How to detox fatty liver naturally at home: இன்றைய காலகட்டத்தில் மோசமான வாழ்க்கை முறை, அதிகப்படியான உணவு, தொகுக்கப்பட்ட மற்றும் பதப்படுத்தப்பட்ட உணவுகள், அதிகமாக சாப்பிடுவது போன்றவற்றால் கொழுப்பு கல்லீரல் நிலை போன்ற பிரச்சனைகள் ஏற்படுகிறது. கொழுப்பு கல்லீரல் கோளாறு காரணமாக, நீரிழிவு, இதய நோய்கள் போன்ற பல உடல்நலப் பிரச்சினைகள் ஏற்படலாம். இவற்றிற்கு சிகிச்சையளிக்கப்படாவிட்டால் கல்லீரல் பாதிப்பு அதாவது சிரோசிஸ் ஏற்பட வாய்ப்புள்ளது. இதைக் குணப்படுத்த பெரும்பாலான சுகாதார நிபுணர்கள், ஆரோக்கியமான வாழ்க்கை முறையுடன் சீரான உணவுக்கு மாற பரிந்துரைக்கின்றனர்.
கல்லீரல் ஆரோக்கியம்
கல்லீரல் நமது உடலின் ஒரு முக்கியமான உறுப்பு ஆகும். இதன் முக்கிய செயல்பாடு உடலில் வளர்சிதை மாற்ற செயல்பாட்டில் தன்னை ஈடுபடுத்திக் கொள்வதும், இரத்தத்தை சுத்திகரிப்பதும் ஆகும். குறிப்பாக, நாம் உட்கொள்ளும் உணவுகளில் காணப்படக்கூடிய நச்சு கூறுகளை இது நீக்கி, செரிமான செயல்முறை எந்த பிரச்சனையும் ஏற்படாமல் பாதுகாக்க உதவுகிறது. மேலும் இது உடலில் இருந்து தீங்கு விளைவிக்கும் நச்சுக்களை தானாகவே வடிகட்டி, சிறுநீர் மற்றும் வியர்வை மூலம் நீக்குகிறது. எனவே கல்லீரலில் எந்த காரணத்திற்காகவும் பிரச்சனை இல்லாமல் இருப்பதை உறுதி செய்ய வேண்டும்.
இந்த பதிவும் உதவலாம்: கொழுப்பு கல்லீரல் நோய் அபாயத்தைக் குறைக்க உங்க சமையலில் இந்த எண்ணெய்களை சேர்த்துக்கோங்க
வெதுவெதுப்பான நீர் குடிப்பது கல்லீரல் ஆரோக்கியத்திற்கு உதவுமா?
பொதுவாக நாம் உட்கொள்ளக்கூடிய உணவுகளில் காணப்படும் தேவையற்ற கழிவுகள் சில சமயங்களில் செரிமான செயல்முறைக்கு உட்படாமல் உடலில் தங்கிவிடலாம். இது இறுதியில் நச்சுப் பொருட்களாக மாறுகிறது. இவை கல்லீரலின் மீதான அழுத்தத்தை அதிகரிப்பது மட்டுமல்லாமல், அதன் அன்றாட செயல்பாட்டையும் தடுக்கிறது. எனவே இந்த உடல்நலப் பிரச்சினைகளைத் தவிர்க்க, காலையில் வெறும் வயிற்றில் வெதுவெதுப்பான நீரைக் குடிக்கும் பழக்கத்தை ஏற்படுத்துவது மிகவும் நல்லது.
கொழுப்பு கல்லீரலைக் குணப்படுத்த காலையில் குடிக்க வேண்டிய பானங்கள்
வெதுவெதுப்பான நீர் மட்டுமல்லாமல், அதில் சில எளிய பொருட்களைச் சேர்ப்பது கொழுப்பு கல்லீரல் நிலையை குணப்படுத்தவும் இயற்கையாகவே மீட்கவும் உதவுகிறது. இந்நிலையைத் திறம்பட நிவர்த்தி செய்ய சில பானங்களைக் காணலாம். இதைக் காலையில் எழுந்தவுடன் வெறும் வயிற்றில் குடிப்பதன் மூலம், உடலில் இருந்து நச்சுப் பொருள்கள் சிறுநீர் மூலம் வெளியேற்றப்படுகின்றன.
