Nail Care Tips: அழகான விரல்கள், நீளமான மற்றும் நல்ல வடிவிலான நகங்களை வளர்க்க வேண்டும் என்பது ஒவ்வொரு பெண்ணின் கனவாகும். பெண்களுக்கு மட்டும் அல்ல ஆண்களுக்கும் இது முக்கியம். ஒருவருடன் நீங்கள் அறிமுகமாகும் போது அவர்களுக்கு கைக் கொடுப்பது வழக்கம். அப்படி கைக் கொடுக்கையில் உங்கள் கைதான் நீங்கள் யார் என்பதை உணர்த்தும்.
நகங்களை அழகாக வளர்ப்பது எப்படி?
உங்கள் கைகளில் நகம் முறையற்ற முறையிலும், அழக்கு சேர்ந்து இருப்பதும், கண்ட இடத்தில் வாயில் கடிப்பதும் உங்கள் தோற்ற நிலையையே மாற்றும். அழகான நெயில் பாலிஷ்கள் மற்றும் நெயில் ஆர்ட் மூலம் நகங்கள் கவர்ச்சிகரமாக மாறலாம், ஆனால் அவை நிரந்தரமானவை அல்ல.
நகம் பராமரிக்க எளிய வழிகள்
நகம் வளர்ப்பது என்பது ஒரு நாள் பணி அல்ல. மாதக்கணக்கில் பராமரித்து, உடையாமல் பார்த்துக் கொண்டு வளர்க்க வேண்டும். அப்படி அதிகமாக வளர்த்தாலும் உடையும். சரியான முறையில் நகங்களை பராமரிப்பது எப்படி என பார்க்கலாம்.
நல்ல ஹேர்கட், பளபளப்பான தோல், கவர்ச்சியான நகங்கள் என எல்லாப் பெண்ணும் விரும்புவதுதான். முடி பராமரிப்பு மற்றும் தோல் பராமரிப்பு தவிர, நகம் வளர்ச்சி மிகவும் கடினமான பணியாகும். ஒரு நாளில் 90 சதவீத வேலையை கையால் செய்கிறோம்.
இந்தக் காலத்தில் நகங்கள் உடைவதற்கான வாய்ப்புகள் மிக அதிகம். மேலும் பெண்களுக்கு அழகான நீளமான நகங்கள் கனவு எப்படி நனவாகும். நகங்களை வளர்ப்பது ராக்கெட் அறிவியல் அல்ல. சில டிப்ஸ்களை பின்பற்றினால் அழகான நகங்களை வளர்ப்பது மிகவும் எளிது.
ஈரப்பதம் முக்கியம்
நகங்களுக்கு ஈரப்பதத்தைத் தக்கவைக்கும் திறன் இல்லை. போதுமான ஈரப்பதம் இல்லை என்றால், அவை உலர்ந்த மற்றும் உடையக்கூடியதாக மாறும். அதனால்தான் அவை சிறிது நீளமாக வளரும்போது உடனடியாக உடைந்துவிடும். இந்த சிக்கலைச் சரிபார்க்க, நகங்களுக்கு தேவையான ஈரப்பதத்தை வழங்குவது நல்லது.
வெதுவெதுப்பான தேங்காய் எண்ணெயைக் கொண்டு உங்கள் நகங்களை மசாஜ் செய்தால், உங்கள் நகங்கள் வலுவாகவும் வேகமாகவும் வளரும். தேங்காய் எண்ணெயில் வைட்டமின் ஈ மற்றும் பல ஆக்ஸிஜனேற்றங்கள் உள்ளன. தினமும் இரவில் படுக்கும் முன் நகத்தை வெதுவெதுப்பான தேங்காய் எண்ணெய் கொண்டு மசாஜ் செய்யுங்கள்.
ஆலிவ்
உங்கள் நகங்கள் உடையக்கூடியதாக இருந்தால்.. ஆலிவ் எண்ணெய் உங்களுக்கு நல்ல தீர்வு. ஆலிவ் எண்ணெய் உங்கள் நகங்களின் உள் அடுக்கை ஊடுருவி ஈரப்பதமாக்குகிறது மற்றும் உலர்ந்த நகங்களை குணப்படுத்துகிறது. இது இரத்த ஓட்டத்திற்கும் உதவுகிறது. நகங்களின் வளர்ச்சிக்கு உதவுகிறது.
ஒரு ஸ்பூன் ஆலிவ் எண்ணெயில் சிறிது எலுமிச்சை சாறு சேர்த்து நன்கு கலக்கவும். இதை நகங்களில் தடவி இரவில் படுக்கும் முன் நன்றாக மசாஜ் செய்து கையுறைகளை அணிய வேண்டும். காலையில் நகங்கள் இலகுவாக மாறுவதை நீங்கள் கவனிக்கலாம். மேலும் ஒரு பாத்திரத்தில் ஆலிவ் எண்ணெயை எடுத்து நகங்களை தினமும் 15 நிமிடம் ஊற வைக்கவும். இப்படிப் படிப்படியாகச் செய்வதால், உடையக்கூடிய தன்மை குறைந்து மென்மையாக மாறும். ஊட்டச்சத்தும் கிடைத்து உயரமாக வளரும்.
