Sunscreen Benefits: சன்ஸ்கிரீனை பயன்படுத்த சரியான வழி இது தான்! இதன் நன்மைகள் என்னென்ன தெரியுமா?

$

What Is The Correct Way To Apply Sunscreen: கோடைக்காலத்தில் சரும பராமரிப்பு மிகவும் கடினமானதாக இருக்கலாம். ஏனெனில் சரும எரிச்சல், அரிப்பு மற்றும் இன்னும் பல பிரச்சனைகளை இந்த காலகட்டத்திலேயே அதிகம் அனுபவிப்பர். இந்த காலத்தில் சன்ஸ்கிரீனைப் பயன்படுத்துவது வழக்கமான ஒன்றாகும். இது எந்த வயதிலும் சருமத்தின் ஆரோக்கியத்தையும், அழகையும் பாதுகாக்க சிறந்த ஒன்றாகும். இதில் சன்ஸ்கிரீனைப் பயன்படுத்துவதற்கான சரியான வழி மற்றும் அதன் நன்மைகளைக் காணலாம்.

சன்ஸ்கிரீனை சரியாக பயன்படுத்துவது எப்படி?

• வெளியில் செல்வதற்கு முன் சன்ஸ்கிரீனைப் பயன்படுத்த வேண்டும். இது சருமம் சன்ஸ்கிரீனை உறிஞ்சி பாதுகாக்க சுமார் 15 நிமிடங்கள் எடுத்துக் கொள்ளும். சூரிய ஒளி இருக்கும் வரை சன்ஸ்கிரீனைப் பயன்படுத்துவது சருமம் பாதுகாப்பற்றதாக இருக்கும்.
• ஆடையால் மூடப்படாத சருமம் அனைத்திற்கும் சன்ஸ்கிரீனைப் பயன்படுத்தலாம். அதன் படி, கழுத்து, முகம், கால்களின் மேல் மற்றும் கால்கள், காதுகள் போன்றவற்றில் பயன்படுத்தலாம். முதுகு போன்ற பகுதிகளில் தடவுவதற்கு சிரமமாக இருப்பின் ஸ்ப்ரே ஸ்கிரீன் பயன்படுத்தலாம் அல்லது வேறு நபரின் உதவி கொண்டு பயன்படுத்தலாம்.
• 30 அல்லது அதற்கு மேற்பட்ட SPF கொண்ட சன்ஸ்கிரீனைத் தேர்ந்தெடுக்க வேண்டும். இது நீர் எதிர்ப்புத் தன்மை கொண்டதாக அமைகிறது. அதாவது UVA மற்றும் UVB கதிர்களிலிருந்து சருமத்தைப் பாதுகாக்க உதவுகிறது.
• போதுமான சன்ஸ்கிரீனைப் பயன்படுத்த வேண்டும். பெரும்பாலான பெரியவர்களுக்கு சுமார் 1 அவுன்ஸ் தேவைப்படுகிறது அல்லது அவர்களின் உடலை முழுவதுமாக மறைக்க ஒரு ஷார் கிளாஸ் நிரப்ப போமானதாகும். பின் சன்ஸ்கிரீனை சருமத்தில் நன்றாக தேய்க்க வேண்டும்.
• வெளியில் இருக்கும் போது பாதுகாப்பாக இருக்க, ஒவ்வொரு இரண்டு மணி நேரத்திற்கும் சன்ஸ்கிரீனை பயன்படுத்தலாம்.

இந்த பதிவும் உதவலாம்: Multani Mitti For Skin: கண்ணாடி போல மினு மினு சருமத்திற்கு முல்தானி மிட்டியை இப்படி யூஸ் பண்ணுங்க

சன்ஸ்கிரீன் பயன்படுத்துவதன் நன்மைகள்

• இது சரும புற்றுநோயைத் தடுக்க உதவுகிறது. ஏனெனில் இது சூரிய பாதுகாப்பிற்கான சிறந்த அணுகுமுறையாகும். அதிகப்படியான புற ஊதாக் கதிர்வீச்சு வெளிப்பாட்டால் பெரும்பாலான தோல் குறைபாடுகள் ஏற்படலாம்.
• சன்ஸ்கிரீன்களில் உள்ள டைட்டானியம் டை ஆக்ஸைடு மற்றும் துத்தநாக ஆக்ஸைடு போன்ற தாதுக்கள், தோலை அடையும் முன் கதிர்களைத் தடுக்கின்றன. இந்த ஆபத்தான கதிர்வீச்சுக்களால் நிறமிகள், சுருக்கங்கள் போன்ற பிரச்சனைகளைத் தடுக்கலாம்.
• கூடுதல் லைட்டிங் ஏஜெண்டுகள் தேவையில்லாமல், ஹைப்பர் பிக்மென்டேஷனின் வளர்ச்சியைக் குறைக்க சன்ஸ்கிரீன் உதவுகிறது. இது சுருக்கங்கள் மற்றும் கரும்புள்ளிகளைக் குறைக்கவும் உதவுகிறது.
• சன்ஸ்கிரீனை அடிக்கடி பயன்படுத்துவது சருமத்திற்கு ஒளிரும் சருமத்தையும் அழகான நிறத்தையும் தருகிறது. மேலும் இது முதுமையின் ஆரம்ப அறிகுறிகளைக் குறைக்கிறது.

இந்த பதிவும் உதவலாம்: Hydration Face Mask: கோடையில் சருமம் வறண்டு போகாம இருக்க இந்த ஃபேஸ்பேக் யூஸ் பண்ணுங்க

Image Source: Freepik