உணவு சாப்பிடும்போது உங்கள் குழந்தைக்கு வியர்க்கிறதா? வல்லுநர்கள் பதில்

இதுகுறித்து நமது Only My Health தளத்திற்கு Dr Harish V S, Senior Consultant Pediatrician and Pediatric Pulmonologist, Apollo Cradle & Children’s Hospital, Chennai கூறிய கருத்துக்களை பார்க்கலாம்.

வியர்ப்பதற்கான காரணங்களைப் புரிந்து கொள்ளுங்கள்

உணவின் போது வியர்வை ஏற்படுவது வழக்கமான ஒன்றாக இருக்கலாம். காரமான அல்லது சூடான உணவுகள் கூட ஒருவேளை காரணமாக இருக்கலாம். உதாரணமாக, மசாலாப் பொருட்களாகப் பயன்படுத்தப்படும் மிளகாயில் கேப்சைசின் உள்ளது, இது வியர்வை சுரப்பிகளைத் தூண்டுவதாக கூறப்படுகிறது.

சில குழந்தைகள் இயற்கையாகவே அதிக அட்ரினலினை உற்பத்தி செய்யலாம், இது வியர்வை சுரப்பிகளை சீராக இயங்கவைக்கும் சிம்பதிடிக் நரம்பு மண்டலத்தால் கட்டுப்படுத்தப்படுகிறது. இதனால் சாப்பிடுவதால் ஏற்படும் இயல்பான உடலியல் விளைவாக வியர்வை வெளிவரும், குறிப்பாக அவர்கள் உணவைப் பற்றி உற்சாகமாகவோ அல்லது ஆர்வமாகவோ இருந்தால்.

சில குறிப்பிட்ட உணவுகளை உண்ணும் போது, ஃப்ரே சிண்ட்ரோம் அல்லது சுவை புலன் சார்ந்த வியர்வை முகம் மற்றும் கழுத்தில் ஏற்படுகிறது. இது மிகவும் அரிதான நிலை என்றாலும், மருத்துவரின் உதவியோடு இதைக் கண்டறிந்து சிகிச்சை அளிக்க முடியும்.

ஹைப்பர் ஹைட்ரோசிஸ் என்பது அதிகப்படியான வியர்வையுடன் தொடர்புடைய ஒரு நிலை, இது சாப்பிடும்போதும் மற்றும் இதர செயல்பாடுகளின் போதும் ஏற்படலாம். இந்த நிலையை சரியான மருத்துவ ஆலோசனை மற்றும் சிகிச்சையின் மூலம் சமாளிக்க முடியும்.

சில நேரங்களில், உணவின் போது வியர்ப்பது தைராய்டு கோளாறுகள், நீரிழிவு நோய் அல்லது இதய நோய்கள் போன்ற சில நோய்களைக் குறிப்பதாகவும் இருக்கலாம். எடை இழப்பு, சோர்வு அல்லது அசாதாரண இதய துடிப்பு போன்ற பிற அறிகுறிகளுடன் வியர்வை வந்தால் மருத்துவரை அணுக பரிந்துரைக்கப்படுகிறது.

சிறந்த பராமரிப்புக்கான உதவிக்குறிப்புகள்:

உங்கள் பிள்ளையின் உணவைக் கண்காணித்து, எந்தெந்த உணவுப் பொருட்கள் அதிக வியர்வையை உண்டாக்குகின்றன என்பதைத் கண்டறியவும். காரமான மற்றும் சூடான உணவுகளைத் தவிர்ப்பது நல்லது.

உணவு உண்ணும் சூழல் குளிர்ச்சியாகவும் வசதியாகவும் இருப்பதை உறுதி செய்யுங்கள்.

அதிக வெப்பத்தைத் தடுக்க போதுமான அளவு திரவ உணவு எடுத்துக் கொள்ள வேண்டும்.

உங்கள் குழந்தைக்கு லேசான, தளர்வான மற்றும் பருத்தி போன்ற ஆடைகளை அணிவிப்பதற்கு அறிவுறுத்தப்படுகிறது.

மேலும் ஆழ்ந்த சுவாசம், கதைசொல்லல் அல்லது உணவுக்கு முன் இசையை ரசித்தல் போன்ற மன அமைதிக்கான செயல்களை செய்யலாம்.

குழந்தைக்கு நீண்ட நாட்களாக அதிகமாக வியர்த்துக் கொண்டிருந்தால், குழந்தை நல மருத்துவரின் உதவியை நாடுவது நல்லது. இதற்கான சிகிச்சை, பரிந்துரைக்கப்பட்ட மருந்துகள், உணவில் மாற்றங்கள் அல்லது ஹைப்பர்ஹைட்ரோசிஸ் போன்ற நோய்களுக்கு அறுவை சிகிச்சை ஆகியவை தேவைப்படலாம்.

உணவின் போது வியர்ப்பது பெற்றோருக்கு கவலையாக இருந்தாலும், இந்த சிக்கலைத் தீர்ப்பதற்கான சாத்தியமான காரணங்கள் மற்றும் வழிகளை அறிவது அவர்களுக்கு உதவியாக இருக்கும்.

உணவளிக்கும் போது குழந்தை வசதியாகவும் ஆரோக்கியமாகவும் இருக்கிறது என்பதை ஒருவர் உறுதி செய்து கொள்ள வேண்டும். தேவைகளுக்கு ஏற்ப தனிப்பட்ட சிகிச்சை விருப்பங்களுக்கு மருத்துவரிடம் ஆலோசனை பெறுவது எப்போதும் முக்கியம். குழந்தைகள் விஷயத்திலும், கர்ப்ப காலத்திலும் சமரசம் என்பதே வேண்டாம், இந்த காலக்கட்டத்தில் ஏதேனும் அசௌகரியத்தை சந்தித்தால் உடனே மருத்துவரை அணுகுவது நல்லது.

Image Source: FreePik