Oily Skin Treatment: எண்ணெய் பசை பிரச்சனையை போக்க இரவில் முகத்தில் இதை தடவுங்கள்!

$

Oily Skin Treatment: கோடை காலம் தொடங்கிவிட்டது. இனி வெயிலின் தாக்கம் அதிகமாக இருக்கும். இதனால் முகத்தில் பல்வேறு பிரச்சனைகள் ஏற்படும். பலரும் பல்வேறு வகையான முகப் பிரச்சனைகளால் அவதிப்படுவார்கள். முகப்பரு, எண்ணெய் பசை சருமம் உள்ளிட்ட பல பிரச்சனைகளால் சிரமப்படுவார்கள்.

சொல்லப்போனால் எண்ணெய் பசை பிரச்சனையால் தான் முகத்தில் பல பிரச்சனைகள் ஏற்படும். கோடை காலத்தில் ஏற்படும் எண்ணெய் பசை சரும பிரச்சனையை தவிர்க்க என்ன செய்யலாம் என்பது குறித்து இந்த பதிவில் பார்க்கலாம்.

எண்ணெய் பசை சரும பிரச்சனையை நீக்க தூங்கும் முன் என்ன செய்யலாம்?

சோயா பவுடர் தடவவும்

எண்ணெய் பசை சருமம் உள்ளவர்கள் சோயா பவுடர் பயன்படுத்தலாம். சோயா எண்ணெய் உற்பத்தியைக் கட்டுப்படுத்த உதவுகிறது. கூடுதலாக, இது சருமத்தின் ஈரப்பதத்தை பராமரிக்க உதவுகிறது. இதற்கு சோயாபீன் எடுத்துக் கொள்ளுங்கள்.

அவற்றை நன்றாக அரைத்து, சிறிது தண்ணீர் சேர்க்கவும். இப்போது இந்த பேஸ்ட்டை உங்கள் முகத்தில் தடவவும். இதனால் எண்ணெய் பசை சருமத்தில் இருந்து நிவாரணம் கிடைக்கும்.

உளுந்து மாவு பேஸ்ட்

உளுந்து மாவு எண்ணெய் சருமத்திற்கு மிக நன்மை பயக்கும். எண்ணெய் பசை சருமம் உள்ளவர்கள் உளுந்து மாவைப் பயன்படுத்தலாம். உளுந்து மாவு சருமத்தின் ஒட்டும் தன்மையை குறைக்க உதவுகிறது. இதற்கு உளுத்தம்பருப்பு, சந்தனப் பொடி எடுத்து ஒன்றாக அரைக்கவும்.

இதனுடன் ரோஸ் வாட்டரை கலந்து முகத்தில் தடவவும். பின் 15-20 நிமிடம் கழித்து முகத்தை கழுவவும். இது சருமத்தின் நிறத்தையும் மேம்படுத்துகிறது. இரவு தூங்கும் முன் உளுந்து மாவை முகத்தில் தடவலாம்.

அலோ வேரா ஜெல்

எண்ணெய் பசை சருமம் உள்ளவர்களும் கற்றாழையை முகத்தில் தடவலாம். உண்மையில், முகப்பரு மற்றும் எண்ணெய் சரும பிரச்சனை வராமல் தடுக்க கற்றாழையைப் பயன்படுத்தலாம். கற்றாழை வெடிப்புகளைத் தடுக்க உதவுகிறது.

எண்ணெய் பசையுள்ள சருமத்தில் கற்றாழையை இரவில் தூங்கும் முன் தடவலாம். இது சருமத்தை ஈரப்பதத்துடன் வைத்திருப்பதோடு, சருமம் தெளிவாகவும் சுத்தமாகவும் இருக்கும்.

முல்தானி மிட்டி

முல்தானி மிட்டி எண்ணெய் சருமத்திற்கு மிகவும் பயனுள்ளதாக கருதப்படுகிறது. முல்தானி மிட்டி சருமத்தில் எண்ணெய் உற்பத்தியை குறைக்கிறது. இது சருமத்தின் ஒட்டும் தன்மையை நீக்குகிறது. அதுமட்டுமின்றி சருமம் பளபளப்பாகவும் அழகாகவும் மாற்ற இது உதவுகிறது.

இரவில் தூங்கும் முன் முல்தானி மிட்டியை எண்ணெய் பசை சருமத்தில் தடவலாம். இதற்கு முல்தானி மிட்டியை எடுத்துக் கொள்ளுங்கள். அதில் ரோஸ் வாட்டரை கலந்து முகத்தில் தடவவும். பின் அரை மணி நேரம் கழித்து முகத்தை தண்ணீரில் சுத்தம் செய்யவும்.

இவை அனைத்தும் எண்ணெய் பசை சரும பிரச்சனையை போக்க உதவும் என்றாலும் உங்கள் தோலில் ஏதும் தீவிர பிரச்சனை இருந்தால் இதுபோன்ற நடவடிக்கை எடுக்கும் முன் தோல் மருத்துவர் ஆலோசனை பெறுவது நல்லது.

Pic Courtesy: FreePik