தாடி திட்டுத்திட்டாக ஆங்காங்கே மட்டும் வளருகிறதா? இதை மட்டும் பண்ணுங்க

ஆண்களுக்கு ஏற்படும் உடல் ரீதியான பல பிரச்சனைகளில் ஒன்று மீசை, தாடி வளருவது. மீசை பெரும்பாலானோருக்கு வளர்ந்தாலும் இந்த தாடி என்பது மட்டும் பெரும் பிரச்சனையாக இருக்கும். சிலருக்கு தாடி என்பது வளர்ந்தாலும் அது முழுமையாக வளராமல் ஆங்காங்கே திட்டுத்திட்டாக இருக்கும்.

பல ஆண்கள் தங்கள் வாழ்க்கையில் ஒரு கட்டத்தில் அடர்த்தியான தாடியை வளர்க்க முயற்சி செய்கிறார்கள், ஆனால் முகத்தில் முழு முடியை வளர வைப்பது என்பது பலருக்கும் பெரும் போராட்டமாக இருக்கும். திட்டுத்திட்டாக தாடி வளர சில காரணங்கள் இருக்கிறது.

பெற்றோரிடமிருந்து கடத்தப்படும் மரபியல் அல்லது ஏற்ற இறக்கமான ஹார்மோன் அளவுகள் போன்ற நம் கட்டுப்பாட்டிற்கு அப்பாற்பட்ட காரணங்களால் தாடி இப்படி வளருகிறது. உங்கள் உணவில் சில ஊட்டச்சத்துக்கள் மற்றும் வைட்டமின்கள் குறைவாக இருக்கும்போது முகத்தில் தாடி வளருவதில் சிக்கல் வருகிறது.

தாடி திட்டுத்திட்டாக வளர காரணம் என்ன?

தாடி திட்டுத்திட்டாக வளர முக்கிய காரணங்களாக ஹார்மோன்கள் மற்றும் மரபியல் பிரச்சனை இருக்கிறது. குறைந்த அளவு டெஸ்டோஸ்டிரோன் மற்றும் டைஹைட்ரோடெஸ்டோஸ்டிரோன், முகத்தின் முடியின் வளர்ச்சி மற்றும் தடிமன் ஆகியவற்றை பாதிக்கும் ஆண் ஹார்மோன்கள் குறைபாடு இதற்கு முக்கிய காரணமாகும். தாடி டெஸ்டோஸ்டிரோன் மூலமாக தூண்டப்படுகிறது, டெஸ்டோஸ்டிரோன் குறைபாடும் இதற்கு ஒரு காரணமாகவே பார்க்கப்படுகிறது.

ஷேவிங் செய்யாமல் இருப்பது நல்லதா?

ஷேவிங் செய்யாமல் ஒரு மாதம் விட்டுவிடவதும் தாடி தடிமனாக வளருவதற்கு முக்கிய காரணமாகும். உங்கள் தாடியை வளர விடும்போது, உங்கள் முடி கொஞ்சம் கொஞ்சமாக வளர்ந்து இறுதியாக தடிமனான முடியை எட்டக்கூடும்.

ஆமணக்கு எண்ணெய்

ஆமணக்கு எண்ணெயில் ரிசினோலிக் அமிலம் நிறைந்திருக்கிறது. இது முடி வேர்களை தூண்டுகிறது மற்றும் முடி வளர்ச்சியை ஊக்குவிக்கிறது.

உங்கள் தாடி பகுதியில் சில துளிகள் ஆமணக்கு எண்ணெயை தடவி மெதுவாக மசாஜ் செய்யவும். ஒரு இரவு முழுவதும் இதை அப்படியே இதை விட்டுவிடுங்கள்.

தேங்காய் எண்ணெய்

தேங்காய் எண்ணெய் என்பது ஒரு இயற்கையான சிறந்த கண்டிஷனர் ஆகும். இது தாடி முடிக்கு ஊட்டமளிக்கவும், ஈரப்பதமாக்கவும் பெருமளவு உதவுகிறது. உங்கள் தாடி பகுதியில் வெதுவெதுப்பான தேங்காய் எண்ணெயை கொண்டு மசாஜ் செய்யவும். குறைந்தது 30 நிமிடங்களுக்கு பின் கழுவவும்.

