$
சருமத்தில் அலர்ஜி ஏற்படுவது என்பதை யாரும் விரும்புவது கிடையாது. தோல் சிவந்து போவது, வீக்கம், எரிச்சல், கொப்புளங்கள், கட்டிகள், செதில் திட்டுகள், தடிப்புகள் என சருமத்தை பாதிக்கக்கூடிய ஏராளமான பிரச்சனைகள் உள்ளன. இவை ஏற்படுவதற்கான பொதுவான காரணங்கள் குறித்து அறியலாம்.
1. விஷத்தன்மையுள்ள செடிகள்:
விஷத்தன்மையுள்ள செடிகளை தொடும் போதோ, கிள்ளும் போதோ அவை உருஷியோல் என்ற எண்ணெயை வெளியிடுகின்றன. இவை சருமத்தில் தடிப்பு, அரிப்பு, கொப்புளங்கள், எரிச்சல் ஏற்பட காரணமாக அமைகிறது.
2. நிக்கல் அலர்ஜி:
பார்க்க வெள்ளியைப் போல பளபளப்பாக இருக்கும் நிக்கல் என்ற உலோகத்தால் செய்யப்படும் நகைகள், பெல்ட், கண் கண்ணாடி பிரேம்கள், கிளிப்பு ஆகியவற்றை அணியும் போது தோலில் ஒவ்வாமை ஏற்படக்கூடும்.
3.ரப்பர்:
பலூன்கள், கையுறைகள், ரப்பர், எலாஸ்டிக், ஆணுறைகள் போன்ற ரப்பரில் பொருட்கள் ரசாயனத்துடன் கலந்து உருவாக்கப்படுவதால் இவை சருமத்திற்கு சொறி, அரிப்பு, தடிப்பு, எரிச்சல் போன்ற உபாதைகளை தரக்கூடும்.
இந்த பதிவும் உதவலாம்: Monsoon Skin Care: மழைக்காலத்தில் பிசு பிசுப்பான சருமத்தை எவ்வாறு அகற்றுவது? டிப்ஸ் இதோ!
4. ஆடைகள்:
ஆடைகளில் பயன்படுத்தப்படும் தரமற்ற சாயங்கள் மற்றும் சில வகை ரசாயனங்கள் தோலில் சரும பிரச்சனைகள் உருவாக காரணமாக அமைகின்றன.
5.அழகு சாதன பொருட்கள்:
ஷாம்பு, கண்டிஷனர், சன்ஸ்கிரீன், லோஷன் மற்றும் மாய்ஸ்சரைசர்களில் பயன்படுத்தப்படும் ப்ரோமோனிட்ரோப்ரோபேன், டயசோலிடினைல் யூரியா, ஐசோதியாசோலினோன், PABA மற்றும் குவாட்டர்னியம்-15 போன்ற ரசாயனங்கள் சரும பிரச்சனைகளை ஏற்படுத்தக்கூடியவை. இந்த பெயர்கள் நீங்கள் வாங்கும் பொருட்களில் குறிப்பிடப்பட்டிருந்தால் அவற்றை தவிர்ப்பது நல்லது.
6. வாசனை திரவியங்கள்:
பர்ப்யூம், டியோடரண்டின்களில் துர்நாற்றத்தை கட்டுப்படுத்த பயன்படுத்தும் சில வகை ரசாயனங்கள் சருமத்திற்கு தீங்கு விளைவிக்கக்கூடியவை ஆகும்.
7. மருந்து பொருட்கள்:
பூச்சி கடி, தீக்காயம், அரிப்பு, பல் வலி, காது வலி, இருமல், சளி போன்ற பிரச்சனைகளுக்கு மருத்துவரின் அட்வைஸ் இன்றி மருந்துகடைகளில் மருந்து வாங்கும் சில மருந்துகள் ஒவ்வாமையை ஏற்படுத்தக்கூடும்.
8. புற ஊதா கதிர்கள்:
சூரியனின் புற ஊதாக்கதிர்கள் தோல் சிவந்து போதல், எரிச்சல், தடிப்பு, அரிப்பு போன்ற பல்வேறு சரும பிரச்சனைகளை தரக்கூடியது. எனவே வெப்பம் அதிகமாக இருக்கும் போது வெளியே செல்ல நேர்ந்தால், சன்ஸ்கீரின்கள் அல்லது முற்றிலும் கவர் செய்யப்பட்ட ஆடைகளை அணிவது நல்லது.
இந்த பதிவும் உதவலாம்: வாக்ஸ் ஸ்ட்ரிப் பயன்படுத்துவது சருமத்திற்கு பாதுகாப்பானதா நிபுணர்கள் கூறுவது என்ன?
Image Source :Freepik
தகவலின் துல்லியம், நம்பகத்தன்மை, சரியான நேரத்தில் வழங்குதல் மற்றும் உண்மைத்தன்மையை உறுதி செய்ய அனைத்து சாத்தியமான நடவடிக்கைகளும் எடுக்கப்பட்டுள்ளது. இருப்பினும், Onlymyhealth.com இதற்கு எந்தப் பொறுப்பையும் ஏற்காது. இந்த வலைதளத்தில் வழங்கப்படும் எந்தவொரு தகவலையும் பயன்படுத்துவது பார்வையாளர்களின் விருப்பத்திற்கு ஏற்ப மட்டுமே. ஏதேனும் மருத்துவத் தேவைகள்/தொடர்ச்சியான உடல்நலப் பிரச்சினைகள் ஏற்பட்டால், மேலே குறிப்பிடப்பட்டுள்ள வலைத்தளத்தில் எங்கள் குழு அல்லது மூன்றாம் தரப்பினரால் பதில்கள்/கருத்துகள் வடிவில் வழங்கப்படும் எந்தவொரு ஆலோசனை/குறிப்புகளையும் பயன்படுத்துவதற்கு முன்பாக, ஒரு தகுதிவாய்ந்த மருத்துவ பயிற்சியாளரை அணுகுமாறு நாங்கள் உங்களுக்கு அறிவுறுத்துகிறோம்.
How we keep this article up to date:
We work with experts and keep a close eye on the latest in health and wellness. Whenever there is a new research or helpful information, we update our articles with accurate and useful advice.
