தாய்மார்களே… குழந்தைகளின் உயரத்தை அதிகரிக்க இத செய்யுங்க!

$

நமது அனைத்து உடல் பண்புகளிலும், உயரம் என்பது மிகவும் முக்கியமான மற்றும் கட்டுப்படுத்தப்பட்ட செயல்முறையாகும். ஏனெனில் அவரரவர் மரபணுக்களின் படி மட்டுமே உயரம் தீர்மானிக்கப்படுகிறது. அதனை மாற்றுவது என்பது எளிதான காரியம் அல்ல.

இதுகுறித்து தனது இன்ஸ்டாகிராம் பக்கத்தில் பதிவிட்டுள்ள டாக்டர் விஷாகா ஷிவ்தாசனி, குழந்தைகள் வளரும் பருவத்தில் உயரத்தை அதிகரிக்க உதவும் சில குறிப்புகளைப் பகிர்ந்துள்ளார்.

"உங்கள் குழந்தையின் உயரத்தை அதிகரிக்க சிறந்த வழி" என்ற தலைப்பில் அவர் பகிர்ந்துள்ள வீடியோவில், குழந்தைகளின் உயரத்தை அதிகரிக்க உணவு மற்றும் உடல் செயல்பாடுகளை இரண்டையும் சமநிலைப்படுத்த பரிந்துரைத்துள்ளார்.

"உங்கள் உயரம் முக்கியமாக உங்கள் மரபணுக்களால் முன்னரே தீர்மானிக்கப்படுகிறது. இருப்பினும், உங்கள் வாழ்க்கை முறை, உங்களது உகந்த மரபணு திறனை அடைய பெரிய அளவில் உங்களுக்கு உதவும்" என்கிறார்.

• பேட்மிண்டன் மற்றும் டென்னிஸ் போன்ற விளையாட்டுகளில் ஈடுபட வைக்கலாம்.
• நீச்சல்
• கூடைப்பந்து
• ஆல்-அப் பாரில் தொங்குவது
• உணவில் போதிய புரதச் சத்தைச் சேர்ப்பது
• கால்சியம் மற்றும் வைட்டமின் டி அளவை பராமரித்தல்.

பரிந்துரைகளுக்குப் பின்னால் உள்ள அறிவியலை விளக்கிய டாக்டர் விஷாகா ஷிவ்தாசானி, "அறிவியல்- நீண்ட எலும்புகளில் எபிஃபைஸ் (வளர்ச்சித் தட்டுகள்) இணைவது இளமைப் பருவத்தில் நிகழ்கிறது, மேலும் இந்த வளர்ச்சித் தட்டுகள் இணைந்தவுடன், செங்குத்து எலும்பு வளர்ச்சி நின்றுவிடும், அதாவது உங்கள் உயரத்தை அதிகரிக்க முடியாது. ஆண்களுக்கு சராசரியாக 16-18 வயதும், பெண்களுக்கு 14-15 வயதும் ஆகும். அப்போதுதான் வளர்ச்சி ஹார்மோன் உற்பத்தி குறைந்து, எபிஃபைசஸ் ஃப்யூஸ் ஆகும்."

மேலும், "நோயாளிகளுடனான எனது கணிப்பின்படி, வளர்ச்சி ஹார்மோன் உற்பத்தியை அதிகரிக்க இயற்கையான வழிகள் உள்ளன, அவை உங்களுக்கு உகந்த உயரத்தை அடைய உதவும். இதில் அடங்கும் - உங்கள் உணவில் போதுமான புரதம். உங்கள் கால்சியம் மற்றும் வைட்டமின் டி அளவுகளை அதிகரிப்பதும் உதவும்”

"வெளிப்படையாக, இதற்கு அறிவியல் ஆய்வுகள் உள்ளனவா என்று எனக்குத் தெரியவில்லை, ஆனால் எனது கிளினிக்கிற்கு வரும் ஏராளமான குழந்தைகள் இந்த நெறிமுறையுடன் நன்றாகச் செயல்படுவதை நான் பார்த்திருக்கிறேன், எனவே பகிர்ந்து கொண்டுள்ளேன்” எனத் தெரிவித்துள்ளார்.

எனவே உங்கள் குழந்தையின் உயரத்தை அதிகரிக்க நினைத்தால் மருத்துவர் கொடுத்துள்ள வழிமுறைகளை பின்பற்றிப்பார்க்கலாம்.

Image Source: Freepik