எலுமிச்சை சாறு
வைட்டமின் சி நக வளர்ச்சிக்கு பயனுள்ளதாக இருக்கும். தினமும் ஐந்து நிமிடங்கள் எலுமிச்சை கொண்டு நகங்களை தேய்க்கவும். பின்னர் வெதுவெதுப்பான நீரில் கழுவவும். இது உங்கள் நகங்கள் வளர உதவுகிறது. நகங்களில் உள்ள பாக்டீரியாக்கள் நீங்கி சுத்தமாகும்.
டிராகன் ஃப்ரூட்
டிராகன் பழம் கொலாஜன் உற்பத்திக்கு உதவுகிறது. நகங்களின் வளர்ச்சிக்கு கொலாஜன் ஒரு முக்கியப் பொருள். நகங்களின் உயிர்ச்சக்தியை அதிகரிக்கிறது. இதில் உள்ள ஆன்டி-ஆக்ஸிடன்ட் பண்புகள் எந்த தொற்று நோய்களையும் தடுக்கிறது.
ஒரு கிண்ணத்தில் சிறிது ஆரஞ்சு சாறு எடுத்து உங்கள் நகங்களை சுமார் 10 நிமிடங்கள் ஊற வைக்கவும். வெதுவெதுப்பான நீரில் கழுவினால், நகங்களுக்கு தேவையான ஈரப்பதம் கிடைக்கும். நல்ல பலன்களைப் பெற, அதை தொடர்ந்து பயிற்சி செய்ய வேண்டும்.
தவிர்க்க வேண்டியவை
நெயில் ஆர்ட், ஜெல் மற்றும் அக்ரிலிக் நகங்கள் மிகவும் அழகாக இருக்கின்றன. ஆனால் இவை பெரும்பாலும் உங்கள் நகங்களை வலுவிழக்கச் செய்யும். இது நகங்களின் வளர்ச்சியையும் தடுக்கிறது.
பயோட்டின் டயட்
பயோட்டின் என்பது நகங்கள் மற்றும் முடியின் வளர்ச்சிக்கு உதவும் வைட்டமின். உங்கள் உணவில் வாழைப்பழம், அவகேடோ போன்ற பயோட்டின் நிறைந்த உணவுகளை உண்ணுங்கள். அதனுடன் பயோட்டின் சப்ளிமென்ட்களையும் எடுத்துக் கொள்ளலாம். நீங்கள் பயோட்டின் சப்ளிமெண்ட்ஸ் எடுக்கத் தொடங்குவதற்கு முன், மருத்துவரை அணுகவும்.
பச்சைக் காய்கறிகள்
பச்சைக் காய்கறிகளை அதிகம் சாப்பிடுங்கள். குறிப்பாக கீரையில் அதிக அளவு ஃபோலிக் அமிலம் மற்றும் வைட்டமின் பி9 உள்ளது. இவை நகங்களின் வளர்ச்சிக்கும், வலிமையூட்டுவதற்கும் பயனுள்ளதாக இருக்கும். தினமும் ஒரு முறையாவது கீரையை சாப்பிட்டால் நகங்கள் வலுவாகவும் நீளமாகவும் வளரும்.
முட்டை பேக்
முட்டை ஓடுகளில் உள்ள கூடுதல் கால்சியம் உங்கள் நகங்களை வலுப்படுத்த உதவுகிறது. முட்டை ஓடுகளை எடுத்து சுத்தம் செய்து அரைத்து பேஸ்ட் செய்யவும். அதன் பிறகு அந்த பேஸ்ட்டை நகங்களில் தடவி சிறிது நேரம் அப்படியே வைக்கவும். இந்த பேக் உங்கள் நகங்கள் வளர உதவும். 
பூண்டு
பூண்டில் செலினியம் அதிகம் உள்ளது. இது நக வளர்ச்சியை ஊக்குவிக்கிறது. உங்கள் விரல் நகங்களை ஒரு பல் பூண்டு கொண்டு தேய்க்கவும். அது உங்களுக்கு மிகவும் காரமாக இருந்தால், நீங்களே பூண்டு எண்ணெயை தயாரிக்கலாம். இந்த பூண்டு எண்ணெயை நெயில் வார்மராக பயன்படுத்தவும். வாரம் ஒருமுறை இதை முயற்சிக்கவும்.
இதையும் படிங்க: இயற்கை முறையில் மேக்கப்பை அகற்ற வேண்டுமா? உங்களுக்கான வழிகள் இதோ!
ஊட்டச்சத்து குறைபாடு நகங்கள் உடைவதற்கு ஒரு காரணம் என்றால், நமது பழக்கவழக்கங்களும் மற்றொரு காரணம். நீங்கள் ஒவ்வொரு நாளும் உங்கள் துணிகளை துவைக்கும் போது அல்லது பாத்திரங்களை சுத்தம் செய்யும் போது, வலுவான சோப்புகள் உள்ளிட்டவைகளுடன் தொடர்பு கொள்கின்றன. எனவே எதிலும் கவனமாக இருப்பது அவசியம். பொதுவாக நீங்கள் எந்தவொரு புதிய முறையையும் தொடங்கும் முன் மருத்துவரை அணுகுவது நல்லது.
Image Source: FreePik