Healing From Toxic Relationships: ஒருவர் இன்னொருவர் மீது அன்பு காட்டுவது, அவர்களுக்கு பாதுகாப்பான உணர்வுகளைத் தருவது என எண்ணற்ற வகையில் நல்ல உறவை எடுத்துக்காட்டாகக் கூறலாம். எனினும், ஒருவர் எந்த சூழ்நிலையில் எப்படி நடந்து கொள்வார் என்பது யாருக்கும் தெரியாது. சிலர் நச்சு உறவால் அவர்கள் மனதளவில் சவாலை எதிர்கொள்கின்றனர். இது போன்ற நச்சு உறவிலிருந்து விடுபடுவது அனைவருக்கும் சவாலான ஒன்றாக அமைகிறது.
ஏனெனில், இந்த நச்சு உறவுகள் பெரும்பாலும் ஆழமான உணர்ச்சி வடுக்களை விட்டுச்செல்கின்றன. மேலும், இதிலிருந்து முன்னேற வேண்டுமெனில் சில அணுகுமுறை தேவைப்படுகிறது. இந்த அணுகுமுறையைக் கையாள்வதன் மூலம் மட்டுமே வாழ்க்கையின் முக்கியமான கட்டத்திற்குச் செல்ல முடியும் மற்றும் வலுவாகவும், மீள்தன்மையுடனும் இருக்க முடியும். இதில் வாழ்க்கையில் ஒருவர் ஏமாற்றமடைந்த பிறகு அதிலிருந்து மீள மேற்கொள்ள வேண்டிய வழிமுறைகள் சிலவற்றைக் காணலாம்.
முக்கிய கட்டுரைகள்
-1751385849349.jpg)
-1745778518611.jpg)
இந்த பதிவும் உதவலாம்: Relationship Mistakes: உறவில் நீங்க மறந்தும் செய்யக்கூடாத விஷயங்கள்!
உறவு பிரிவுக்குப் பின் மேற்கொள்ள வேண்டிய அணுகுமுறைகள்
ஆதரவைத் தேடுதல்
ஒருவர் தங்களுடைய உறவிலிருந்து பிரிந்த வலிக்குப் பிறகு, அவர்கள் தனியாக கடந்து செல்ல வேண்டியதில்லை. இதில் உணர்வுகளை வெளிப்படுத்தவும் ஆதரவைப் பெறவும் பாதுகாப்பான இடத்தை வழங்கக்கூடிய குடும்பத்தினர், நண்பர்கள் அல்லது தொழில்முறை சிகிச்சையாளர்களை அணுகலாம். இந்த சிகிச்சையானது அனுபவங்களைப் புரிந்துகொள்வதற்கும் எதிர்காலத்தில் ஆரோக்கியமான உறவுகளை உருவாக்குவதற்கும் உதவும் வழிகாட்டியாக அமைகிறது.
சுய கவனிப்பில் கவனம்
இது போன்ற சூழ்நிலையில் ஒருவர் சுய பாதுகாப்புக்கு முன்னுரிமை அளிப்பது மிகவும் முக்கியமாகக் கருதப்படுகிறது. எனவே ஒருவர் இந்த சூழ்நிலையில் நிம்மதி மற்றும் மகிழ்ச்சியை வழங்கக் கூடிய செயல்களில் ஈடுபட வேண்டும். மேலும், தியானம், உடற்பயிற்சி, பொழுதுபோக்குகள் போன்றவற்றின் மூலம் மன அழுத்தத்தைக் குறைக்கவும் மற்றும் ஆரோக்கியமான மனநிலையை மேம்படுத்தவும் முடியும். இது தவிர, ஆரோக்கியமான உணவு, சீரான தூக்கம் போன்ற ஆரோக்கியமான வழக்கத்தை பராமரிப்பதும் அவசியமாகும். மேலும், சுய-கவனிப்பு என்பது உடல் ஆரோக்கியம் மட்டுமல்லாமல் மன ஆரோக்கியம் மற்றும் உணர்ச்சி போன்றவற்றைக் குறிக்கிறது. 
