச் சிகிச்சையளிக்க, முதலில் நோயாளியின் வழக்கமான செயல்பாடுகள் மற்றும் உணவு முறையைப் புரிந்துகொள்ள முயற்சி செய்வார்கள். இதனுடன் நோயாளியின் நிலைக்கு ஏற்ப, சில மருந்துகளும் உட்கொள்ள அறிவுறுத்தப்படுகிறது.
உதாரணமாகச் சர்க்கரை நோயினால் அடிக்கடி சிறுநீர் கழித்தல் ஏற்பட்டால், சர்க்கரை நோயைக் கட்டுப்படுத்தும் மருந்துகளை மருத்துவர் உங்களுக்கு வழங்குவார். இது தவிர, சில கடுமையான சந்தர்ப்பங்களில், நோயாளிக்கு அறுவை சிகிச்சையும் தேவைப்படலாம். 
இரவில் அடிக்கடி சிறுநீர் கழித்தலுக்கான தடுப்பு முறைகள்
இரவில் அடிக்கடி சிறுநீர் கழிக்கும் பிரச்சனை உள்ளவர்கள் கண்டிப்பாக மருத்துவரை அணுக வேண்டும். இது தவிர, போதுமான அளவு தண்ணீர் குடிப்பது, தயிர், எள், கீரை, வெந்தயம் போன்றவற்றை உணவில் சேர்த்துக் கொள்வது இந்த நோயிலிருந்து விடுபட உதவுகிறது. இதனுடன் உடல் எடையைக் கட்டுக்குள் வைத்து, உடற்பயிற்சி அல்லது யோகாவை தொடர்ந்து பயிற்சி செய்யுங்கள்.
Image Source: