$
Why Mosquito Bites More At Night And How To Prevent It: ஆண்டுதோறும், ஆகஸ்ட் 20 ஆம் நாள் அன்று, உலக கொசு தினம் அனுசரிக்கப்படுகிறது. இது முதன் முதலில் 1897 ஆம் ஆண்டில் பெண் கொசுக்கள் மலேரியாவை மனிதர்களுக்கு பரப்புகிறது என்பதை கண்டறிந்ததன் வாயிலாக அனுசரிக்கப்பட்டது. இதனை சர் ரொனால்ட் ரோஸ் என்பவர் கண்டறிந்தார். அதன் படி, மலேரியா நோயிலிருந்து மக்களைத் தடுக்கும் வகையிலேயே, மலேரியா நோய்க்கான காரணத்தைப் பற்றி விழிப்புணர்வை மக்களிடையே பரப்புவதற்கு இந்த தினம் உருவாக்கப்பட்டது.
19 ஆம் நூற்றாண்டில், உலக மக்கள் தொகையில் கிட்டத்தட்ட பாதி பேர் மலேரியாவால் பாதிக்கப்பட்டு, இன்றும் அதன் தாக்கம் அதிகரித்து காணப்படுகிறது. அது மட்டுமல்லாமல், இன்றளவும் கொசுக்களால் பரவும் நோய்கள் இன்னும் பரவி வருவதுடன், சிகிச்சையளிப்பது கடினமாகவும் உள்ளது. ஒவ்வொரு ஆண்டும் மலேரியாவால் பலர் மரணமடைகின்றனர். உலக சுகாதார அமைப்பின் (WHO) கூற்றுப்படி, ஆண்டுதோறும் மலேரியாவால் சுமார் 4,00,000 இறப்புகள் ஏற்படுவதாகக் கூறப்படுகிறது. மலேரியாவைத் தவிர, டெங்கு உள்ளிட்ட பல்வேறு நோய்களும் கொசுக்களால் பரவக்கூடியதாகும்.
இந்த பதிவும் உதவலாம்: Cold Home Remedies: சளியுடன் போராட்டமா.? வீட்டு வைத்தியம் இருக்க கவலை எதுக்கு.!
இரவில் கொசுக்கள் அதிகம் பரவுவது ஏன்?
பொதுவாக, கொசுக்கள் பரவுவதன் காரணமாக மலேரியா, டெங்கு, சிக்கன்குனியா போன்ற பல்வேறு நோய்களின் தாக்கங்களும் அதிகரிக்கிறது. கொசு பரவுதலின் காரணமாக தினமும் இந்த நோய்கள் அதிக எண்ணிக்கையில் பதிவாகி வருகிறது. இந்த சுகாதார தாக்கங்களிலிருந்து நாம் நம்மைக் காத்துக் கொள்ள வேண்டியது மிகவும் அவசியமாகக் கருதப்படுகிறது.
இந்நிலையில் கொசுக்கள் இரவில் அதிகமாகக் கடிப்பதாகக் கூறப்படுகிறது. ஏனெனில், தூங்கும் போது கொசுக்களை அடிப்பது குறைவாகும். இதில் மக்கள் தூங்கும் போது உடலால் உற்பத்தி செய்யப்படும் வெப்பத்தை அவர்கள் உணர முடியும் என்பதால் கொசுக்கடி நிகழ்கிறது. மேலும், உறங்கும் போது, கொசுக்கள் விரும்பும் பல இரசாயனங்களை நம் உடல் உற்பத்தி செய்வதன் மூலம் இது நிகழ்கிறது.
இரவில் தூங்கும் போது கொசு கடிக்காமல் இருக்க உதவும் வழிகள்
இரவு நேரத்தில் உறங்கும் போது கொசு கடிக்காமல் இருக்க சில ஆரோக்கியமான வழிகளை மேற்கொள்ளலாம்.
முழு ஆடைகளை அணிவது
இரவில் தூங்கும் போது உடலில் சருமம் வெளியில் தெரியாதவாறு முழு உடலையும் மறைத்துக் கொள்ள வேண்டும். இவ்வாறு கைகள், மற்றும் கால்களை முழுமையாக மூடுவதன் மூலம் கொசு கடிப்பதைத் தடுக்க முடியும். எனவே இரவில் தூங்கும் போது முழு உடலையும் மறைக்குமாறு முழுமையான ஆடைகளை அணிந்து கொள்ள வேண்டும்.
கொசு வலைகள் பயன்பாடு
இரவில் உறங்கும் போது, கொசு வலைகளைப் பயன்படுத்துவது மிகவும் சிறந்த வழியாகும். இது பழங்கால வழக்கமாக இருப்பினும், கொசுக்களை விரட்ட சிறந்த தேர்வாக அமைகிறது. கொசு விரட்டி பயன்பாட்டில் ஒவ்வாமை பிரச்சனைகள் இருப்பின், கொசுக்கடியிலிருந்து பாதுகாத்துக் கொள்ள கொசு வலை பயன்பாடு சிறந்த வழியாகக் கருதப்படுகிறது.
இந்த பதிவும் உதவலாம்: Tea for Headache: தலைவலிக்கு மாத்திரை எல்லாம் வேணாம்! இந்த ஒரு டீ குடிங்க போதும்
கொசு விரட்டி பயன்பாடு
கொசுக்களை விரட்டுவதற்கு இரவில் பாதுகாப்பான மற்றும் சான்றளிக்கப்பட்ட கொசு விரட்டியைப் பயன்படுத்தலாம். இதை வெளிப்புறத் தோலில் தடவுவதன் மூலம் கொசுக்களைத் தவிர்க்க முடியும். மேலும் காயம், வெட்டு அல்லது வீக்கமடைந்த தோல் போன்றவற்றில் இதைப் பயன்படுத்துவதைத் தவிர்க்க வேண்டும். மேலும், கண்கள் அல்லது வாய்க்கு அருகில் இதைப் பயன்படுத்தக் கூடாது. இயற்கையான கொசு விரட்டிகளின் உதவியுடன் இரவில் கொசுக்களைத் தவிர்க்கலாம்.
காற்றின் வேகத்தை அதிகப்படுத்துதல்
தூங்கும் போது அறையில் மின்விசிறியைப் பயன்படுத்தும் போது, அது குறைவாக இருந்தால் கொசுக்கள் கடிப்பதற்கான அபாயத்தை அதிகரிக்கிறது. எனவே, விசிறியின் வேகத்தை அதிகரிக்க அதிவேக மின்விசிறியைப் பயன்படுத்துவதன் மூலம் கொசுக்கடியிலிருந்து விடுபடலாம்.
இந்த வகை வழிமுறைகளைப் பின்பற்றுவதன் மூலம் இரவில் ஏற்படும் கொசுக்கடி அபாயத்திலிருந்து விடுபட முடியும்.
இந்த பதிவும் உதவலாம்: World Mosquito Day: எந்த பக்கம் போனாலும் கொசு கடி.. உடம்பெல்லாம் தடிப்பு.. தவிர்க்க வழிதான் என்ன.?
Image Source: Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
