தங்கம் போன்ற பளபளப்பான சருமத்திற்கு வீட்டிலேயே ஃபேஸ் சீரம் செய்யுங்க..

How to make natural serum for face at home: இன்றைய நவீன காலத்தில் மோசமான வாழ்க்கைமுறை மற்றும் ஆரோக்கியமற்ற உணவுமுறையின் காரணமாக பலரும் பலதரப்பட்ட பிரச்சனைகளைச் சந்திக்கின்றனர். இதில் சருமம் தொடர்பான பிரச்சனைகளும் அடங்குகிறது. இந்த வரிசையில் சருமத்தில் எரிச்சல், அரிப்பு, வறட்சியான சருமம் மற்றும் இன்னும் பிற பிரச்சனைகள் அடங்கும். இந்நிலையில், சரும ஆரோக்கியத்தை மேம்படுத்துவதற்கு பலரும் சரும பராமரிப்புப் பொருள்களைக் கையாள்கின்றனர். ஆனால், இவ்வாறு பயன்படுத்தக்கூடிய பொருள்கள் ரசாயனங்கள் நிறைந்திருக்கலாம். மேலும் இது தற்காலிகமானதே தவிர, நிரந்தரமான தீர்வாக இருக்காது.

இந்நிலையில், சரும ஆரோக்கியத்தை நன்கு கவனித்துக் கொள்வது முக்கியமாகும். ஏனெனில், சருமம் நமது முழு உடலின் மிகப்பெரிய உறுப்பு ஆகும். முகத்தில் உள்ள சருமத்திற்கு குறிப்பாக மென்மையான மற்றும் அன்பான பராமரிப்பு தேவைப்படுகிறது. இதன் மூலம் அதன் பளபளப்பு மற்றும் ஆரோக்கியத்தை தக்கவைத்துக் கொள்ளலாம். இது சருமத்தை பாதுகாக்க மிகவும் நல்லது. இந்நிலையில், இயற்கையான ஃபேஸ் சீரம் பயன்படுத்துவது முகத்தை எதிர்கால சேதத்திலிருந்து பாதுகாப்பது மட்டுமல்லாமல், நேர்த்தியான கோடுகள் மற்றும் சுருக்கங்களின் தோற்றத்தையும் குறைக்க உதவுகிறது.

இதில் சருமத்திற்கு ஏற்ப ஃபேஸ் சீரம் தயாரிப்பதற்கான முறைகள், அதை எப்படி தடவுவது என்பது குறித்து மருத்துவர் ஹன்சாஜி அவர்கள் தி யோகா இன்ஸ்டிடியூட் பக்கத்தில் சில தகவல்களைப் பகிர்ந்துள்ளார். அதைப் பற்றி இங்குக் காண்போம்.

இந்த பதிவும் உதவலாம்: Serum Benefits: இரவில் சீரம் தடவலாமா.? இதன் நன்மைகள் என்ன.? இங்கே காண்போம்…

ஃபேஸ் சீரம் எப்படிப் பயன்படுத்துவது?

• தினமும் காலை மற்றும் மாலையில் ஃபேஸ் சீரம் எப்படிப் பயன்படுத்துவது என்பது குறித்துப் பகிர்ந்துள்ளார்.
• முதலில் முகத்தை சுத்தம் செய்த பிறகு சீரம் தடவ வேண்டும்.
• அதன் பிறகு தேவைப்பட்டால், வேறு ஏதேனும் சருமப் பொருட்களைப் பயன்படுத்தலாம்.
• எந்த சீரத்தை பயன்படுத்துவதாக இருப்பினும், லேசாக பயன்படுத்த வேண்டும்.
• இதன் மூலம் இது உறிஞ்சப்பட்டு சருமத்தை எரிச்சலடையச் செய்யாது.
• பின்னர் சுமார் நான்கு சொட்டுகளை விரல் நுனியில் மெதுவாக தடவி, சருமத்தில் முழுமையாக உறிஞ்சப்படும் வரை மென்மையாக்கலாம்.

சரும வகைகளுக்கு ஏற்ப வீட்டிலேயே மூன்று ஃபேஸ் சீரம்களை தயாரிப்பது எப்படி?

வீட்டிலேயே தயாரிக்கப்படக்கூடிய இந்த ஃபேஸ் சீரம் வகைகளை தயாரித்து சில நாட்கள் குளிர்சாதன பெட்டியில் வைக்கலாம். ஆனால் எப்போது பயன்படுத்த விரும்பினாலும், அவற்றைப் புதிதாக தயாரிப்பது நல்லது.

வறண்ட சருமத்திற்கான ஃபேஸ் சீரம்

• 1 டீஸ்பூன் தேங்காய் எண்ணெய், 1 டீஸ்பூன் தேன் மற்றும் 1 டீஸ்பூன் கற்றாழை சாறு போன்றவற்றைக் கலக்க வேண்டும்.
• ஒவ்வொரு முறையும் மூன்று முதல் நான்கு சொட்டுகள் தடவி மீதமுள்ளதை அடுத்த பயன்பாட்டிற்கு சேமித்து வைக்கலாம்.

