ஒருவருக்கு போதுமான தூக்கம் என்பது 7 முதல் 9 மணி நேரத்தைக் குறிக்கிறது. ஆனால், தினந்தோறும் இரவில் அதிக நேரத்திற்கு தூங்குவது பல்வேறு உடல்நலப் பிரச்சினைகளுடன் தொடர்புடையதாகும். இதில் அதிகம் தூங்குவதால் ஏற்படும் சில உடல்நலப் பிரச்சனைகளைக் காணலாம்
உடல் பருமன்
நீண்ட நேரம் தூங்குவது அடிக்கடி எடை அதிகரிப்புடன் தொடர்புடையதாகும். ஏனெனில், இது ஒரு உட்கார்ந்த வாழ்க்கை முறைக்கு வழிவகுக்கிறது. இவை ஹார்மோன் ஒழுங்குமுறையை சீர்குலைப்பதுடன், பசியை ஏற்படுத்துகிறது. இது அதிகப்படியான உணவு உட்கொள்ளலுக்கு வழிவகுக்கிறது
இதய பிரச்சனைகள்
அதிகளவு தூக்கம் இதய நோய், பக்கவாதம் மற்றும் மாரடைப்பு போன்ற அபாயத்துடன் இணைக்கப்பட்டுள்ளதாகும். ஏனெனில், இது இரத்த அழுத்த ஒழுங்குமுறையை பாதித்து வீக்கத்தை அதிகரிக்கலாம். இது இதய அமைப்பில் தேவையற்ற அழுத்தத்தை ஏற்படுத்தலாம்
நீரிழிவு நோய்
அதிகப்படியான நேரம் தூங்குவது உடலின் இயற்கையான சர்க்காடியன் தாளத்தில் இடையூற்றை ஏற்படுத்துகிறது. இது வகை 2 நீரிழிவு நோயை உருவாக்கும் அபாயத்தை அதிகரிக்கிறது. மேலும், இது இன்சுலின் உணர்திறன் மற்றும் குளுக்கோஸ் வளர்சிதை மாற்றத்தை பாதிக்கலாம்
வலி மற்றும் அசௌகரியம்
நீண்ட நேரம் படுக்கையில் இருப்பது முதுகுவலி, கழுத்து விறைப்பு, தலைவலி போன்ற உடல் உபாதைகளை ஏற்படுத்தலாம். அதிகம் தூங்குவதால் தசைகள் மற்றும் மூட்டுகளில் அதிக அழுத்தம் ஏற்படுகிறது. இது வலிகளை ஏற்படுத்தலாம்
மனச்சோர்வு
அதிக தூக்கம் மனச்சோர்வுக்கான அறிகுறியாகவும் இருக்கலாம். பொதுவாக, அதிகம் தூங்குபவர்களிடத்தில் மனச்சோர்வு அதிகம் காணப்படும். இது மனநிலை கோளாறுகளை மோசமாக்கலாம்