Smoking and Hair Health: புகைபிடித்தல் மற்றும் புகையிலை உட்கொள்வதால் நுரையீரல் பாதிப்படைவதுடன் புற்றுநோய் வருவதற்கான வாய்ப்புகளும் அதிகம். புகைபிடித்தல் ஒட்டுமொத்த ஆரோக்கியத்தையும் பாதிக்கிறது. ஆனால் புகைப்பிடிப்பதில் முடி ஆரோக்கியத்தை எந்தளவு பாதிக்கிறது என்பது குறித்து பலரும் அறிந்திருப்பதில்லை. இதற்கான பதிலை பார்க்கலாம்.
முடி உதிர்வை ஏற்படுத்தும்
பெண்களுடன், ஆண்களும் முடி உதிர்தல் பிரச்சனையால் சிரமப்படுகின்றனர். முடி உதிர்தல் என்பது முடி உதிர்ந்த பிறகு மீண்டும் வளராத நிலையை ஏற்படுத்தும். முடி உதிர்வதற்கு பல காரணங்கள் உள்ளன. உடலில் ஊட்டச்சத்து குறைபாடு, கருத்தடை மாத்திரைகளை அதிகமாக உட்கொள்வது, ரசாயன அடிப்படையிலான முடி தயாரிப்புகளை அதிகமாக பயன்படுத்துதல் மற்றும் முடியை பராமரிக்காதது போன்றவை இதில் அடங்கும்.
ஆனால் முடி உதிர்தல் பிரச்சனை அதிகமாக புகைபிடிக்கும் ஆண்களுக்கும், பெண்களுக்கும் காணப்படுகிறது. புகைபிடிப்பதற்கும் முடி உதிர்வதற்கும் என்ன சம்பந்தம் என்பதை தெரிந்து கொள்வோம்.
புகைபிடிப்பதால் முடி உதிர்வு ஏற்படுமா?
முடி உதிர்தல் பிரச்சனை உள்ளவர்களுக்கு, புகைபிடிப்பது என்பது அதை அதிகமாக்கக் கூடும். புகைபிடித்தல் மற்றும் புகையிலை நிகோடின் உட்பட பல தீங்கு விளைவிக்கும் இரசாயனங்களை கொண்டுள்ளன. இது நம் இதயத்திற்கு மோசமான விளைவை ஏற்படுத்துகிறது. மேலும் இது முடி மற்றும் தோல் ஆரோக்கியத்தில் மோசமான விளைவை ஏற்படுத்தும்.
புகைபிடித்தல் ஆண்களின் முடி உதிர்தலையும் தூண்டும். புகைபிடிப்பதில் காணப்படும் நிகோடின், மயிர்க்கால்களுக்கு இரத்த விநியோகத்தை குறைத்து, முடி உதிர்வை ஏற்படுத்துகிறது.
புகைபிடிப்பதால் முடி உதிர்வது ஏன்?
- புகைபிடிக்காதவர்களை விட புகைப்பிடிப்பவர்களுக்கு முடி உதிர்வு அதிகம் ஏற்படக்கூடும். சில சந்தர்ப்பங்களில், புகைபிடித்தல் வழுக்கையை ஏற்படுத்துகிறது.
- புகைபிடிப்பதால் நிகோடின் மற்றும் பல தீங்கு விளைவிக்கும் பொருட்கள் உடலில் நுழைகின்றன. இதன் காரணமாக முடி மற்றும் தோலுக்கு ரத்தம் சரியாகப் போவதில்லை. இதன் விளைவாக முடி உதிர்தல் மற்றும் மெலிதல் போன்ற சிக்கல் ஏற்படக் கூடும்.
- புகையிலை அல்லது புகைபிடித்தல் உடலில் ஃப்ரீ ரேடிக்கல்களை அதிகரிக்கிறது, இது மயிர்க்கால்களுக்கு தீங்கு விளைவிக்கும். இது ஆக்ஸிஜனேற்ற அழுத்தத்தையும் ஏற்படுத்துகிறது. இதன் காரணமாக, முடி உதிரத் தொடங்குகிறது. அதனால்தான் புகைபிடித்தல் உடலில் மட்டுமல்ல, உங்கள் அழகான கூந்தலையும் மோசமாக பாதிக்கிறது என்று கூறப்படுகிறது.
- புகைபிடித்தல் முடிக்கு தீங்கு விளைவிக்கும். இது முடி உதிர்வு அபாயத்தையும் அதிகரிக்கிறது.
- புகையிலை மற்றும் புகைப்பழக்கத்தில் இருக்கும் நச்சு இரசாயனங்கள் மயிர்க்கால்களில் உள்ள செல்களின் டிஎன்ஏவை சேதப்படுத்தும். இந்த செல்களின் டிஎன்ஏ சேதமடையும் போது முடி வளர்ச்சியும் பாதிக்கப்படுகிறது.
அதிகம் படித்தவை: HMPV வைரஸ் பற்றி உங்களுக்கு பல சந்தேகங்கள் உள்ளதா? முக்கிய கேள்விகளுக்கான பதில்கள்
- புகைபிடிப்பதில் உள்ள இரசாயனங்கள் உங்கள் சுழற்சி மற்றும் இதய ஆரோக்கியத்தில் எதிர்மறையான விளைவுகளை ஏற்படுத்தும். இரத்த நாளங்கள் தான் உங்கள் மயிர்க்கால்களுக்கு ஊட்டமளித்து ஊட்டச்சத்துக்களை வழங்கவும் கழிவுகளை அகற்றவும் அனுமதிக்கின்றன. உங்கள் உச்சந்தலையில் மோசமான இரத்த ஓட்டம் முடி உதிர்தலுக்கு வழிவகுக்கும்.
- உங்களுக்கு புகைப்பிடிக்கும் பழக்கம் இருந்தால் அதை உடனே நிறுத்தவும், இது உங்கள் ஆரோக்கியத்தில் மோசமான விளைவை ஏற்படுத்தும். மொத்தமாக நிறுத்த முடியவில்லை என்றாலும் படிப்படியாக நிறுத்த முயற்சி செய்யுங்கள்.
pic courtesy: freepik
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
Current Version