Hair Damage Treatment: பெரும்பாலான மக்கள் குளிர்காலத்தில் உலர் முடி பிரச்சனையால் பாதிக்கப்படுகின்றனர். இந்த பருவத்தில், உங்கள் தலைமுடியை ஸ்டைல் செய்யவும் குளித்த பின் காயவைக்கவும் வெப்பமூட்டும் கருவிகளை பயன்படுத்துவது வழக்கமான செயலாகிவிட்டது. ஆனால் இதனால் உங்கள் முடி மேலும் சேதமடையக்கூடும்.
குளிர்காலத்தில் சேதமடைந்த முடியை சரிசெய்வது கடினமான வேலை. சேதமடைந்த முடி வறண்ட மற்றும் உயிரற்றதாக தோன்றுகிறது, இதற்காக மக்கள் விலையுயர்ந்த பொருட்களைப் பயன்படுத்துகிறார்கள்.
இருப்பினும், இந்த தயாரிப்புகளின் விளைவு நீண்ட காலத்திற்கு முடியில் இருக்காது. நீங்கள் உங்கள் சேதமடைந்த முடியை நிரந்தரமாக சரிசெய்ய விரும்பினால் அதற்கான சில டிப்ஸ்கள் இங்கே வழங்கப்பட்டுள்ளது.
சேதமடைந்த முடியை சரிசெய்ய குறிப்புகள்
எண்ணெய் தடவிய பின் ஸ்டீம் எடுத்துக் கொள்ளலாம்
சேதமடைந்த முடியை சரிசெய்ய, ஒவ்வொரு முறையும் உங்கள் தலைமுடியை ஷாம்பு செய்யும் போது, ஷாம்பு செய்வதற்கு முன், வெதுவெதுப்பான பாதாம் அல்லது ஆலிவ் எண்ணெயைக் கொண்டு லேசாக மசாஜ் செய்வது நல்லது. ஷாம்பு போடுவது உச்சந்தலையில் இரத்த ஓட்டத்தை மேம்படுத்தும், இது முடியின் தரத்தை பாதிக்கும்.
எனவே ஷாம்பு போட்டு எண்ணெய் தடவிய பின், முடிக்கு நீராவி எடுத்துக் கொள்ளவும். ஸ்டீம் எடுத்துக் கொள்வதன் மூலம் முடியின் பளபளப்பை திரும்பப் பெறலாம்.
வீட்டில் தயாரிக்கப்பட்ட கண்டிஷனர்
சேதமடைந்த முடியை சரிசெய்ய வீட்டில் தயாரிக்கப்பட்ட கண்டிஷனரைப் பயன்படுத்தவும். இதற்கு பழுத்த வாழைப்பழத்தை முட்டை கலந்து தலையில் தடவலாம். 
இதோடு, முட்டையை ஆலிவ் ஆயில் கலந்து கண்டிஷனராகவும் பயன்படுத்தலாம். இந்த கலவையை தலைமுடியில் தடவி 30-40 நிமிடங்கள் விடவும். அதன் பிறகு லேசான ஷாம்பு கொண்டு முடியை சுத்தம் செய்யவும். வீட்டில் தயாரிக்கப்பட்ட கண்டிஷனரைப் பயன்படுத்தி, உலர்ந்த மற்றும் உயிரற்ற முடியை சரிசெய்ய முடியும்.
ஹேர் மாஸ்க்
சேதமடைந்த முடியை நீங்கள் சரிசெய்ய விரும்பினால், முதலில் செயற்கை வெப்பமூட்டும் கருவிகளைப் பயன்படுத்துவதை நிறுத்திவிட்டு, வாரத்திற்கு ஒரு முறையாவது ஹேர் மாஸ்க்கைப் பயன்படுத்துங்கள். குளிர்ந்த காலநிலையில், பகலில் ஹேர் மாஸ்க்கைப் பயன்படுத்துங்கள்.
ஏனெனில் காலையிலும் மாலையிலும் ஹேர் மாஸ்க் போடுவது உங்களுக்கு குளிர்ச்சியாக இருக்கும். வீட்டிலேயே ஹேர் மாஸ்க் தயாரிக்க, தயிருடன் தேன் கலந்து தடவலாம். தயிரில் உள்ள சத்துக்கள் முடியை சீர்செய்யவும், தேன் கூந்தலுக்கு ஊட்டமளிக்கவும் உதவும்.
தயிர் மற்றும் தேன் கலந்த ஹேர் மாஸ்க்கைப் பயன்படுத்துவதால், வறண்ட உச்சந்தலை மற்றும் பொடுகு பிரச்சனையில் இருந்து நிவாரணம் கிடைக்கும்.
இந்த எளிய குறிப்புகளை பின்பற்றுவதன் மூலம், குளிர்காலத்தில் சேதமடைந்த முடியை சரிசெய்யலாம். உங்கள் தலைமுடியில் அதிக பிரச்சனைகள் இருந்தால், மருத்துவரை அணுகவும்.
Pic Courtesy: FreePik