பாலாசனா உடல் ஆரோக்கியத்திற்கு மிகவும் நன்மை பயக்கும் ஆசனம் ஆகும். இந்த ஆசனத்தின் பெயர் பாலா என்ற சமஸ்கிருத வார்த்தையிலிருந்து எடுக்கப்பட்டதாகும். அதாவது ஓய்வெடுக்கும் தோரணை ஆகும்
பாலாசனம் செய்யும் முறை
இந்த ஆசனத்தில் முதலில் குதிகால் மற்றும் இடுப்பின் உதவியுடன் உட்கார வேண்டும். அதன் பிறகு முன்னோக்கி குனிந்து நெற்றியை தரையில் வைத்து, கைகளை உடலின் இருபுறமும் முன்னோக்கி நீட்டில் தரையில் வைக்கவும். பின் மார்பிலிருந்து தொடைகளில் மெதுவாக அழுத்தவும், இந்நிலையில் சிறிது நேரம் இருக்க வேண்டும். பின் மெதுவாக எழுந்து குதிகால் மீது உட்கார்ந்து முதுகெலும்பை நேராக வைக்க வேண்டும்
உடல் எடை இழப்பு
முன்னோக்கி குனிந்து இந்த ஆசனத்தை செய்வது வயிற்றில் சேரும் கூடுதல் கொழுப்பைக் குறைக்க உதவுகிறது. இதன் மூலம் வயிறு தொடர்பான பிரச்சனைகளை நீக்க முடியும்
மன அழுத்தத்தைக் குறைக்க
பாலாசனா செய்வது மன அழுத்தம், பதட்டம் போன்றவற்றைக் குறைத்து மன ஆரோக்கியத்தை மேம்படுத்துகிறது
தசைகளை வலிமையாக்க
தசைகளை வலுவாக வைத்திருக்க பாலாசனா சிறந்த தேர்வாகும். இந்தப் பயிற்சியில் இடுப்பு, கணுக்கால் மற்றும் தொடைகளை நீட்டவும் உதவுகிறது
முதுகு வலி நீங்க
கடுமையான முதுகு வலி பிரச்சனையைக் கொண்டிருப்பவர்கள், பாலாசனா செய்வது மிகுந்த நன்மை பயக்கும். இந்த ஆசனம் செய்வது முதுகு, தோள்பட்டை மற்றும் கால்களில் ஏற்படும் வயிலிருந்து நிவாரணம் தருகிறது
குறிப்பு
கர்ப்பிணிகள் பாலாசனம் செய்வதைத் தவிர்ப்பது நல்லது. இது தவிர உயர் இரத்த அழுத்த நோயாளிகளும், இந்த ஆசனத்தை செய்வதைத் தவிர்க்க வேண்டும்
இவ்வாறு பல வழிகளில் பாலாசனா செய்வது உடலுக்கு ஆரோக்கியமான நன்மைகளைத் தருகிறது.