நன்மைகள்

• கற்றாழை ஜெல் ஆனது வெயிலுக்கு ஏற்ற இயற்கை மாய்ஸ்சரைசராக செயல்படுகிறது. மேலும் சருமத்தை ஒளிரச் செய்கிறது.
• தேங்காய் எண்ணெய் இயற்கையான சன்ஸ்கிரீனாக செயல்படுகிறது. மேலும் இது சருமத்தின் நிறமியைக் குறைக்கிறது மற்றும் இது தொற்றுநோயையும் குணப்படுத்துகிறது. ஏனெனில், இதில் நுண்ணுயிர் எதிர்ப்பு பண்புகள் நிறைந்துள்ளன.
• தேன் பயன்படுத்துவது சருமத்திற்கு ஈரப்பதத்தை அளிக்கிறது. மேலும் நேர்த்தியான கோடுகளை நீக்கி சருமத்திற்கு இயற்கையான பளபளப்பைத் தருகிறது.

இந்த பதிவும் உதவலாம்:  Face Serum: இரவில் முகத்தில் சீரம் தடவுவது நல்லதா? சீரம் எப்போது பயன்படுத்தனும்?

எண்ணெய் பசை சருமத்திற்கான ஃபேஸ் சீரம்

ஒரு டீஸ்பூன் தக்காளி சாறு மற்றும் ஒரு டீஸ்பூன் தேன் இரண்டையும் கலந்து முகம் மற்றும் கழுத்தில், ஒரு நேரத்தில் மூன்று முதல் நான்கு சொட்டுகள் வரை தடவி, மீதமுள்ளதை எதிர்காலத்திற்கு சேமித்து வைக்கலாம்.

நன்மைகள்

• தக்காளி சாறு எண்ணெய் பசை சருமத்தை பிரகாசமாக்குகிறது. இது ஒரு துவர்ப்பு விளைவைக் கொண்டுள்ளதால், இவை துளைகளை சுத்தப்படுத்தி சுருக்குகிறது.
• மேலும் எண்ணெய் பசை சருமத்திற்கு தேன் அதிகப்படியான சரும பாதுகாப்பைத் தருகிறது. இது சிவத்தல் மற்றும் முகப்பரு மற்றும் பருக்கள் வெடிப்பதைக் குறைக்கிறது.

உணர்திறன் மிக்க சருமத்திற்கான ஃபேஸ் சீரம்

இதில் 1 டீஸ்பூன் சர்க்கரையை 3 டீஸ்பூன் பச்சை பாலில் கரைத்து, ஒரு நேரத்தில் மூன்று முதல் நான்கு சொட்டுகள் தடவி, மீதமுள்ளதை அடுத்த நாள் சேமித்து வைத்துக் கொள்ளலாம்.

நன்மைகள்

• பச்சை பால் மெதுவாக ஊட்டமளித்து நீரேற்றம் செய்வதன் மூலம் சருமத்தை தெளிவாக வைத்திருக்க உதவுகிறது. மேலும், இது சரும துளைகளில் உள்ள அனைத்து அழுக்குகளையும் சுத்தம் செய்வதன் மூலம் சருமத்தை புத்துணர்ச்சியடையச் செய்கிறது. இவை சருமத்தை மேலும் பளபளப்பாக்குகிறது.
• இந்த இயற்கையான ஃபேஸ் சிரப்கள் சருமத்தை முழுமையாக ஈரப்பதமாக்க உதவுகிறது. இதை வீட்டிலேயே தயாரிப்பதன் மூலம் சருமத்தை முன்கூட்டியே பராமரிக்கலாம்.
• வீட்டிலேயே தயார் செய்த இந்த முக சீரம்களைப் பயன்படுத்துவதன் மூலம் சரும ஆரோக்கியத்தை மேம்படுத்தலாம். எனினும், இதனுடன் ஒரு சீரான உணவை எடுத்துக்கொள்ள வேண்டும் என்பதை நினைவில் கொள்ள வேண்டும். மேலும் நிறைய தண்ணீர், புதிய காற்று மற்றும் உடற்பயிற்சி, மிக முக்கியமாக மன அழுத்தத்தைக் கையாள்வது போன்றவற்றின் மூலம் சருமத்தை உள்ளிருந்தே பளபளப்பாக்கலாம்.

பொறுப்புத்துறப்பு

இதில் வழங்கப்பட்ட தகவல்கள் பொதுவான தகவல் நோக்கங்களுக்காக மட்டுமே. எனினும், தனிப்பட்ட தகவல்களைப் பெற விரும்புபவர்கள் அல்லது புதிய முயற்சிகளைக் கையாள விரும்புபவர்கள் எப்போதும் தகுதிவாய்ந்த நிபுணரை அணுகுவது நல்லது.

இந்த பதிவும் உதவலாம்: வைட்டமின் சி முகப்பரு வடுக்களை நீக்குவதில் நன்மை பயக்குமா.? இயற்கை ஆதாரங்கள் இங்கே..

Image Source: Freepik