பெண்களின் உடல் அமைப்பில் யோனி (Vagina) என்பது மிகவும் நுணுக்கமானதும், ஆரோக்கியத்தில் பிரதான பங்கும் வகிக்கும் பகுதியும் ஆகும். ஆனால், பல பெண்கள் உடலுறவுக்குப் பிறகு அந்த பாகத்தை சுத்தம் செய்வதில் அலட்சியம் காட்டுகின்றனர். இது பல்வேறு தொற்று நோய்கள், அரிப்பு, துர்நாற்றம், சிறுநீர் பாதை நோய்கள் போன்ற பிரச்சினைகளை ஏற்படுத்தக்கூடும் என மருத்துவ நிபுணர்கள் எச்சரிக்கின்றனர்.
உடலுறவுக்குப் பிறகு பிறப்புறுப்பை சுத்தம் சுத்தம் செய்ய வேண்டிய அவசியம்
* தொற்று நோய்கள் தடுப்பு – உடலுறவின் போது பாக்டீரியா, வைரஸ் போன்றவை யோனிக்குள் செல்ல வாய்ப்புள்ளது. சுத்தம் செய்யாமல் விட்டால் யோனி தொற்று (Vaginal infection) மற்றும் சிறுநீர் பாதை தொற்று (UTI) ஏற்படும்.
* துர்நாற்றம் தவிர்ப்பு – சுத்தம் செய்யாமல் இருந்தால் வெறுப்பூட்டும் துர்நாற்றம் ஏற்படும்.
* ஆரோக்கியமான சுரப்பி சமநிலை – யோனியில் இயற்கையான சுரப்பிகள் உள்ளன. அவற்றின் pH சமநிலை குலைந்தால் அரிப்பு, கரகரப்பு, வெள்ளைப்படுதல் போன்ற பிரச்சினைகள் தோன்றும்.
உடனடியாக பின்பற்ற வேண்டிய எளிய வழிமுறைகள்
* சிறுநீர் கழிக்க வேண்டும் – உடலுறவுக்குப் பிறகு உடனடியாக சிறுநீர் கழிப்பது முக்கியம். இது உடலுக்குள் சென்றிருக்கும் கிருமிகளை வெளியேற்றும்.
* தண்ணீரால் மட்டும் கழுவுதல் – யோனியை சுத்தம் செய்ய சாதாரண வெதுவெதுப்பான தண்ணீரே போதும். மிகுந்த சோப்பு, கெமிக்கல் வாஷ், வாசனை தரும் intimate wash போன்றவற்றை தவிர்க்க வேண்டும்.
* மெதுவாக துடைக்க வேண்டும் – கைக்குட்டையால் கடினமாக துடைக்காமல், மென்மையான துணியால் மெதுவாக துடைக்க வேண்டும்.
* காட்டன் உடை அணியுங்கள் – சுத்தம் செய்த பிறகு காற்றோட்டம் உள்ள காட்டன் உடை அணிவது யோனி பகுதியில் வியர்வை மற்றும் ஈரப்பதத்தை குறைக்கும்.
* வெதுவெதுப்பான நீரில் குளித்தல் – சாத்தியமானால் உடலுறவுக்குப் பிறகு வெதுவெதுப்பான நீரில் குளிப்பது மிகச் சிறந்தது.
தவிர்க்க வேண்டிய பழக்கங்கள்
* கெமிக்கல் சோப்புகள் பயன்படுத்த வேண்டாம் – யோனியின் இயற்கை pH மதிப்பை கெடுக்கும்.
* மிகுந்த வாசனை உள்ள Intimate Wash – சில பெண்கள் அதனை அதிகமாக பயன்படுத்துவது யோனிக்குள் பிரச்சினை ஏற்படுத்தும்.
* அதிக அழுத்தமாக சுத்தம் செய்வது – யோனியை மிகுந்த அழுத்தத்துடன் துடைப்பது தோல் பாதிப்பை ஏற்படுத்தும்.
வீட்டிலேயே செய்யக்கூடிய பாதுகாப்பான பராமரிப்பு முறைகள்
* தண்ணீரில் சிறிது வெந்தயம் ஊற வைத்து அந்த நீரை பயன்படுத்தலாம். இது இயற்கையான கிருமி நாசினி.
* துளசி அல்லது வேப்பிலை இலைகள் ஊறவைத்து அந்த நீரை சுத்தம் செய்யலாம்.
* தேன் மற்றும் தயிர் – இயற்கையான ப்ரோபயாட்டிக் உணவுகள். அவற்றை சாப்பிடுவது யோனி ஆரோக்கியத்திற்கு நல்லது.
எச்சரிக்கை
பெண்கள் உடலுறவுக்குப் பிறகு யோனி சுத்தம் செய்வது ஒரு மிக அவசியமான பழக்கம். அலட்சியம் காட்டுவது தொற்று நோய்களுக்கு வழிவகுக்கும். சோப்பு, intimate wash அதிகம் பயன்படுத்தாமல், வெதுவெதுப்பான தண்ணீரால் மட்டும் சுத்தம் செய்வதே சிறந்தது.
இறுதியாக..
பெண்களின் யோனி ஆரோக்கியம் என்பது உடல் நலத்தின் அடிப்படை. உடலுறவுக்குப் பிறகு பின்பற்ற வேண்டிய சிறிய சுத்தம் செய்யும் பழக்கங்கள் பெண்களை பல பெரிய பிரச்சினைகளிலிருந்து காப்பாற்றும். எனவே, “Sex மட்டும் பண்ணா போதாது.. அந்த பாகத்தை சுத்தம் செய்வது முக்கியம்” என்பது ஒவ்வொரு பெண்ணும் மறக்கக்கூடாத உண்மை.