What Should Not Be Eaten With Egg: உணவு குறித்த பல வீடியோக்கள் சமூக ஊடகங்களின் வைரலாகி வருகிறது. இன்ஸ்டாகிராம் பக்கத்தை திறந்தாலே, எங்கு எந்த உணவு சுவையாக கிடைக்கும், மலிவான விலையில் எங்கு சாப்பிடலாம், எந்த உணவை எந்த உணவுடன் சேர்த்து சாப்பிட்டால் சுவை சக்கத்தாக இருக்கும் என்ற ரீல்கள் நிரம்பி வழிக்கிறது. அதில், மிகவும் பிரபலமான ஒன்று “Food Combinations”. இதில், ஒரு உணவுடன் மேலும் சில உணவு பொருட்களை ஒன்றாகக் கலந்து தயாரிப்பதை நாம் பார்த்திருப்போம். இவை ஆரோக்கியத்திற்கு தீங்கு விளைவிப்பதோடு மட்டுமல்லாமல், உணவில் உள்ள ஊட்டச்சத்துக்களையும் அழிக்கிறது.
நம்மில் பலர் முட்டையுடன் டீ, பழங்கள் மற்றும் வேறு சில பொருட்களை சேர்த்து நாம் காலை உணவாக சாப்பிடுவோம். முட்டையில் அதிக புரதம் உள்ளது, அதனுடன் சில பொருட்களை சேர்த்து உட்கொள்ளும் போது, அது உங்களுக்கு தீங்கு விளைவிக்கும். அந்தவகையில், நாம் இன்று முட்டையுடன் என்னென்ன பொருட்களை சேர்த்து சாப்பிடக்கூடாது என இந்த தொகுப்பில் பார்க்கலாம்.
இந்த பதிவும் உதவலாம் : காய்கறிகளை சமைக்காமல் சாப்பிடுவதால் கிடைக்கும் 5 ஆரோக்கிய நன்மைகள்!!!
முட்டையுடன் சேர்த்து சாப்பிடக்கூடாத உணவு பொருட்கள் என்ன?
முட்டை மற்றும் சர்க்கரை
முட்டையுடன் சர்க்கரை உள்ள எதையும் நீங்கள் உட்கொண்டால், அது உங்களுக்கு பெரும் தீங்கை ஏற்படுத்தும். இந்த இரண்டு பொருட்களையும் ஒன்றாக உட்கொள்ளும் போது, அவற்றிலிருந்து உற்பத்தி செய்யப்படும் அமினோ அமிலங்கள் உடலில் நச்சுகளை உருவாக்குகின்றன, இது இரத்தக் கட்டிகளையும் ஏற்படுத்தும். எனவே அதை தவிர்க்க வேண்டும்.
முட்டை மற்றும் வாழைப்பழம்
நம்மில் பலர் காலை உணவாக வாழைப்பழத்தை முட்டையுடன் சேர்த்து சாப்பிடுவோம். இந்த இரண்டு பொருட்களையும் சேர்த்து சாப்பிடுவது உடலுக்கு தீங்கு விளைவிக்கும். முட்டையில் அதிக புரதம் உள்ளது, அதே சமயம் வாழைப்பழத்தில் அதிக பொட்டாசியம் உள்ளது. இவை இரண்டையும் சேர்த்து சாப்பிட்டால் வயிறு அதிகமாவதோடு, ஜீரணிக்க அதிக நேரம் எடுக்கும்.
இந்த பதிவும் உதவலாம் : வெறும் வயிற்றில் வெண்டைக்காய் தண்ணீரை குடிப்பதால் இவ்வளவு நன்மைகளா?
முட்டை மற்றும் தேநீர்
பலர் காலை உணவாக முட்டையுடன் சூடான தேநீர் சாப்பிட விரும்புகிறார்கள். ஆனால் இந்த இரண்டையும் சேர்த்து உட்கொண்டால் உங்கள் செரிமான செயல்பாடு முழுமையாக கெடுத்துவிடும். முட்டையை காஃபின் பொருட்களுடன் சேர்த்து சாப்பிட்டால், அதன் புரத மதிப்பு குறையும். இவற்றை ஒன்றாக உட்கொண்டால் மலச்சிக்கல், அஜீரணம் போன்ற பிரச்சனைகள் ஏற்படும்.
முட்டை மற்றும் இறைச்சி
நீங்கள் இறைச்சியுடன் முட்டையை உட்கொண்டால் அல்லது மற்ற உணவுடன் சேர்த்து வைத்திருந்தால், இந்த கலவை உங்களுக்கு தீங்கு விளைவிக்கும். முட்டையில் உள்ள புரதம் மற்றும் இறைச்சியில் உள்ள கூடுதல் கொழுப்புகள் செரிமானத்தை கெடுக்கும். இவற்றை உட்கொள்வதால் சோர்வாகவும், சோம்பலாகவும் உணரலாம். எனவே, முட்டையை இறைச்சியுடன் சேர்த்து சாப்பிடக் கூடாது.
இந்த பதிவும் உதவலாம் : க்ரீன் டீயில் என்ன கலந்து குடிக்கலாம்? ஆரோக்கியமான க்ரீன் டீயை இனி சுவையாக மாற்றலாம்.
முட்டை மற்றும் சோயா பால்
முட்டையுடன் சோயா பால் எடுத்துக் கொண்டால், அது அஜீரணம் மற்றும் மலச்சிக்கலையும் ஏற்படுத்தும். முட்டைகளைப் போலவே, சோயா பாலிலும் புரதம் அதிக அளவில் காணப்படுகிறது, இதன் காரணமாக அவற்றை ஒன்றாக உட்கொள்வது செரிமான செயல்முறைக்கு தீங்கு விளைவிக்கும். அதிகப்படியான புரதம் இருப்பதால் மற்ற ஊட்டச்சத்துக்களை உடல் உறிஞ்சுவதற்கு நேரம் எடுக்கும்.
இந்த பதிவும் உதவலாம் : தினையின் வகை மற்றும் ஆரோக்கிய நன்மைகளை ஆராய்வோம்?
முட்டை மற்றும் பிற பால் பொருட்கள்
பால், தயிர், பாலாடைக்கட்டி அல்லது சீஸ் ஆகியவற்றை முட்டையுடன் உட்கொள்ளக்கூடாது. முட்டையுடன் பால் பொருட்களிலும் அதிக புரதச்சத்து உள்ளது. கூடுதலாக, அவற்றை உட்கொள்வது உங்களுக்கு கனமாக இருக்கும், இது அஜீரணம், வாயு மற்றும் மலச்சிக்கல் போன்ற பிரச்சனைகளை ஏற்படுத்தும்.
Pic Courtesy: Freepik