Stomach Bloating: காலை உணவுக்கு பின் வயிறு உப்புசமாக இருக்கிறதா?

$

Stomach Bloating: சிலர் காலை உணவுக்கு பின் வயிறு உப்புசம் போன்ற உணர்வை எதிர்கொள்வார்கள். இதற்கு பின்னால் பல காரணங்கள் இருக்கலாம். லர் அதிகாலையில் எழுந்து காலை உணவை தாமதமாக சாப்பிடுவார்கள், இதனால் அவர்கள் அதிகமாக சாப்பிட நேரும். இதன் காரணமாகவும் வயிறு உப்புசம் ஏற்படலாம். காலை உணவை அதிகமாக உட்கொள்வதால் வயிற்றில் வீக்கம் ஏற்படும்.

பூரி, பரோட்டோ மற்றும் எண்ணெய் போன்ற உணவுகளை காலை உணவாக உண்பதாலும் வயிற்று உப்பசம் போன்ற பிரச்சனை ஏற்படும். காலை வேகமாக வேலைக்கு செல்ல வேண்டும் போன்ற சூழ்நிலையால் பலரும் அவசரமாக சாப்பிடுவார்கள், இதனால் உணவு சரியாக ஜீரணிக்கப்படாமல் வயிறு உப்புசம் போன்ற உணர்வு ஏற்படுகிறது. காலை உணவை சாப்பிட்ட பிறகு உங்களுக்கு வயிறு உப்புசம் போன்ற பிரச்சனை ஏற்பட்டால், சில எளிய தீர்வுகளை பின்பற்றி சரிசெய்யலாம்.

இதையும் படிங்க: டெங்கு காய்ச்சலிலிருந்து விரைவில் குணமடைய உங்கள் குழந்தைக்குக் கொடுக்க வேண்டிய ஐந்து உணவுகள்

காலை உணவுக்கு பின் வயிறு உப்புசம் பிரச்சனை ஏற்பட காரணம்

1. ஆப்பிள் சிடர் வினிகர் மற்றும் எலுமிச்சை நீர்

வயிற்று உப்புசம் பிரச்சனையை போக்க, ஆப்பிள் சிடர் வினிகரை உட்கொள்ளுங்கள். இதனால் செரிமானம் நன்றாக இருக்கும் மற்றும் வயிற்று உப்புசம் பிரச்சனை இருக்காது. 1 தேக்கரண்டி ஆப்பிள் சிடர் வினிகரை 1 கிளாஸ் தண்ணீரில் கலக்கவும். இந்த தண்ணீரை உட்கொள்வதால் செரிமான செயல்முறை ஆரோக்கியமாக இருக்கும். ஆப்பிள் சிடர் வினிகர் தவிர, சூடான எலுமிச்சை நீரையும் உட்கொள்ளலாம்.

2. புதினா தேநீர் குடிக்கவும்

வயிற்று உப்புசம் பிரச்சனையை போக்க புதினா டீ குடியுங்கள். புதினா குளிர்ச்சி விளைவைக் கொண்டுள்ளது. இது வயிற்றுக்குள் சென்றதும் குளிர்ச்சி பெற்று, வயிறு உப்புசம் பிரச்சனை நீங்கும். புதினா டீ உட்கொள்வதால் வாயு பிரச்சனையும் நீங்கும். இது தவிர, இஞ்சி டீயையும் உட்கொள்ளலாம். இஞ்சி இயற்கையில் வெப்பமானது, எனவே குறைந்த அளவு மட்டுமே பயன்படுத்தவும்.

3. சிறந்த நன்மை அளிக்கும் ஏலக்காய்

வயிறு உப்புசம் பிரச்சனையை போக்க ஏலக்காயை சாப்பிடுங்கள். ஏலக்காயில் நார்ச்சத்து நிறைந்துள்ளது. ஏலக்காயை வாயில் வைத்து உறிஞ்சி சாப்பிட்டால் சாறு வயிற்றில் சென்று வயிற்று உப்புசம் பிரச்சனையை நீக்கும். ஏலக்காய் தவிர, இலவங்கப்பட்டையையும் பயன்படுத்தலாம். இலவங்கப்பட்டையை உட்கொள்வதால் வாயு பிரச்சனை நீங்கும். இலவங்கப்பட்டை சேர்த்து தண்ணீரைக் கொதிக்க வைத்து வடிகட்டிக் குடிக்கவும்.

இதையும் படிங்க: Knee Pain Remedies: மூட்டு வலி காணாமல் போக சிம்பிள் டிப்ஸ்!

4. தேன் மற்றும் தயிர் சாப்பிடலாம்

வயிற்று உப்புசம் பிரச்சனையை போக்க, தேன் மற்றும் தயிர் சாப்பிடுங்கள். தயிரில் நல்ல பாக்டீரியாக்கள் உள்ளன. இதனை உட்கொள்வதால் செரிமானம் மேம்படும். தயிரில் தேன் கலந்து சாப்பிட்டு வந்தால் வாயு பிரச்சனை விரைவில் நீங்கும். தயிரில் அழற்சி எதிர்ப்பு மற்றும் பாக்டீரியா எதிர்ப்பு பண்புகள் உள்ளன. இந்த இரண்டு பண்புகளும் வாயுவின் விளைவுகளை குறைக்க உதவுகின்றன.

Image Source: FreePik