யூகலிப்டஸ் எண்ணெய்

யூகலிப்டஸ் எண்ணெய் ஆண்டிமைக்ரோபியல் பண்புகளைக் கொண்டுள்ளது மற்றும் இரத்த ஓட்டத்தை மேம்படுத்துகிறது, இது தாடி வளர்ச்சிக்கு பயனளிக்கும்.

வெங்காய சாறு

வெங்காய சாற்றில் கந்தகம் நிறைந்துள்ளது, இது கொலாஜன் உற்பத்தியை அதிகரித்து முடி வளர்ச்சியை ஊக்குவிக்கும். ஒரு வெங்காயத்தை கலந்து சாறு எடுக்கவும். அதை உங்கள் தாடியில் தடவி 15-30 நிமிடங்கள் விட்டு நன்கு கழுவவும்.

அலோ வேரா ஜெல்

கற்றாழையில் இனிமையான மற்றும் ஈரப்பதமூட்டும் பண்புகள் உள்ளன, இது முடி வளர்ச்சிக்கு ஆரோக்கியமான சூழலை உருவாக்க உதவும்.

க்ரீன் டீ நன்மைகள்

க்ரீன் டீயில் ஆன்டிஆக்ஸிடன்ட்கள் நிரம்பியுள்ளது மற்றும் முடி உதிர்வைக் குறைக்கவும், வளர்ச்சியைத் தூண்டவும் உதவும்.

ஒரு கப் க்ரீன் டீயை காய்ச்சி, ஆறவிடவும், பின்னர் அதை உங்கள் தாடியை இதன்மூலம் கழுவவும்.

சமச்சீர் உணவுமுறை

ஆரோக்கியமான தாடி வளர்ச்சிக்கு புரதம், வைட்டமின்கள் மற்றும் தாதுக்கள் நிறைந்த சத்தான உணவு அவசியம். உங்கள் உணவில் மீன், முட்டை, நட்ஸ்கள் மற்றும் இலை கீரைகள் போன்ற உணவுகளை சேர்ப்பது அவசியம்.

உடற்பயிற்சி மற்றும் மன அழுத்தம்

உடல் செயல்பாடு மற்றும் மன அழுத்தத்தைக் குறைக்கும் நுட்பங்கள் இரத்த ஓட்டத்தை மேம்படுத்தலாம், இது முடி வேர்களுக்கு நன்மை பயக்கும். வழக்கமான உடற்பயிற்சி மற்றும் மனஅழுத்தம் குறைப்பு பயிற்சி தாடி வளர்ச்சிக்கு பெரிதும் உதவும்.

ஆங்காங்கே வளரும் தாடி பிரச்சனையை சமாளிக்க வழிகள்

ஆங்காங்கே வளரும் தாடிப் பிரச்சனையை சமாளிக்க நல்ல தோற்றத்தை பெறுவது மிக முக்கியம். ஓட்டு தாடி பிரச்சனை வெளியில் தெரியாமல் இருக்க, அதற்கு ஏற்றார் போல் உங்கள் முக அழகை பராமரித்துக் கொள்ளுங்கள். முடியை அதற்கு ஏற்றார் போல் வெட்டிக் கொள்ளுங்கள். தாடியை மெல்லிதாக ஷேவ் செய்து கொள்ளுங்கள்.

மீசையை வளர்க்கவும்

லேசான தாடி அல்லது ஒட்டுத் தாடி உள்ளவர்கள் கண்டிப்பாக மீசையை வளர்க்க வேண்டும். மீசையை தடிமனாக்கி நல்ல ஸ்டைலை கொடுக்கலாம். மீசையை வளர்ப்பது உங்கள் முகத்திற்கு முற்றிலும் மாறுபட்ட தோற்றத்தைக் கொடுக்கும், இது திட்டு தாடி பிரச்சனை வெளியில் தெரியாமல் வைக்கும்.

இந்த வழிமுறைகளைப் பின்பற்றுவதன் மூலம், உங்கள் திட்டுத்தாடி பிரச்சனையை சமாளிக்கவும், தற்காலிகமாக வெளியில் தெரியாமல் தடுக்கவும் முடியும்.

pic courtesy: freepik