$
Benefits Of Multani Mitti For Face Whitening: சரும பராமரிப்பில் பல நூற்றாண்டுகளாக முல்தானி மிட்டி மிகுந்த நன்மை பயக்கிறது. இது முகத்தில் உள்ள மந்தமான தன்மையை நீக்குவதுடன் கருமை, பருக்கள் மற்றும் முகப்பரு பிரச்சனைகளையும் நீக்குகிறது. அது மட்டுமல்லாமல், சிலர் முல்தானி மிட்டியை உடல் முழுவதும் பயன்படுத்துகின்றனர். இது அரிப்பு மற்றும் சரும பிரச்சனைகளைக் குறைக்கிறது. முல்தானி மிட்டி சருமத்திற்கு மிகவும் நன்மை பயக்கும்.
எனினும், இதனை எத்தனை முறை உபயோகிக்கலாம் என்பது குறித்து பலரும் தெரியாத ஒன்று. ஏனெனில் முல்தானி மிட்டியின் அதிகப்படியான பயன்பாடு சருமத்திற்குத் தீங்கு விளைவிக்கலாம். இதில் வாரத்திற்கு எத்தனை முறை முல்தானி மிட்டியை சருமத்தில் பயன்படுத்துவது நன்மை பயக்கும் என்று புது தில்லியைச் சேர்ந்த அபிவ்ரித் அழகியல் துறையின் அழகுக்கலை நிபுணரும் தோல் நிபுணருமான டாக்டர். ஜதின் மிட்டல் அவர்கள் சில தகவல்களைப் பகிர்ந்துள்ளார்.
இந்த பதிவும் உதவலாம்: Multani Mitti For Skin: கண்ணாடி போல மினு மினு சருமத்திற்கு முல்தானி மிட்டியை இப்படி யூஸ் பண்ணுங்க
முல்தானி மிட்டியை வாரத்திற்கு எத்தனை முறை முகத்தில் பயன்படுத்தலாம்?
பொதுவாக, சருமத்திற்கு சந்தையில் கிடைக்கும் பொருள்களைப் பயன்படுத்துவதற்குப் பதிலாக வீட்டு வைத்தியம் பயன்படுத்துவது மிகுந்த நன்மை பயக்கும். எனினும் அவை குறைந்த அளவுகளில் பயன்படுத்தப்பட வேண்டும். ஏனெனில் அதன் அதிகப்படியான பயன்பாடு சருமத்திற்கு சேதத்தை ஏற்படுத்தலாம். அதே போல, முல்தானி மிட்டிக்கும் வரம்பு உண்டு. அதன் படி, முல்தானி மிட்டியை ஒரு வாரம் முழுவதும் அடிக்கடி பயன்படுத்துவது சரும வறட்சியை ஏற்படுத்தும். அது மட்டுமல்லாமல், வேறு சில பிரச்சனைகளையும் சந்திக்க வேண்டியிருக்கும். எனினும், ஒரு வாரத்தில் எத்தனை முறை முல்தானி மிட்டியை முகத்தில் தடவ வேண்டும்? என்ற கேள்வி அனைவருக்கும் எழும்.
இது தொடர்பாக நிபுணர்கள் கூறுகையில், ஒவ்வொரு வாரமும் முல்தானி மிட்டியை முகத்தில் தடவக் கூடாது. மாற்றாக, மூன்று வாரங்களுக்கு ஒருமுறை முல்தானி மிட்டியைப் பயன்படுத்துவது மிகவும் நல்லது. இதை தினமும் முகத்தில் தடவுவதை தவிர்க்க வேண்டும். இவ்வாறு முல்தானி மிட்டி உதவியுடன் முகத்தில் உள்ள எண்ணெய் பசையை நீக்கலாம். ஆனால், அடிக்கடி முல்தானி மிட்டியைப் பயன்படுத்துவதால், முகத்தின் இயற்கையான எண்ணெயைப் பாதிக்கலாம். எனினும், முல்தானி மிட்டியைப் பயன்படுத்தும் போது சருமத்திற்கு தீங்கு விளைவிக்கும் எனில், அத்தகைய தோல் பொருள்களைப் பயன்படுத்த வேண்டாம் என்பதை நினைவில் கொள்ள வேண்டும்.
முல்தானி மிட்டியை சருமத்தில் எவ்வாறு பயன்படுத்துவது?
முல்தானி மிட்டியைப் பயன்படுத்துவதற்கு பல்வேறு வழிகள் உள்ளது.
- முல்தானி மிட்டியில் சந்தனப் பொடியைச் சேர்த்து தண்ணீரில் கலக்க வேண்டும்.
- பிறகு இதை முகத்தில் தடவ வேண்டும்.
- இது உலர்ந்த பிறகு, முகத்தைக் கழுவிக் கொள்ளலாம்.
- இவ்வாறு செய்வதன் மூலம் முகம் பளபளப்பாகவும் அழகாகவும் மாறுகிறது.
- இது தவிர, பால் அல்லது ரோஸ் வாட்டருடன் முல்தானி மிட்டியுடன் சேர்த்து சருமத்தில் தடவுவதன் மூலம் நன்மைகளைப் பெறலாம்.
இந்த பதிவும் உதவலாம்: சரும பிரச்சினைகளில் இருந்து நிவாரணம் பெற முல்தானி மிட்டியை இப்படி யூஸ் பண்ணுங்க!
முல்தானி மிட்டியை எப்போது பயன்படுத்தக்கூடாது?
பொதுவாக, அனைத்து வகையான சருமத்திற்கும் முல்தானி மிட்டி மிகுந்த நன்மை பயக்கும். எனவே இந்த செய்முறையை அனைவரும் பயன்படுத்தலாம். குறிப்பாக, அதிக எண்ணெய் பசை சருமத்தைக் கொண்டவர்கள் முல்தானி மிட்டியால் செய்யப்பட்ட ஃபேஸ் பேக்குகளைக் கட்டாயம் பயன்படுத்த வேண்டும். எனினும், இதைப் பயன்படுத்துவதைத் தவிர்க்க சில நிபந்தனைகள் உள்ளது.
- சருமம் உணர்திறன் கொண்டதாக இருப்பதால், முல்தானி மிட்டியால் செய்யப்பட்ட ஃபேஸ் பேக்குகளைப் பயன்படுத்துவதைத் தவிர்க்க வேண்டும். ஏனெனில் இது சருமத்தில் பிரச்சனைகளை ஏற்படுத்தலாம்.
- சருமம் மிகவும் வறண்டு இருப்பின், அவர்களும் முல்தானி மிட்டியால் செய்யப்பட்ட ஃபேஸ் பேக்குகளைப் பயன்படுத்தக் கூடாது. இவர்கள் பயன்படுத்த விரும்பினால், குறைவாகவே பயன்படுத்த வேண்டும். ஏனெனில், வறண்ட சருமத்தைக் கொண்டவர்களுக்கு முல்தானி மிட்டியைப் பயன்படுத்துவது, தோலில் உள்ள எண்ணெய் எதுவாக இருந்தாலும், முல்தானி மிட்டி உறிஞ்சி கொள்ளும். இது சருமத்தை மேலும் வறண்டதாக உணரத் தொடங்குகிறது.
இவ்வாறு சருமத்திற்கு முல்தானி மிட்டியை பயன்படுத்துவதன் மூலம் பல்வேறு நன்மைகளைப் பெறலாம்.
இந்த பதிவும் உதவலாம்: Multani Mitti For Face: முல்தானி மிட்டியை இப்படி பயன்படுத்துனா இந்த சரும பிரச்சனைகளே வராதாம்
Image Source: Freepik