Beard Growth: மீசை, தாடி வளராமல் இருக்க முக்கிய காரணம் என்ன தெரியுமா?

$

Beard Growth: தற்போது தாடி வைக்கும் போக்கு வேகமாக அதிகரித்து வருகிறது. இளைஞர்கள் முதல் முதியவர்கள் வரை அனைவரும் விதவிதமாக தாடி வளர்த்து வருகின்றனர். பெரும்பாலான இளைஞர்களுக்கு தாடி வைக்க வேண்டும் என்ற மோகம் உள்ளது. ஆனால் சிலர் மட்டும் இதில் விதிவிலக்கு. காரணம் அவர்களுக்கும் தாடி வைக்க வேண்டும் என்ற ஆசை இருந்தும் தாடி வளராத நிலையே ஆகும்.

சிலர் தாடி வளராததை உடல்நலம் தொடர்பான பிரச்சனையாக கருதுகின்றனர். இது முற்றிலும் உண்மை அல்ல. இது ஒரு பொதுவான பிரச்சனையாகும். இதற்கு பல காரணங்கள் இருக்கலாம். தாமதமாக தாடி வளர்வதற்கான காரணங்கள் என்ன என்பதை தோல் மருத்துவ நிபுணர் கூறிய கருத்துக்களை பார்க்கலாம்.

25 வயது வரை தாடி வளராதது இயல்பா?

25 வயது வரை தாடியின் வளர்ச்சி என்பது ஒரு சாதாரண செயலாகக் கருதப்படுகிறது. இந்த காலகட்டத்தில் உங்கள் தாடி வளரவில்லை என்றால் கவலைப்பட ஒன்றுமில்லை. சிலர் தாடி சரியான நேரத்தில் வளராமல் இருப்பது டெஸ்டோஸ்டிரோன் குறைவாக இருப்பதற்கான அறிகுறியாகக் கருதுகின்றனர்.

இது அவ்வாறு இல்லாவிட்டாலும், அது சில சமயங்களில் உங்கள் மரபியல் சார்ந்தது. சில நேரங்களில் தாடி வளர்ச்சி சரியாக நடக்காமல் போவதற்கு வேறு காரணங்களும் இருக்கலாம்.

தாடி வளர்ச்சி இல்லாததற்கான காரணங்கள்

மன அழுத்தம்

மனஅழுத்தம் தலையில் முடி வளர்ச்சியைத் தடுப்பது போல, தாடியின் வளர்ச்சியையும் தடுக்கிறது. அதிக மன அழுத்தத்தில் இருப்பது உங்கள் வளர்ச்சி ஹார்மோன்களை பாதிக்கிறது, இது தாடி வளர்ச்சியைத் தடுக்கிறது. சில சமயங்களில் முடி உதிர்தல் அல்லது தாடி உதிர்தல் போன்றவையும் ஏற்படலாம்.

புகைப்பிடித்தல்

புகைபிடித்தல் உங்கள் டெஸ்டோஸ்டிரோன் ஹார்மோன்களைக் குறைக்கிறது, இதன் காரணமாக முடி வளர்ச்சி குறைகிறது. செல் சிதைவை ஏற்படுத்துவதைத் தவிர, சில சமயங்களில் இது முடியை முன்கூட்டியே நரைக்க வைக்கும்.

புரதம் குறைபாடு

புரோட்டீன் குறைபாடு தசை வளர்ச்சி மற்றும் முடி வளர்ச்சியைத் தடுக்கிறது. உடலில் புரதம் இல்லாததால், முகத்தில் முடி உதிரத் தொடங்குகிறது. இதன் காரணமாக சில சமயங்களில் தாடி வளர்வது சிறு வயதிலேயே நின்றுவிடும்.

Pic Courtesy: FreePik