How to use tomato for hair growth on bald patches: இன்றைய காலத்தில் மோசமான உணவுமுறை மற்றும் ஆரோக்கியமற்ற வாழ்க்கை முறை காரணமாக பலரும் பலதரப்பட்ட பிரச்சனைகளைச் சந்திக்கின்றனர். இதில் முடி சார்ந்த பிரச்சனைகளும் அடங்கும். அவ்வாறே முடி உதிர்வு, வறட்சியான முடி, நுனி முடி பிளவு உள்ளிட்ட பல்வேறு பிரச்சனைகள் எழுகிறது. குறிப்பாக, இதில் முடி உதிர்தல் ஒரு பொதுவான கவலையாகும். எனவே இதை நிவர்த்தி செய்ய இயற்கையான வைத்தியங்களைக் கையாள்வது நல்லது. அவ்வாறே உதிர்ந்த முடியை மீண்டும் திரும்பப் பெறுவதற்கு தக்காளி சாற்றைப் பயன்படுத்தலாம்.
தக்காளி சாறு எளிதில் கிடைக்கக் கூடிய சாறு மட்டுமல்லாமல், முடி வளர்ச்சியை ஊக்குவிக்கும் திறனுக்காக நன்கு அறியப்படுகிறது. தக்காளியில் அத்தியாவசிய வைட்டமின்கள், தாதுக்கள், ஆக்ஸிஜனேற்றங்கள் போன்றவை நிறைந்துள்ளது. இந்த ஊட்டச்சத்துக்கள் உச்சந்தலையில் ஊட்டமளிக்கவும், மயிர்க்கால்களை வலுப்படுத்தவும் உதவுகிறது. அதன் படி, வழுக்கைத் திட்டுகளில் முடியை மீண்டும் வளர வைக்கவும், முடி ஆரோக்கியத்தை மேம்படுத்தவும் தக்காளி சாற்றைப் பயன்படுத்தும் வழிகளைக் காணலாம்.
இந்த பதிவும் உதவலாம்: Biotin for hair growth: வேகமாக, இயற்கையாக முடி வளரணுமா? இந்த ஒரு வைட்டமின் நிறைந்த உணவுகளை எடுத்துக்கோங்க
முடி வளர்ச்சிக்கு தக்காளி சாறு எவ்வாறு உதவுகிறது?
தக்காளியில் முடி ஆரோக்கியத்தை மேம்படுத்தும் ஊட்டச்சத்துக்கள் நிறைந்துள்ளது. இதில் உள்ள வைட்டமின் சி ஊட்டச்சத்துக்கள் கொலாஜன் உற்பத்தியை அதிகரித்து, முடி வளர்ச்சியை ஆதரிக்கிறது. முடியில் உள்ள லைகோபீன்கள் ஃப்ரீ ரேடிக்கல்களால் ஏற்படும் சேதத்திலிருந்து மயிர்க்கால்களைப் பாதுகாக்கிறது. மேலும் இதில் நிறைந்துள்ள வைட்டமின் ஏ உச்சந்தலையில் நீரேற்றமாக வைத்து ஆரோக்கியமான முடி வளர்ச்சியை ஊக்குவிக்கிறது. இதில் உள்ள பயோட்டின் மற்றும் துத்தநாகம் போன்றவை முடியின் வலிமையை மேம்படுத்தி, மெலிவதைத் தடுக்கிறது.
உதிர்ந்த முடி மீண்டும் வளர தக்காளி சாற்றை பயன்படுத்துவது எப்படி?
தக்காளி சாறு மசாஜ்
தக்காளி சாற்றை நேரடியாக தலைமுடிக்கு நேரடியாக பயன்படுத்தலாம்.
தேவையானவை
- தக்காளி சாறு - தேவையான அளவு
பயன்படுத்தும் முறை
முதலில் புதிய தக்காளியை மென்மையான சாறாக கலக்க வேண்டும். இதைப் பயன்படுத்துவதற்கு ஏற்ப கூழை நீக்க, சாற்றை வடிகட்டலாம். இதில் வழுக்கைத் திட்டுகளில் மட்டும் கவனம் செலுத்தி, சாற்றை நேரடியாக உச்சந்தலையில் தடவலாம். இதை வட்ட இயக்கங்களில் மசாஜ் செய்ய வேண்டும். இது இரத்த ஓட்டத்தைத் தூண்ட உதவுகிறது. பிறகு, இதை 30 நிமிடங்கள் வைத்து, வெதுவெதுப்பான நீர் மற்றும் லேசான ஷாம்பூ கொண்டு கழுவலாம். சிறந்த முடிவுகளைப் பெற இந்தக் கலவையை இரண்டு முறை பயன்படுத்தலாம்.
இந்த பதிவும் உதவலாம்: முடி கொட்டாது, நரைக்காது, வழுக்கைக்கு வாய்ப்பே இல்ல! ஒரே ஒரு ஜூஸ் போதும்..
