சிறுநீரக கற்கள்
இது சிறுநீரகத்திலோ (அ)) சிறுநீரகக்குழாயிலோ ஏற்படும் சிறிய படிகங்கள் போன்ற திடப்பொருள் ஆகும். இது சிறுநீரக செயல்பாட்டை பாதிக்கும் பிரச்சனையாகும். இதனை சில அறிகுறிகள் மூலம் கண்டறியலாம்
குளிர் காய்ச்சல்
சிறுநீரகக் கற்கள் இருக்கும் போது பெரும்பாலும் குளிர் காய்ச்சல் போன்ற பிரச்சனை ஏற்படலாம். எனினும் சிறுநீரக பிரச்சனையால் மட்டும் இந்த காய்ச்சல் ஏற்படலாம் என்று கூற முடியாது
சிறுநீர் கழிக்கும் போது எரிச்சல்
சிறுநீர் கழிக்கும் போது சிறுநீர் பாதையில் உள்ள கற்கள் நகர துவங்கி, சிறுநீர் குழாயில் உராய்வினை ஏற்படுத்தலாம். சிறுநீர் குழாயில் ஏற்படும் இந்த உராய்வு எரிச்சலுக்குக் காரணமாகிறது
சிறுநீரில் இரத்தம்
சிறுநீரக கற்கள் பிரச்சனை இருக்கும் போது, சிறுநீர் கழிக்கையில் இரத்தம் சேர்ந்து வெளியேறலாம். இந்த இரத்தம் சிவப்பு, இளஞ்சிவப்பு அல்லது பழுப்பு நிறத்தில் இருக்கலாம்
குறைவான சிறுநீர்
சிறுநீர் பாதையில் சிறுநீரக கற்கள் அடைப்பை ஏற்படுத்தும் போது, சிறுநீர் கழிப்பதில் சிரமம் உண்டாகலாம். இதில் சிறுநீரக பாதை முடிச்சுகளும் உண்டாகலாம்
விலா எலும்பில் வலி
சிறுநீரக பிரச்சனை உள்ளவர்கள் வலி மற்றும் பின்பக்க விலா எலும்பில் அதிகப்படியான வலியை ஏற்படுத்தலாம். சிறுநீரக பாதையில் கற்கள் இருக்கும் போது ஏற்படும் அழுத்தமே, இந்த அதீத வலிக்குக் காரணமாகிறது
வாந்தி, குமட்டல்
சிறுநீரக கற்கள் பிரச்சனை கொண்டவர்களுக்கு குமட்டல் மற்றும் வாந்தி வருவது இயல்பான விஷயமாகும். இதற்கு சிறுநீரகம் மற்றும் இரைப்பை பாதைக்கு இடையே உள்ள நரம்புகளில் ஏற்படும் அழுத்தமே காரணமாகும்