பால் அருந்துவது உடல் ஆரோக்கியத்திற்கு நன்மை பயக்கும் என்பது பலரும் அறிந்ததே. ஆனால், பச்சை பால் சருமத்திற்கும் உதவும் என்பது உங்களுக்குத் தெரியுமா? ஆம். இதில் சருமத்திற்கு பச்சைப்பாலை பயன்படுத்துவதால் கிடைக்கும் நன்மைகள் குறித்து காணலாம்
சருமத்தை பிரகாசமாக்க
பச்சைப் பாலில் உள்ள லாக்டிக் அமிலம் சருமத்தின் அமைப்பை மேம்படுத்த உதவுகிறது. இது சருமத்தில் உள்ள கறைகள் மற்றும் கரும்புள்ளிகளின் தோற்றத்தைக் குறைத்து பளபளப்பான நிறத்தை பெற உதவுகிறது
ஈரப்பதமாக வைக்க
இது ஒரு சிறந்த மாய்ஸ்சரைசராக செயல்படுகிறது. இவை சருமத்தை நீரேற்றமாக வைப்பதன் மூலம் வறட்சியைத் தடுக்கிறது. குறிப்பாக இது உணர்திறன் வாய்ந்த மற்றும் வறண்ட சருமம் உள்ளவர்களுக்கு நன்மை பயக்கும்
எரிச்சலைத் தணிக்க
இதில் அழற்சி எதிர்ப்புப் பண்புகள் உள்ளது. இவை எரிச்சல் அல்லது வீக்கமடைந்த சருமத்தை அமைதிப்படுத்த உதவுகிறது. எனவே சரும எரிச்சல், சிவத்தல் போன்ற பிரச்சனைகளைக் கொண்டிருப்பவர்களுக்கு இது ஒரு எளிய தீர்வாகும்
இயற்கை சுத்தப்படுத்தியாக
பச்சைப்பாலில் உள்ள லாக்டிக் அமிலம் சருமத்தில் காணப்படும் அழுக்குகள், அசுத்தங்கள் மற்றும் இறந்த செல்களை சருமத்திலிருந்து வெளியேற்றி, இயற்கையான சுத்தப்படுத்தியாக செயல்படுகிறது
முதுமை அறிகுறிகளைப் போக்க
இதில் வைட்டமின்கள் மற்றும் ஆன்டி ஆக்ஸிடன்ட்டுகள் உள்ளன. இவை சருமத்தில் காணப்படும் சுருக்கங்கள் மற்றும் மெல்லிய கோடுகள் போன்ற முதுமை அறிகுறிகளை எதிர்த்துப் போராடுவதன் மூலம் இளமையாக வைக்க உதவுகிறது