வெங்காய சாறுடன் தக்காளி சாறு
வெங்காயச் சாறு அதன் சல்பர் உள்ளடக்கத்திற்காக அறியப்படுகிறது. இது முடி மீண்டும் வளர ஊக்குவிக்கிறது.
தேவையானவை
- தக்காளி சாறு - 1 தேக்கரண்டி
- வெங்காய சாறு - 1 தேக்கரண்டி
பயன்படுத்தும் முறை
தக்காளி மற்றும் வெங்காய சாறு இரண்டையும் கலந்து உச்சந்தலையில் நன்கு தடவ வேண்டும். பிறகு இதை அரை மணி நேரம் அப்படியே வைத்து, பின் லேசான ஷாம்பூ கொண்டு கழுவலாம். இந்தக் கலவையைப் பயன்படுத்துவது இரத்த ஓட்டத்தை அதிகரித்து, முடியின் மயிர்க்கால்களுக்கு ஊட்டமளிக்கவும் உதவுகிறது.
தேங்காய் எண்ணெயுடன் தக்காளி சாறு
தேங்காய் எண்ணெயில் ஈரப்பதமூட்டும் பண்புகள் நிறைந்துள்ளது. இதன் இயற்கையான ஊட்டச்சத்துக்கள் முடி ஆரோக்கியத்திற்கு உதவுகிறது.
தேவையானவை
- தக்காளி சாறு - 2 தேக்கரண்டி
- தேங்காய் எண்ணெய் - 1 தேக்கரண்டி
பயன்படுத்தும் முறை
முதலில் தேங்காய் எண்ணெயை சூடாக்க வேண்டும். இதனுடன், தக்காளி சாற்றைச் சேர்க்க வேண்டும். இந்தக் கலவையை உச்சந்தலை மற்றும் வழுக்கைத் திட்டுகளில் மசாஜ் செய்ய வேண்டும். ஆழ்ந்த ஊட்டச்சத்திற்காக இதை ஒரே இரவில் வைத்து மறுநாள் காலையில் கழுவலாம். இதை வாரத்திற்கு இரு முறை பயன்படுத்தலாம்.
இந்த பதிவும் உதவலாம்: Honey hair mask: முடி மென்மையா, பளபளபனு இருக்கணுமா? தேனுடன் இந்த பொருளைக் கலந்து யூஸ் பண்ணுங்க
கற்றாழையுடன் தக்காளி சாறு
கற்றாழை சாற்றுடன் தக்காளி சாற்றை இணைப்பது முடி வளர்ச்சிக்கான செயல்திறனை அதிகரிக்கிறது.
தேவையானவை
- தக்காளி சாறு - 2 தேக்கரண்டி
- கற்றாழை ஜெல் - 1 தேக்கரண்டி
பயன்படுத்தும் முறை
இந்த இரண்டு பொருள்களையும் கலந்து ஒரு மென்மையான பேஸ்ட் தயார் செய்யலாம். இந்தக் கலவையை உச்சந்தலை மற்றும் முடிக்கு சேர்த்து ஹேர் மாஸ்க்காகத் தயார் செய்ய வேண்டும். பிறகு இதை 45 நிமிடங்கள் வைத்து, பின் கழுவி விடலாம்.
தக்காளி சாற்றைப் பயன்படுத்துவதற்கான குறிப்புகள்
தக்காளி சாற்றை தலைமுடிக்குப் பயன்படுத்துவதற்கு முன்னதாக எப்போதும் பேட்ச் டெஸ்ட் செய்வது நல்லது. ஏனெனில், இது சிலருக்கு எரிச்சலை ஏற்படுத்தலாம். அதே சமயம், தக்காளி சாற்றை அதிகம் பயன்படுத்துவதைத் தவிர்க்க வேண்டும். ஏனெனில் இது அமிலத்தன்மை நிறைந்திருப்பதால் உச்சந்தலையை உலர்த்தலாம்.
இந்த தகவல் உங்களுக்கு பிடித்திருக்கும் என நம்புகிறோம். இந்த கட்டுரையை உங்கள் நண்பர்களுக்கும், உறவினர்களுக்கும் பகிருங்கள். ஆரோக்கியம் தொடர்பான இதுபோன்ற பல சுவாரஸ்ய தகவல்களுக்கு தொடர்ந்து ஒன்லி மை ஹெல்த் உடன் இணைந்திருங்கள், மேலும் OnlyMyHealth பேஸ்புக் மற்றும் இன்ஸ்டா பக்கத்தை பின்தொடர இந்த இணைப்பை கிளிக் செய்யுங்கள்- Onlymyhealth Tamil Facebook, Onlymyhealth Tamil Instagram
இந்த பதிவும் உதவலாம்: Tomato for Hair: தக்காளி முகத்திற்கு மட்டும் அல்ல; கூந்தலுக்கும் நல்லது! இப்படி பயன்படுத்துங்க!!
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