அடையாளத்தை உருவாக்குதல்
பொதுவாக, அனைவருக்கும் நச்சு உறவுகளால், அவர்களின் சுய உணர்வை அழிக்கப்படலாம். இந்த நிலையில், அவர்களின் அடையாளத்தை மீண்டும் உருவாக்குவது அவசியமாகும். இது அவர்களின் பழைய பலம், உணர்வுகள் மற்றும் மதிப்புகளை மீண்டும் கண்டுபிடிப்பதை உள்ளடக்கியதாகும். அடையாளத்தை உருவாக்க சுய மதிப்பு மற்றும் சுதந்திர உணர்வை வலுப்படுத்தும் செயல்களில் ஈடுபட வேண்டும். இது தவிர, கல்வியை மேம்படுத்துவது அல்லது புதிய வாழ்க்கைப் பாதையில் இறங்குவது, புதிய பொழுதுபோக்கைத் தொடர்வது போன்றவற்றின் மூலம் மீண்டும் அடையாளத்தை உருவாக்க முடியும். இது வளர்ச்சி மற்றும் நல்வாழ்வை ஆதரிக்கும் நேர்மறையான தாக்கங்களுடன் தொடர்புடையதாகும்.
நேர்மறை எண்ணங்களைத் தழுவுதல்
உங்களைச் சுற்றி நேர்மறையான எண்ணங்கள் இருப்பதை உறுதிப்படுத்திக் கொள்ள வேண்டும். இதில் உங்களை மகிழ்ச்சியடையச் செய்யும் செயல்களில் ஈடுபடுவது, உங்களை மதிப்புமிக்கவர்களாக உணர வைக்கும் அன்புக்குரியவர்களுடன் நேரத்தைச் செலவிடுவது மற்றும் நன்றியுணர்வைக் கடைப்பிடிப்பது போன்றவை இதில் அடங்கும். மேலும், நேர்மறையான காட்சிபடுத்தல்கள், உறுதிமொழிகள் போன்றவற்றின் மூலம் மனதை நம்பிக்கையான பார்வைக்கு மாற்ற வேண்டும்.
இந்த பதிவும் உதவலாம்: Friendship Marriage: இது என்ன புதுஷா இருக்கு? இதெல்லாம் லிஸ்டுலயே இல்லையே!
நேரத்திற்காக காத்திருப்பது
இது உடனடியாக விடுபடக்கூடிய அவசரப்பட முடியாத ஒரு செயல்முறையாகும். இதில் முழுமையாக மீண்டு வர நேரம் எடுக்கும். எனவே இந்த உறவிலிருந்து விலகி இருக்க புதிய உறவில் நுழைய அழுத்தம் கொடுப்பது, விரைவாகச் செல்ல எண்ணுவது போன்றவை வேண்டாம். இதற்கு பதிலாக, தனிப்பட்ட வளர்ச்சி மற்றும் குணப்படுத்துதலில் கவனம் செலுத்த வேண்டும். ஒவ்வொருவரின் பயணமும் தனித்துவமானது மற்றும் அதற்கு ஏற்றாற்போல நேரம் எடுத்துக் கொள்ளும்.
புதிய இலக்குகளை உருவாக்குவது
ஒருவர் புதிய இலக்குகளை அமைப்பதன் மூலம், அவர்களின் நோக்கம் மற்றும் திசையில் மாற்றம் ஏற்படும். இந்த இலக்குகள் தனிப்பட்ட வாழ்க்கை, தொழில் அல்லது பொழுதுபோக்குடன் தொடர்புடையதாக இருக்கலாம். இது தவிர, இது பற்றிய ஆழ்ந்த சிந்தனை இல்லாமல் உங்களை ஊக்குவிக்கும் மற்றும் நம்பிக்கையை அதிகரிக்கும் செயல்களை நோக்கி ஓட வேண்டும். இதன் மூலம் முன்னேற்றம் அடையலாம். 
மற்றவர்களுடன் இணைவது
நல்ல மற்றும் புதிய இணைப்புகளின் உதவியுடன், இந்த பழைய உறவிலிருந்து நாம் விடுபட முடியும். இதில் ஒருவர் அவருக்கு விருப்பமான குழுக்கள் அல்லது வகுப்புகளில் சேர்ந்து ஆர்வங்களைப் பகிர்ந்து கொள்ளும் புதிய நபர்களைச் சந்திக்கலாம். இது அவர்களின் நேர்மறையான எண்ணங்களை மேம்படுத்தும். இந்த தொடர்புகள் மனநிலையை மேம்படுத்தி, அவர்களின் மாற்றங்களுக்கு முக்கிய காரணமாக அமைகிறது.
இது போன்ற அணுகுமுறைகளைக் கையாள்வதன் மூலம் ஏமாற்றத்திலிருந்து விடுபட விரும்புபவர்கள் விரைவில் ஒரு நல்ல நிலைமையை அடைய முடியும்.
இந்த பதிவும் உதவலாம்: Avoid Relationship Stress: உங்க பார்ட்னர் உடன் ஏற்படும் பிரச்சனைகளை எப்படி சரிசெய்வது?