எலுமிச்சை
எலுமிச்சை வைட்டமின் சி மற்றும் ஆக்ஸிஜனேற்றிகள் நிறைந்த சிறந்த மூலமாகும். காலையில் வெறும் வயிற்றில் எலுமிச்சைச்சாறு கலந்த வெதுவெதுப்பான நீர் அருந்துவது கல்லீரலில் உள்ள கொழுப்பின் அடுக்கைக் குறைக்கவும், அமைப்பை நச்சு நீக்கவும் உதவுகிறது. மேலும் இது சிறந்த செரிமானத்திற்கும், கல்லீரல் செயல்பாட்டை அதிகரிக்கவும் உதவுகிறது.
இஞ்சி
இது அழற்சி எதிர்ப்பு பண்புகள் நிறைந்ததாகும். இவை ஒட்டுமொத்த செரிமான ஆரோக்கியத்திற்கும் பங்களிக்கிறது. சில ஆராய்ச்சிகளில், இஞ்சி எடுத்துக் கொள்வது கல்லீரல் ஆரோக்கியத்திற்கான சாத்தியமான நன்மைகளை அளிக்கவும், கல்லீரலில் கொழுப்பு படிவதைக் குறைக்கவும் உதவுகின்றன.
மஞ்சள்
மஞ்சளில் உள்ள செயலில் உள்ள சேர்மமான குர்குமின், அழற்சி எதிர்ப்பு மற்றும் ஆக்ஸிஜனேற்ற பண்புகளைக் கொண்டதாகும். இவை இயற்கையாகவே ஆல்கஹால் அல்லாத கொழுப்பு கல்லீரல் கோளாறை மாற்றியமைக்க உதவுவதாகக் கூறப்படுகிறது. மேலும் இது கல்லீரல் நிலையை மேம்படுத்த உதவுகிறது.
இந்த பதிவும் உதவலாம்: கொழுப்பு கல்லீரல் பிரச்சனையால் அவதியா? இந்த 5 ட்ரிங்ஸ் குடிங்க போதும்
கிரீன் டீ
இதில் ஆக்ஸிஜனேற்றிகள், குறிப்பாக கேட்டசின்கள் உள்ளது. இவை கல்லீரல் ஆரோக்கியத்தில் அவற்றின் சாத்தியமான நன்மைகளுக்காக ஆய்வு செய்யப்பட்டுள்ளது. இதை அருந்துவது வீக்கத்தைக் குறைக்கவும், ஆக்ஸிஜனேற்ற அழுத்தத்தைக் குறைக்கவும் மற்றும் செல் மீளுருவாக்கத்தை அதிகரிக்கவும் உதவுகிறது.
இது மட்டுமல்லாமல், இந்த தண்ணீரை தினமும் குடிப்பதால் மேலும் சில ஆரோக்கிய நன்மைகளையும் பெறலாம்.
செரிமான ஆரோக்கியம்
காலையில் வெறும் வயிற்றில் வெதுவெதுப்பான நீரைக் குடிப்பது செரிமான செயல்முறையை மேம்படுத்த உதவுகிறது. இது மலச்சிக்கல் போன்ற உடல்நலப் பிரச்சினைகளைக் குறைக்கிறது.
எடையிழப்புக்கு
வெதுவெதுப்பான நீரில் எலுமிச்சை சாறு கலந்து குடிப்பது உடல் எடையைக் கட்டுப்படுத்த உதவுகிறது.
நீரிழப்பைத் தவிர்க்க
வெதுவெதுப்பான நீர் உடலை நீரேற்றமாக வைத்திருக்க உதவுகிறது. இது உறுப்பு செயல்பாட்டை மேம்படுத்துகிறது.
வளர்சிதை மாற்றத்தை மேம்படுத்த
காலையில் வெறும் வயிற்றில் வெதுவெதுப்பான நீர் குடிப்பது உடலின் வளர்சிதை மாற்றத்தை மேம்படுத்த உதவுகிறது.
இந்த பதிவும் உதவலாம்: ஃபேட்டி லிவரை சரிசெய்ய தினமும் நீங்க இந்த செயல்களை செய்ய மறக்காதீங்க
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
